¹ ۱۔ پس جڈاں اوُندے آرام اِچ داخل تھیون دا وعدہ باقی ہِے تاں ساکوُ ڈر رکھنا چاہیدے۔ جوایویں نہ تھیوے کہ کوُئی آزاد تھیا ہویا معلوم تھیوے۔ ² ۲۔ کیوں جو ساکوُ وی اُنہاں دی کار ہی خوشخبری سُنائی گئی ہائی پر سُنے ہوئے کلام نے اُنہاں کوُ کجھ وی فائدہ نہ ڈِتے کہ ایمان سُنن آلیاں دے دِلاں اِچ نہ بیٹھے۔ ³ ۳۔ اَتے اساں جو ایمان گھن آئے ہئیں اوُں آرام اِچ داخل تھیندے ہئیں جیویں اوُں نے آکھیا ہا کہ میں اپنے غضب دی قسم کھادی ہِے۔ کہ ایہہ میڈے ارام اِچ داخل نہ تھیسن۔ بھاویں پہلے توں ہی اُنہاں دے کم تھی چکے ہَن۔ ⁴ ۴۔ چنانچہ اوُں نے ستویں ڈِیں دے بارے ہک موقع تے ایویں آکھیا ہا کہ خدا نے اپنے سارے کماں کوُ پورا کر کے ستویں ڈِیں آرام کیتے۔ ⁵ ۵۔ اَتے وَل اِیں مقام تے ہِے کہ اوہ میڈے آرام اِچ داخل نہ تھیسن۔ ⁶ ۶۔ پس جڈاں ایہہ گالھ کہ بہوُں سارے اوُں آرام اِچ داخل تھیسن اَتے جِنہاں کوُ پہلے خوشخبری سُنائی گئی ہائی اوہ نافرمانی دے پاروُں داخل نہ تھیسن۔ ⁷ ۷۔ تاں وَل ہِک خاص ڈِیں ٹحہرا کے اتنی مُدّت دے بعد داؤد دی کتاب اِچ اوُں کوُ اَج دا ڈِیں آدھے جیویں پہلے آکھا گیا ہا کہ اگر اَج تُساں اوُندی آواز سُنو تاں اپنے دِلاں کوُ سخت نہ کرائے۔ ⁸ ۸۔ اَتے اگر یشوع نے اُنہاں کوُ آرام اِچ داخل کیتا ہووے ہا تاں اوہ اوُندے بعد ڈوجھے ڈِیں دا ذکر نہ کرے ہا۔ ⁹ ۹۔ پس خدا دی اُمّت کیتے سبت دا آرام باقی ہِے۔ ¹⁰ ۱۰۔ کیوں جیہڑا اوُندے ارام اِچ داخل تھیا اوُں نے وی خدا دی کار اپنے کماں کوُ پورا کر کے آرام کیتے۔ ¹¹ ۱۱۔ پس آؤ اساں اوُں آرام اِچ داخل ہوون دی کوشش کروُں تاں جو اُنہاں دی کار نافرمانی کر کے کوُئی بندہ ڈھے نہ پووے۔ ¹² ۱۲۔ کیونکہ خدا دا کلام زندہ تے اَثر رکھن آلا اَتے ہر ہِک ڈوُ دھار آلی تلوار توں زیادہ تیز ہِے اَتے جان تے روُح تے بند بند تے گوُدے کوُ الگ کر کے لنگھ ویندے اَتے دِل دے خیال تے ارادیاں کوُجانچدا ہِے۔ ¹³ ۱۳۔ اَتے اوُں توں مخلوقات دی کوُئی وی شئے لُکی ہوئی نئیں بلکہ جیندے نال ساکوُ کم ہِے اوُندی نظراں اِچ ساریاں شئیاں کھُلیاں تے پردے توں بغیر ہِن۔ ¹⁴ ۱۴۔ پس جڈاں ساڈا ایہو جیہا وڈا سردار کاہن ہِے جیہڑا آسماناں توں لنگھ گئے یعنی خدا دا پُتر یسوع تاں آؤ اساں اپنے اقرار تے قائم راہوں ۔ ¹⁵ ۱۵۔ کیونکہ ساڈا ایہو جیہا سردار کاہن نئیں جیہڑا ساڈی کمزوریاں اِچ ساڈا ہمدرد نہ ہو سگے بلکہ اوہ ساریاں گالہیں وَچ ساڈی کار آزمایا گئے تاں وی اوہ بےگناہ ریہا۔ ¹⁶ ۱۶۔ پس آؤ اساں وڈی دلیری نال فجل دے تخت دے کول جُلوُں تاں جو ساڈے تئ رَحم تھیوےاَتے اوہ فضل حاصل کروں جیہڑا ضرورت دے ویلے ساڈی مدد کرے۔