1
۱۔ پس ہُن آو مسیح دی تعلیم دیاں پہلیاں گالہیں کوُ چھوڑ کے کمال دے پاسے قدم ودھاؤں اَتے مُردہ کماں توں توبہ کرن اَتے خدا تے ایمان گھن آون دی۔
2
۲۔ تے بپتسمیاں تے ہتھ رکھن تے مُردیاں وِچوں زندہ تھیون تے ابدی عدالت دی تعلیم دی بنیاد وَلا نہ بناؤں۔
3
۳۔ اَتے اگر خدا چاہوے تاں اساں ایہو کریسوں۔
4
۴۔ کیونکہ جنہاں بندیاں دے دِل ہِک واری روشن تھی گئے اَتے اوہ آسمانی بخشش دا مزہ چکھ چُکے ہِن اَتے روُح القّدس اِچ شامل تھی گئے ہِن۔
5
۵۔ اَتے خدا دے اعلیٰ کلام تے آون آلے جہان دی قوتاں دا سواد گھن چُکے ہِن۔
6
۶۔ اگر اوہ ایمان توں پھر ونجن تاں اُنہاں کوُ توبہ کیتے وَلا نواں بناونا ممکن ہی نئیں اِیں کیتے کہ اوہ خدا دے پُتر کوُ اپنی طرفوں وَلا ڈوجھی واری صلیب ڈے کے کھُلم کھُلا ذلیل کریندِن۔
7
۷۔ کیونکہ جیہڑی زمین اوُں بارش دا پانی پی گھن دی ہِے جو اوُندے تے بار بار آندی ہِے اَتے اوُں کیتے بہوُں فائدہ مند سبزی پیدا کریندی ہِےجیندی طرفوں کاشت وی تھیندی ہِے اوُں کوُ خدا دی طرفوں بہوُں برکت ملدی ہِے۔
8
۸۔ اَتے اگر جھاڑیاں تے اُٹھ کٹارے اُگ آندِن تاں مقبول نئیں کیتی ویندی اَتے وَل ایہہ ہِے کہ اوُندا انجام ساڑیا ونجے۔
9
۹۔ پر اَے عزیزو! اگرچہ اساں ایہہ گالہیں آدھے ہئیں تاں وی تُہاڈے بارے اِنہاں کولوں بہوں بہتر تے نجات آلیاں گالہیں دا یقین کریندے ہئیں۔
10
۱۰۔ اِیں کیتے کہ خدا بے انصاف نئیں جیہڑا تُہاڈے کم تے اوُں محبت کوُ بھُل ونجےجو تُساں اوُندے ناں دے کیتے اِیں طرح ظاہر کیتی کہ مُقدس بندیاں دی خدمت کیتی تے کریندے وی پئے ہیوے۔
11
۱۱۔ اَتے اساں اِیں گالھ دے آرزو مند ہئیں کپ تُہاڈے وِچوں ہر بندی پوری اُمید دے کیتے آخر تائیں ایویں ای کوشش ظاہر کریندا راہے
12
۱۲۔ تاں جو تُساں سُست نہ تھی ونجوبلکہ اوُندی کار بنو جیہڑے ایمان تے تحمل دے پاروُں وعدیاں دے وارث تھیندے ہِن۔
13
۱۳۔ چنانچہ جیہڑے ویلے ابرہام نال خدا نے وعدہ کریندے ویلے قسم کھاون کیتے کئیں کوُ وی اپنے کولوُں وڈا نہ ڈِٹھا تاں اپنی ہی قسم کھا کے۔
14
۱۴۔ آکھے کہ یقیناً میں تیکوُ برکتاں تے برکتاں ڈیساں اَتے تیڈی اولاد کوُ بہوُں ودھاساں۔
15
۱۵۔ اَتے اِیں طرح صبر کر کے اوُں نت وعدہ کیتیاں ہویاں شئیاں کوُ حاصل کیتے۔
16
۱۶۔ بندے تاں اپنے کولوُں وڈے دی قسم کھاندِن اَتے اُنہاں دے ہر مقدمے دا آخری ثبوت قسم نال تھیندے۔
17
۱۷۔ اِیں کیتے جڈاں خدا نے چاہیا کہ بئے وی صاف طور تے وعدیاں دے وارثاں تے صاف طور تے ظاہر کرے کہ میڈا ارادہ بدل نئیں سگدا تاں قسم کوُ وِچ گھن آیا۔
18
۱۸۔ تاں جو ڈوُ تبدیل نہ تھیون آلیاں شئیاں دے پاروُں جنہاں دے بارے اِچ خدا دا جھوٹ بولنا ناممکن ہِے ساڈی مظبوط بےفکری تھی ونجے جو پناہ گھنن کوُ اِیں کیتے دوڑے ہِن اوُں اُمید کوُ جیہری سامنے رکھی ہوئی ہِے قبضہ کر گھنن۔
19
۱۹۔ اوہ ساڈی جان دا ایہو جیہا لنگر ہِے جیہڑا برقرار تے قائم راہندے اَتے دے اندر تک وی پہنچ ویندے۔
20
۲۰۔ جتھاں یسوع ہمیشہ کیتے ملکِ صِدق دے طور تے سردار کاہن بن کے ساڈی خاطر اَگے اَگے چل کے داخل تھئے۔