¹ ۱۔ اَتے ایہہ ملکِ صِدق سالم دا بادشاہ۔ خدا تعالیٰ دا کاہن ہمیشہ کاہن راہندے۔ جیہڑے ویلے ابرہام باشاہواں کوُ قتل کر کے واپس آندا پیا ہا تاں ملکِ صِدق سالم دے بادشاہ نے اوُں دا استقبال کیتے اَتے اوُندے کیتے برکت منگی۔ ² ۲۔ اِیں کوُ ہی ابرہام نے ساریاں شئیاں دی دہ یکی ڈِتی۔ ایہہ پہلے تاں اپنے ناں دے معنی دے مطابق راستبازی دا بادشاہ ہِے اَتے وَل سالم یعنی صُلح دا بادشاہ۔ ³ ۳۔ اِیندا نہ پیئو ہِے تے نہ ای ماں ہِے ایہہ بے نسب نامہ ہِے۔ نہ ایندی عمر دا شروع ہِے نہ ای زندگی دا آخر بلکہ خدا دے پُتر دی صورت تے ٹھہرے۔ ⁴ ۴۔ پس غور کرو کہ ایہہ کیہو جیہا بزرگ ہا جینکوُ قوم دے بزرگ ابرہام نے لُٹ دے مال اِچوں اعلیٰ توں اعلیٰ مال دی دہ یکی ڈِتی۔ ⁵ ۵۔ ہُن لاوی دی اولاد وِچوں جیہڑے کہانت دا عہدہ پاندِن اُنہاں کوُ حکم ہِے کہ اُمّت یعنی اپنے بھراواں کولوں اگرچہ اوہ ابرہام اَچوں ہی پیدا تھئے ہوون شریعت دے مطابق دہ یکی گھنن۔ ⁶ ۶۔ پر جیندا نسب اُنہاں کویوں الگ ہِے اوُں نے ابرہام کولوں دہ یکی گِدی اَتے جیندے نال وعدے کیتے گئے ہَن اوُندے کیتے برکت منگی۔ ⁷ ۷۔ اَتے ایندے وِچ کوُئی شک نئیں جو نِکے کوُ وڈے کولوں برکت مِلدی ہِے۔ ⁸ ۸۔ اَتے اِتھاں تاں مرن آلے بندے دہ یکی گھندِن پر اُتھاں اوہو گھن دا ہِے جئیں حق اِچ گواہی ڈِتی ویندی ہِے کہ اوہ زندہ ہِے۔ ⁹ ۹۔ پس اساں آکھ سگدے ہئیں کہ لاوی نے وی جو دہ یکی گھن دا ہِے ابرہام دے پاروُں دہ یکی ڈِتی۔ ¹⁰ ۱۰۔ اِیں کیتے کہ جیہڑے ویلے مَلکِ صِدق نے ابرہام دا استقبال کیتا ہا اوہ اوُں ویلے تائیں اپنے پیئو دے اندر ہا۔ ¹¹ ۱۱۔ پس اگر بنی لاوی دی کہانت نال کاملیت حاصل تھیندی ہِے ( کیونکہ اوُندے حکم کوُ منیندیاں ہویاں اُمّت کوُ شریعت ملی ہا ) تاں وَل کیا ضرورت ہائی کہ ڈوجھا کاہن مَلکِ صِدق دے طور تے پیدا تھیوے اَتے ہارون دے طریقے دا نہ گنیا ونجے؟۔ ¹² ۱۲۔ اَتے جڈاں کہانت بدل گئی تاں شریعت دا وی بدلنا ضرور ہِے۔ ¹³ ۱۳۔ کیونکہ جیندے بارے وِچ ایہہ گالہیں آکھیاں ویندِن اوہ ڈوجھے قبیلے اِچ شامل ہِے جیندے وِچوں کئیں نے وی قربان گاہ دی خدمت نئیں کیتی۔ ¹⁴ ۱۴۔ چنانچہ ظاہر ہِے کہ ساڈا خداوند یہوداہ وِچوں پیدا تھئے اَتے اِیں فرقے دے حق اِچ موسیٰ نے کہانت دا کجھ وی ذکر نئیں کیتا۔ ¹⁵ ۱۵۔ اَتے جیہڑے ویلے مَلکِ صِدق دی کار ہِک ایہو جیا کاہن پیدا تھیون آلا ہا۔ ¹⁶ ۱۶۔ جو جسمانی احکام دی شریعت دے موافق نئیں بلکہ غیر فانی زندگی دی طاقت دے مطابق مقرر ہوئے تاں ساڈا دعویٰ بیئا وی صاف طور تے ظاہر تھی گئے۔ ¹⁷ ۱۷۔ کیوں جو اوُندے حق اِچ ایہہ گواہی ڈِتی ویندی ہِے کہ تُوں مَلکِ صِدے صدق دے طور تے ہمیشہ تائیں کاہن ہِے۔ ¹⁸ ۱۸۔ غرض پہلا حکم کمزور تے بےفائدہ ہوون دے پاروُں منسوخ تھی گئے۔ ¹⁹ ۱۹۔ (کیونکہ شریعت نے کئیں وی شئے کوُ کامل نئیں کیتا)ن اَتے اوُں دی جاہ تے ہِک چنگی اُمید رکھی گئی جیندے وسیلے نال اساں خدا دے نیڑے ونج سگدے ہئیں۔ ²⁰ ۲۰۔ اَتے مسیح دا چُناؤ بغیر قسم دے نہ تھیا۔ ²¹ ۲۱۔ (کیونکہ اوہ تاں بغیر قسم دے کاہن چُنے گئے ہَن پر ایہہ قسم دے نال اوُں دی طرفوُں تھیا جئیں نے اوُں دے بارے آکھے کہ خداوند نے قسم کھادی ہِے اَتے اوہ اوُں توں پھرسی نہ کہ تُوں ہمیشہ تائیں کاہن ہِئیں)۔ ²² ۲۲۔ اِیں کیتے یسوع ہِک بہوُں چنگے عہد دا ضامن ٹھہرے۔ ²³ ۲۳۔ اَتے چونکہ موت دے پاروُں قائم نہ رِہ سگدے ہِن اِیں کیتے اوہ تاں بہوُں سارے کاہن مقرر تھئے۔ ²⁴ ۲۴۔ پع چونکہ ایہہ ہمیشہ تائیں قائم راہون آلا ہِے اِیں کیتے اِیندی کہانت ہمیشہ راہون آلی ہِے۔ ²⁵ ۲۵۔ اِیں کیتے جیہڑے اوُندے پاروُں خدا دے کول آندِن اوہ اُنہاں کوُ پوُری پوُری نجات ڈے سگدِےکیوں جو اوہ اُنہاں دی شفاعت کیتے ہمیشہ زندہ ہِے۔ ²⁶ ۲۶۔ چنانچہ ایہو جیہا ہی سردار کاہن ساڈے لائق وی ہا جیہڑا پاک تے بے ریا اَتے بےداغ ہووے وَل گناہگاراں توں الگ تے آسماناں توں اُچا کیتا گیا ہووے۔ ²⁷ ۲۷۔ ا۔تے اُنہاں سردار کاہناں دی کار اِیں دا محتاج نہ تھیوے کہ ہر روز پہلے اپنے گناہاں دے کیتے تے وَل اُمت دے گناہاں دے کیتے قربانیاں چڑھاوے کیوں جو اِیں کوُ اوہ ہِک ای وار کیتے چا جئیں ویلے اپنے آپ کوُ قربان کیتے۔ ²⁸ ۲۸۔ اِیں کیتے کہ شریعت تاں کمزور بندیاں کوُ سردار کاہن مقررکریندی ہِے پر اوُں قَسم دا کلام جو شریعت دے بعد کھادی گئی ہااوُں پُتر کوُ مقرر کریندا ہِے جو ہمیشہ کیتے کامل کیتا گیا ہِے۔