¹ ۱۔ کیونکہ ہر سردار کاہن بندیاں وِچوں منتخب تھی کے بندیاں ہی کیتے اُنہاں گالہیں دے واسطے مقرر کیتا ویندے جنہاں دا تعلق خدا دے نال ہِے تاں جو نذراں تے گناہواں دی قربانی ڈیوے۔ ² ۲۔ اَتے اوہ نادان بندیاں تے گمراہ تھئے ہویاں نال نرمی دے نال پیش آون دے قاب ہوندِن اِیں کیتے کہ اوہ آپ وی کمزوری اِب پیا راہندے۔ ³ ۳۔ اَتے ایندے پاروُں اوُندے تے فرض ہِے کہ گناہواں دی قربانی جیویں اُمّت دی طرفوں ڈیوے اوُں وے ای اپنی طرفوں وی چڑھاوے ⁴ ۴۔ اَتے کوُئی بندہ اپنے آپ ایہہ عزت اختیار نئیں کریندہ جڈاں تائیں ہارون دی کار خدا دی طرفوں سڈیا نہ ونجے۔ ⁵ ۵۔ ایویں ای مسیح نے وی سردار کاہن ہوون دی بزرگی اپنے تئیں نئیں ڈِتی بلکہ اوُں نے ہی ڈِتی ہِے جئیں نے اوُں کوُ آکھیا ہا کہ تُوں میڈا پُتر ہئیں۔ اَج تُوں میڈے توں پیدا تھئیں۔ ⁶ ۶۔ چنانچہ اوہ ڈوجھی جاہ تے وی آدھے کہ تُوں ملکِ صِدق تے طور تے ہمیشہ تائیں کاہن ہئیں۔ ⁷ ۷۔ اوُں نے اپنی انسانیت دے ڈیہاں اِچ زور زور نال تے اوُچی آواز نال تے ہنجو وہا وہا کے اوُندے کولوں ای دعاواں تے منتیاں کیتیان جیہڑا اوُں کوُ موت توں بچا سگدا ہا اَتے خدا ترسی دے پاروُں اوُندی سُنی گئی۔ ⁸ ۸۔ حالانکہ اوہ خدا دا پُتر ہا وَل وی اوُں نے ڈُکھ چا چا کے فرمانبرداری سِکھی۔ ⁹ ۹۔ اَتے کامل بن کے اپنے سارے فرمانبرداراں کیتے ہمیشہ دی نجات دا باعث تھیئے۔ ¹⁰ ۱۰۔ اَتے اوُں کوُ خدا دی طرفوں ملکِ صِدق دے طور تے سردار کاہن دا خطاب مِلے۔ ¹¹ ۱۱۔ اِیندے بارے وِچ ساکوُ بہوۃں ساریاں گالہیں آکھنیاں ہِنجنہاں دا سمجھاونا مشکل ہِے اِیں کیتے کہ تُساں اُچا سُنن لگ پئے ہیوے۔ ¹² ۱۲۔ ویلے دے حساب نال تُہاکوُ تاں اُستاد ہوون چاہیدے پر ہُن اِیں گالھ دی ضرورت ہِے کہ کوُئی وی بندہ کلام دے شروع دے اصول ولا تہاکوُ سِکھائے اَتے سکت غذا دے بدلے تُہاکوُ کھیر پیون دی عادت پئے گئی ہِے۔ ¹³ ۱۳۔ کیونکہ پیندیاں ہوئے کوُ راستبازی دے کلام دا تجربہ نئیں ہوندا اِیں کیتے کہ اوہ بال ہِے۔ ¹⁴ ۱۴۔ اَتے سخت غذا وڈی عمر آلیاں کیتے ہوندی ہِے جنہاں دے حواس کم کرینِدِن نیک وبد اِچ تمیز کرن کیتے تیز تھی گئیِن۔