1
۱۔تبریاس قیصر دی حکومت دے پندرھویں سال جڈاں یہودیہ دا گورنر پینطُس پیلاطس ہا۔ تے ہیرودیس گلیل دا تے اوندا بھرا فلپ اتوریہ تے ترخونی تس اَتے لسانیاس ابلینے دا حاکم ہا۔
2
۲۔اوُں ویلے حنا تے کائفا سردار کاہن ہَن اُنہاں ڈیہواراں اِچ جنگل اِچ زکریا دے پُتر یوحنا تے خدا دا کلام نازل تھیا۔
3
۳۔اوُں نے یردن دے آسوں پاسوں پھردے ہویاں گناہواں دی معافی تے توبہ دے بپتسمے دے منادی کیتی ۔
4
۴۔جیوں کہ یسعیاہ نبی دی کتاب اِچ لکھا لاتے کہ بیابان اِچ ہک سَڈن آلے دی آواز آندی ہے۔"خداوند دی راہ تیار کرو اَتے اوندے رستے سیدھے بناو۔
5
۵۔ہر جھکِی جاہ بھریج ویسی،ہر ہک پہاڑ تے جھکِی اوچی جاہ برابر کیتی ویسی۔ٹیڑھے رستے سِدھے کیتے ویسن اَتے اوکھی راہواں ٹھیک کیتیاں ویسن۔
6
۶۔سارے لوگ خدا دی نجات کوُ ڈیکھسن۔
7
یوحنا نے اوُں بندیاں دی بھیڑ کوُ جو بپتسمہ گھِنن کیتے آئی ہائی آکھے۔"اے سپ دی نسل تہاکوُں کیئں نے ڈسایا ہے کہ آون آلی مصیبت تھوں بھج ونجو؟۔
8
۸۔توبہ دے موافق پھل گھِن آو۔اَتے اپنے آپ کوُ ایہہ آکھنا بند کرو کہ ابرہام ساڈا پیئو ہے ۔کیونکہ میں تہاکوُ آدھا ہاں کہ خدا اُنہاں پتھراں وِچوں وی ابرہام کیتے بال جمن دی قدرت رکھیندا ہے۔
9
۹۔ہُن درختاں دی جڑ تے کہاڑا رکھا لاتھے ہُن جیہڑا درخت پھل نیئں ڈیندا اوہ کٹ کے تے اَگ اِچ سَٹیا ویسی۔
10
۱۰۔وَل بندیاں دی بھیڑ وچوں بندیاں نے اوُں کوُ آکھیا۔"وَل ساکوُں کیا کرنا چاہیدا ہے؟۔
11
۱۱۔اوُں نے اُنہاں کوُ جواب اِچ آکھیا۔"اگر کیئں دے کول ڈو چوغے ہوون تاں اوُں کوُ چاہیدا ہے بئی کہ اوہ ہک اوُں کوُ ڈے چھوڑے جئیں دے کول نئیں اَتے جیندے کول ٹُکر ہے اوہ وی ایویں ای کرے۔
12
۱۲۔وَل کجھ چُنگی گھنن آلے وی بپتسمہ گھنن کیتے آئے اَتے اُنہاں نے اوُں کوُ آکھیا۔"اُستاد ساکوُ کیا کرنا چاہیدا ہے؟
13
۱۳۔اوُں نے اُنہاں کوُ آکھیا۔"جتنا ڈیون کیتے آکھا گیا ہے اوندے کولوں زیادہ پیسے نہ گھِنو۔
14
۱۴۔کجھ سپاہیاں نے وی اوندے کولوں پچھیا،"اَتے ساڈے بارے کیا حکم ہے؟ ساکوُں کیا کرنا ہوسی؟ اوُں نے اُنہاں کوُ آکھیا کیئں کولوں زبردستی پیسے نہ گھِنو اَتے کیئں تے جھوٹا الزام نہ لاو۔اپنی تنخواہ تے گزارہ کرو۔"
15
۱۵۔اوُں ویلے لوگ وڈی بے چینی نال مسیح دے آون دی راہ ڈیدھے ہَن۔اَتے ہر کوُئی اپنے دِل اِچ ایہو سوچیندا ہا کہ ایہہ تھی سگدے کہ یوحنا ہی مسیح ہے۔
16
۱۶۔یوحنا نے جواب اِچ اُنہاں ساریاں کوُ آکھیا ،"میں تاں تہاکوُں پانی نال بپتسمہ ڈیندا ہاں پر جو میڈے بعد آون آلا ہے اوہ میڈے کولوں بہوں زور آور ہے۔اَتے میں اِیں قابل وی نیئں کہ اوندی جُتیاں دے تسمے وی کھول سگاں اوہ تہاکوُں پاک روح تے اَگ نال بپتسمہ ڈیسی۔
17
۱۷۔اوندا چھج اوندے ہتھ اِچ ہے تاں جو اپنے کھلیان کوُ صاف کرے تے کنک کوُں تاں اپنے کھِتے اِچ جمع کرے۔پَر بھُوں کوُ اوُں اَگ اِچ سڑیسی جیہڑی کڈایئں بھجن آلی نیئں۔
18
۱۸۔اوُں نے بہوں ساری نصیحتاں دے نال بندیاں کوُں خوشی دی خبر سنائی۔
19
۱۹۔یوحنا نے ملک دے چوتھے دے حاکم ہیرودیس تے اُنہاں دی ساریاں بُرائیاں دے پاروں جو اوہ کریندا ہا اَتے ایندے پاروں وی کہ اوُں نے اپنے بھرا فلپ دی بیوئی ہیرودیس نال ویاہ کیتا ہویا ہا۔بُرا بھلا آکھیا۔
20
۲۰۔ہیرودیس نے ہک بیہا گناہ کیتے کہ یوحنا کوُ قید اِچ سَٹ ڈِتا ہا۔
21
۲۱۔جڈاں سارے لوگ بپتسمہ گھنن کیتے آندے پئے ہن تاں یسوع نے وی بپتسمہ گِدا وَل جڈاں اوہ دُعا کریندا پیا ہا تاں آسمان کُھل گیا۔
22
۲۲۔اَتے پاک روح آسمانی صورت اِچ کبوتر دی شکل اِچ نازل تھیا۔اوُں ویلے آسمان تھوں ہک آواز آئی ۔"توں میڈا پیارا پُتر ہیئں جیندے نال میں پیار کریندا ہاں ۔تیڈے کولوں میں خوش ہیں۔"
23
۲۳۔جیہڑے ویلے یسوع نے آپ تعلیم ڈیونا شروع کیتا تاں اوہ تقریباََ تریح سال دا ہا۔ (اَتے جیویں آکھاویندا ہا) اوہ یوسف دا پُتر ہا۔
24
۲۴۔اَتے اوہ عیلی دا پُتر ہا اوہ متاب دا پُتر ہا، اَتے اوہ لاوی دا پُتر ہا، اَتے اوہ ملکی دا پُتر ہا اَتے اوہ یناہ دا پُتر ہا،اَتے اوہ یوسف دا پُتر ہا۔
25
۲۵۔ اَتے اوہ متیاہ دا پُتر ہا، اَتے اوہ عاموس دا پُتر ہا، اَتے اوہ ناحوم دا پُتر ہا، اَتے اوہ اسلیا دا پُتر ہا، اَتے اوہ نوگہ دا پُتر ہا۔
26
۲۶۔ اَتے اوہ ماعت دا پُتر ہا، اَتے اوہ متیاہ دا پُتر ہا، اَتے اوہ شمعی دا پُتر ہا، اَتے اوہ یوسیخ دا پُتر ہا، اَتے اوہ یوداہ دا پُتر ہا۔
27
۲۷۔اَتے اوہ یوحنا دا پُتر ہا، اَتے اوہ ریسا دا پُتر ہا، اَتے اوہ زربابل دا پُتر ہا، اَتے اوہ سیالتی ایل دا پُتر ہا، اَتے اوہ نیری دا پُتر ہا۔
28
۲۸۔اَتے اوہ ملکی دا پُتر ہا، اَتے اوہ اَدی دا پُتر ہا، اَتے اوہ قوسام دا پُتر ہا، اَتے اوہ المودام دا پُتر ہا، اَتے اوہ عیر دا پُتر ہا۔
29
۲۹۔اَتے اوہ یشوع دا پُتر ہا، اَتے اوہ الیضر دا پُتر ہا، اَتے اوہ یوریم دا پُتر ہا، اَتے اوہ متات دا پُتر ہا، اَتے اوہ لاوی دا پُتر ہا۔
30
۳۰۔اَتے اوہ شمعون دا پُتر ہا، اَتے اوہ یہودہ دا پُتر ہا، اَتے اوہ یوسف دا پُتر ہا، اَتے اوہ یونان دا پُتر ہا، اَتے اوہ الیاقیم دا پُتر ہا۔
31
۳۱۔ اَتے اوہ ملےآہ دا پُتر ہا، اَتے اوہ مِناہ دا پُتر ہا، اَتے اوہ متتا دا پُتر ہا، اَتے اوہ ناتن دا پُتر ہا، اَتے اوہ داود دا پُتر ہا۔
32
۳۲۔ اَتے اوہ یسی دا پُتر ہا، اَتے اوہ عوبید دا پُتر ہا، اَتے اوہ بوعز دا پُتر ہا، اَتے اوہ سلمون دا پُتر ہا، اَتے اوہ نحسون دا پُتر ہا۔
33
۳۳۔اَتے اوہ عمینداب دا پُتر ہا، اَتے اوہ ادمین دا پُتر ہا، اَتے اوہ ارنی دا پُتر ہا، اَتے اوہ حصرون دا پُتر ہا، اَتے اوہ فارص دا پُتر ہا، اَتے اوہ یہودہ دا پُتر ہا۔
34
۳۴۔ اَتے اوہ یعقوب دا پُتر ہا، اَتے اوہ اضحاق دا پُتر ہا، اَتے اوہ ابرہام دا پُتر ہا، اَتے اوہ تاراح دا پُتر ہا، اَتے اوہ نحور دا پُتر ہا۔
35
۳۵۔ اَتے اوہ سروج دا پُتر ہا، اَتے اوہ رعو دا پُتر ہا، اَتے اوہ فلج دا پُتر ہا، اَتے اوہ عبر دا پُتر ہا، اَتے اوہ سیلح دا پُتر ہا۔
36
۳۶۔ اَتے اوہ قینان دا پُتر ہا، اَتے اوہ ارفکسد دا پُتر ہا، اَتے اوہ سِم دا پُتر ہا، اَتے اوہ نوح دا پُتر ہا، اَتے اوہ لمک دا پُتر ہا۔
37
۳۷۔ اَتے اوہ متوسلح دا پُتر ہا، اَتے اوہ حنوک دا پُتر ہا، اَتے اوہ یارد دا پُتر ہا، اَتے اوہ محلل ایل دا پُتر ہا، اَتے اوہ قینان دا پُتر ہا۔
38
۳۸۔ اَتے اوہ انوس دا پُتر ہا، اَتے اوہ سیت دا پُتر ہا، اَتے اوہ آدم دا پُتر ہا، اَتے اوہ خدا دا پُتر ہا۔