1
۱۔اُنہاں ڈیہاں اِچ ایویں تھیا کہ قیصر اوگوستس نے ساری دنیا دے راہون آلے لوگاں کوُ گینن دا حُکم ڈِتا۔
2
۲۔شام اِچ کورنیس دے حکومت دے دور اِچ پہلی واری لوگاں کوُ گنِیا گیا۔
3
۳۔ایں کیتے ہر بندہ اپنے اپنے شاہر کوُ گیا تاں جو اِیں گنتی دے پاروں اپنا ناں لکھواوے۔
4
۴۔یوسف وی گلیل دے شاہر ناصرۃ تھوں یہودیہ دے قصبے بیت لحم کوُ گیا۔جیہڑا داؤد دا شاہر آکھیا ویندا ہا۔کیونکہ اوہ داؤد دے خاندان تے اوندی نسل تھوں ہا۔
5
۵۔اوہ ناں لکھواون کیتے اپنی منگیندی مریم دے نال گیا جیہڑی اُمید نال ہائی۔
6
۶۔جیہڑے ویلے اوہ اُتھاں ہَن تاں مریم دے بال جمن دا ویلہ آ گئے ۔
7
۷۔وَل اوندا پلیٹھی دا پُتر جمیا اَتے اوُں نے اوُں کوُ نرم کپڑے اِچ لپیٹ کے کھُرلی اِچ رکھیا کیونکہ اُنہاں کوُ سَر لُکاون دی جاہ کئے نا مِلی۔
8
۸۔اوُں علاقے اِچ آجڑی رات کوُ اندھارے اِچ اپنے اِجڑ دی رکھوالی پئے کریندے ہَن ۔
9
۹۔ابڑ گت اُنہاں تے خداوند دا ہک فرشتہ ظاہر تھیئے ۔اَتے خداوند دا جلال اُنہاں دے آسے پاسے روشن تھی گیا تے اؤہ بہوں ڈر گئے۔
10
۱۰۔پَر فرشتے نے اُنہاں کوُ آکھیا گھبراو نہ کیونکہ ڈیکھو میں تہاکوُں وڈی خوشی دی خبر ڈیندا ہاں جیہڑی سارے لوگاں کیتے ہوسی۔
11
۱۱۔ کہ اَج داؤد دے شاہر اِچ تہاڈے کیتے ہک چھڑاؤن آلا جَم گئے یعنی مسیح خداوند۔
12
۱۲۔ایندا تہاڈے کیتے ایہہ نشان ہوسی کہ تُساں ہک بال کوُ کپڑے وِچ لپیٹیا ہویا تے کھُرلی وِچ پاتا ہویا پاسو۔
13
۱۳۔ابڑ گت اوُں فرشتے دے نال ہک بہوں وڈا آسمانی لشکر خدا دی تعریف کریندے ہوئے تے ایہہ آدھے ہوئے ظاہر تھیا۔
14
۱۴۔"آسمان تے خدا دی تعریف تھیوے اَتے زمین تے اُنہاں بندیاں دے نال جنہاں تھوں اوہ راضی ہے صُلح"۔
15
۱۵۔جڈاں فرشتے اوندے کولوں آسمان تے لگے گئے تاں آجڑیاں نے ہک ڈوجھے کو آکھیا"جُلو بیت لحم کوُ جُلوں اَتے جیہڑی اے گالھ تھئی ہے اَتے جیندے بارے ساکوُ خداوند نے ڈسایا ہے ونج کے ڈیکھُوں۔"
16
۱۶۔اوہ جلدی نال اُتھاں پُج گئے اَتے مریم نے یوسف کوُ ڈِٹھا اَتے بال کوُ کھُرلی وِچ ڈِٹھا۔
17
۱۷۔جڈاں اُنہاں نے بال کوُ ڈیکھ گِدے تاں بال دے بارے اِچ جیہڑا کجھ اُنہاں نے ڈِٹھا اَتے لوگاں کوُ ڈسایا۔
18
۱۸۔جنہاں نے آجڑیاں کولوں اے گالہیں سُنیاں ہَن اوہ سارے بہوں حیران تھیئے۔
19
۱۹۔پر مریم نے ایہہ ساریاں گالہیں جیہڑیاں سُنیاں ہَن اُنہاں کوُں اپنے دِل اِچ رکھ کے اُنہاں تے غور کریندی راہی۔
20
۲۰۔اَتے آجڑی جیویں اُنہاں کوُ ڈسایا گیا ہا۔سُن کے تے ڈیکھ کے خدا دی تمجید تے تعریف کریندے ہوئے واپس لگے گئے۔
21
۲۱۔اَٹھویں ڈیں جیہڑے ویلے بال دے طہور دا ڈیں آیا تاں اُنہاں نے اوندا ناں یسوع رکھیا جو فرشتے نے اوندے جمن کولوں پہلے ڈسایا ہا۔
22
۲۲۔جڈاں موسیٰ دی شریعت دے مطابق اُنہاں دے پاک ہون دے ڈِیں پورے تھی گئے تاں مریم تے یوسف یروشلیم دی ہیکل اِچ بال کوُ خداوند دے حضور گھِن آئے ۔
23
۲۳۔ جیویں کہ خداوند دی شریعت اِچ لکھا لاتھے کہ"ہر پہلوٹھا جیہڑا اپنی ماں دا رِحم کھولیندا ہے اوہ خداوند کیتے مخصوص کیتا ویسی۔
24
۲۴۔اوہ قربان کیتے جانور وی گھِن آئے جیویں کہ خداوند دی شریعت اِچ لکھا لاتھے۔"قمریاں یا کبوتراں دا ہک جوڑا لایا ونجے۔"
25
۲۵۔ ڈیکھو یروشلیم اِچ شمعون ناں دا ہک بندہ ہا اوہ بندہ نیک ہا اَتے اوُں نے اپنے آپ کوُ خدا کیتے الگ کر رکھیا ہا۔ اوندے وِچ پاک روح ہائی۔اَتے اوہ اسرایئل کیتے تسلی ڈیون دی راہ ڈیدھا ہا۔
26
۲۶۔پاک روح دے وسیلے نال اوندے تے ظاہر تھیاکہ جڈاں تایئں اوہ خداوند دے مسیح کو ڈیکھ نہ گھِنسی مرسی کئے ناں۔
27
۲۷۔ہک ڈیں او پاک روح دے وسیلے نال ہیکل اِچ آیا۔جیہڑے ویلے یسوع دے ماں پیئو اوُں کوُ شریعت دے دستور دے مطابق ہیکل اِچ گھِن آئے۔
28
۲۸۔وَل شمعون نے بال کوُ اپنی گودی وِچ چاکے تے خدا دی تعریف کریندے ہویاں ایہہ آکھیا۔
29
۲۹۔"اے خداوند اپنے کلام دے مطابق ہن اپنے خادم کوُ سلامتی نال گھِن ونج۔
30
۳۰۔کیونکہ میڈی اکھاں نے تیڈی نجات ڈیکھ گِدی ہے۔
31
۳۱۔جیہڑی توُں سارے لوگاں کیتے تیار کیتی ہے۔
32
۳۲۔ایہہ غیر قوماں تے ظاہر تھیون آلا نُور اَتے اسرایئل دے لوگاں دا جلال ہے۔
33
۳۳۔ بال دا پیئو تے ماں اُوندے بارے وِچ ایہہ گالہیں سُن کے حیران تھئے۔
34
۳۴۔ وَل شمعون نے اوُں کوُ برکت ڈِتی اَتے مریم کو آکھیا ۔"اے بال اسرایئل دے بہوں سارے لوگاں دے ڈھاون تے اُٹھن کیتے نشان مقرر کیتا گیا ہے۔ جیندی مخالفت کیتی ویسی۔
35
۳۵۔ اَتے تیڈی جان تلوار نال زخمی کیتی ویسی تاں جو بہوں سارے لوگاں دے دِلاں دے خیال ظاہر تھی ونجن۔
36
۳۶۔اُتھاں حناہ ناں دی ہک نبیہ وی راہندی ہائی۔ اوہ آشر دے قبیلے وچوں فتوایل دی دِھی ہائی۔ اوہ بہوں بُڈھی ہائی۔اُوں نے ویاہ کرکے ست سال اپنے پئے دے نال گزارے ہَن۔
37
۳۷۔اوہ چوراسی سال تھوں بیوہ ہائی۔ اَتے اوہ ہیکل تھوں اَنج نہ تھیندی ہائی۔ اوہ رات ڈِیں روزے تے دُعاواں دے نال خدا دی عبادت کریندی راہندی ہائی۔
38
۳۸۔اُوں ویلے ای اوہ اوندے کول آئی اَتے خدا دا شکر کرن لگی۔ اوہ بندیاں نال اوُں بال دے بارے گالہیں کرن لگی جو یروشلیم دے چھڑواون آلے دی تانگ اِچ ہَن۔
39
۳۹۔جڈاں اوہ خداوند دی شریعت دے مطابق سب کجھ کرچکے تاں اوہ گلیل اِچ اپنے شاہر ناصرۃ کوُ لگے گئے۔
40
۴۰۔اوہ بال ودھدا تے عقل مندی اِچ ترقی کریندا گیا۔ اَتے خدا دا فضل اوُندے تے ہا۔
41
۴۱۔اوندے ماں تے پیئو ہر سال عید فسَح مناون کیتے یروشلیم ویندے ہَن۔
42
۴۲۔جڈاں اوہ بارہ سال دا تھیا تاں اوہ وُل دستور دے مطابق عید کیتے آئے۔
43
۴۳۔جڈاں اوہ عید دے ڈیں پوُرے تھی گئے تاں واپس اپنے گھر دی طرف سفر کیتا۔ پر یسوع یروشلیم اِچ ای رہ گیا۔ اَتے اوندے ماں پیوُ کوُں ایں گالھ دا پتا نہ ہا۔
44
۴۴۔اُنہاں نے سوچے کہ یسوع اوُں قافلے دے نالِ ای ہوسی جیڑے اَنہاں دے نال سفر کرہندے پئے ہَن۔ ایہو سوچ کے اوہ ٹُردے راہے۔
45
۴۵۔جڈاں اوہ اُنہاں کُو نہ مِلا تاں اوہ یروشلیم اِچ واپس آگئے۔اُتے اُتھاں اُوں کوُ گولنا شروع کرڈِتا۔
46
۴۶۔تریئے ڈیں بعد اُنہاں نے یسوع کوُ ہیکل اچ استاداں دے وچ بیٹھے ہوئے اَنہاں دی گالہیں سُن دے اُتے انہاں دے نال سوال و جواب کریندے ہوئے ڈِٹھا۔
47
۴۷۔سارے جو اوندی سُندے پئے ہَن اوندی عقل تے جواب ڈیون تھوں بہوُں حیران ہَن۔
48
۴۸۔جڈاں اُنہاں نے اوُں کوُں ڈِٹھاں تاں اوہ حیران رہ گئے۔ اوُں دی ماں نے اوُں کوُ آکھیا '' پُتر ، تُوں کیوں ساڈے نال ایویں کیتے؟ ڈیکھ میں تے تیڈا پیئو بہوں پریشان تھی کے تیکو گولیندے راہے ہاسے۔
49
۴۹۔اوُں نے اوُں کوُ آکھیا '' تساں میکوں کیوں گولیندے ہاوے؟کیا تساں نیئں وے جان دے کہ میکوُ اپنے باپ دے گھر ہوونا ضروری ہا۔
50
۵۰۔پر جو اوُں نے آکھے اور اوندا مطلب نہ سمجھ سکے۔
51
۵۱۔وَل اوہ اُنہاں دے نال ناصرۃ کوُ اپنے گھر لگا گیا اُتے اُنہاں دی گالھ منیندا رہیا۔ اوندی ماں اِنہاں گالہیں کوُ اپنے دِل وچ رکھ کے اُنہاں تے غور کرہندی را ہی۔
52
۵۲۔تے یسوع عقل مندی تے قدوقامت وِچ اَتے خدا تے انساناں دی نگاہ اِچ مقبول تھیندا گیا۔