1
۱۔ پس جیہڑے ویلے گواہاں دا ایہو جیہا وڈا بدل ساکوُ گھیرا پاتے ہوئے ہِے تاں آؤ اساں وی ہر ہِک بوجھ اَتے اوُں گناہ کوُ جیہڑا ساکو بہوُں آسانی نال اُلجھا گھندا ہِے دوُر کر کے اوُں دوڑ اِچ صبر نال دوڑوں جو ساڈے سامنے ہِے۔
2
۲۔ اَتے ایمان دے بانی تے کامل کرن آلےیسوع کوُ ڈیدھے راہوں جئیں نے اوُں خوشی دے کیتے جیہڑی اوُندی نظراں دے سامنے ہا شرمندگی دی پرواہ نہ کر کے صلیب دا ڈکھ برداشت کیتے اَتے خدا دے تخت دے سجے پاسے ونج بیٹھے۔
3
۳۔ پس اوُندے تے غور کرو جئیں نے اپنے حق اِچ بُرائی کرن آلے گناہگاراں دی اتنی زیادہ مخالفت دی برداشت کیتی تاں جو تُساں بے دِل تھی کے ہمت نہ ہارو۔
4
۴۔ تُساں گناہ اِچ لڑن نال ہُن تائیں ایہو جیہا مقابلہ نئیں کیتا جئیں دے وِچ خون وگایا ہووے۔
5
۵۔ اَتے تُساں اوُں نصیحت کوُ بھُل گئے ہیوے جیہڑی تُہاکوُ پُتراں دی طرح کیتی ویندی ہِے کہ اَے میڈے پُتر! خداوند دی تنبیہ کوُ بیکار نہ سمجھ اَتے جیہڑے ویلے اوہ تیکوُ ملامت کرے تاں بےدل نہ ہو۔
6
۶۔ کیونکہ خداند جیندے نال محبت کریندے اوُں کوُ تنبیہ وی کریندے اَتے جئیں کوُ پُتر بنا گھن دے اوُں کوُ کوڑے وی مریندے۔
7
۷۔ تُساں جو کجھ ڈُکھ برداشت کریندے ہیوے اوہ تُہاڈی تربیت کیتے ہِے۔ خدا پُتر جان کے تُہاڈے نال سلوک کریندے۔ اوہ کیہڑا پُتر ہِے جیں کوُ پیئو تنبیہ کریندے؟۔
8
۸۔ اَتے اگر تُہاکوُ اوہ تنبیہہ نہ کیتی گئی جیندے وِچ سارے شامل ہِن تاں تُساں حرامزادے تھیوے نہ کہ پُتر۔
9
۹۔ اِیں دے علاوہ جڈاں ساڈے جسمانی پیئو ساکوُ تنبیہ کریندے ہَن اَتے اساں اُنہاں دی تعظیم کریندے راہے تاں کیا روُحاں دے پیئو دی اِیں توں زیادہ تابعداری نہ کروں جیں دے پاروُں اساں زندہ راہوں؟۔
10
۱۰۔ اوہ تاں تھوڑے ڈیہاں دے کیتے اپنی سمجھ دے موافق تنبیہ کریندے ہَن پر ایہہ ساڈے فائدہ کیتے کریندا ہِے تاں جو اساں وی اوُں دی پاکیزگی اِچ شامل تھی ونجوں۔
11
۱۱۔ فی الحال ہر طرح دی تنبیہ خوشی دا نئیں بلکہ غم دی وجہ معلوم تھیندی ہِےپر اوُں کوُ برداشت کریندے کریندے مضبوط تھئ گئے ہِن اُ نہاں کوُ بعد اِچ آرام نال راستبازی دا پھل بخشدی ہِے۔
12
۱۲۔ پس ڈھِلے ہتھاں تے سُست گوڈیاں کوُ ٹھیک کرو۔
13
۱۳۔ اَتے اپنے پیراں کیتے سِدھے رستے بناؤ تاں جو لنگڑا بے راہ نہ ہووے بلکہ شفا پاوے۔
14
۱۴۔ ساریاں دے نال میل ملاپ رکھن تے اوُں پاکیزگی دے خواہش مند راہو جیندے بغیر کوُئی وی خداوند کوُ نہ ڈیکھسی۔
15
۱۵۔ غور نال ڈیدھے راہو کہ کوُئی بندہ خدا دے فضل توں محروم نہ رِہ جائے۔ ایویں نہ تھیوے کہ کوُئی کوڑی جڑ نکل کے تُہاکوُ ڈُکھ ڈیوے اَتے اوُں دے پاروُں بہوُں دفعہ لوگ تھی ونجن۔
16
۱۶۔اَتے نہ کوُئی حرامکار یا عیسو دی کار بےدین ہوئے جئیں نے ہِک ویلے دے کھاون دے پاروُں اپنے پہلوٹھے تھیون دا حق ویچ سَٹے۔
17
۱۷۔ کیوں جو تُساں جان دے ہیوے کہ اِیں دے بعد جڈاں اوُں نے برکت دا وارث تھیونا چاہندا ہا تا منظور نہ تھیا۔ چنانچہ اوُں کوُ نیت دی تبدیلی دا موقع نہ مِلے حالانکہ اوُں نے ہنجو وہا وہا کے اوُں کوُ بہوُں گولے۔
18
۱۸۔ تُساں اوُں پہاڑ دے کول نئیں وے گئے جیں کوُ ہتھ ہتھ لاونا ممکن ہا اَتے اوُں کوُ بھا لگی راہندی ہائی اَتے اوُندے تے کالا بّدل تے اندھارا تے طوفان۔
19
۱۹۔ اَتے نرسنگے دا شور تے کلام کرن آلے دی ایہو جئی آواز ہا جیں کوُ سُنن آلیاں نے منّت کیتی کہ ساڈے نال ایہہ کلام نہ کیتا ونجے۔
20
۲۰۔ کیونکہ اوہ اِیں حکم دی برداشت نہ کر سگے کہ اگر کوُئی جانور وی اوُں پہاڑ کوُ ہتھ لاوے تاں سنگسار کیتا ونجے۔
21
۲۱۔ اَتے اوہ نظارہ ایہو جیہا ڈراونا ہا کہ موسیٰ نے آکھیا میں بہوُں ڈردا ہاں۔
22
۲۲۔ بلکہ تُساں صیحون دے پہاڑ تے زندہ خدا دے شاہر یعنی آسمانی یروشلیم دے کول اَتے لکھاں فرشتیاں۔
23
۲۳۔ اَتے اُنہاں پہلوٹھیاں دی عام جماعت یعنی کلیسیا جِنہاں دے ناں آسمان تے لکھے گئے ہِن اَتے ساریاں دے مصنف خدا تے کامل کیتے ہوئے راستبازاں دی روُحاں۔
24
۲۴۔ اَتے نویں عہد دے درمیانی یسوع تے چھڑکاؤ دے اوُں خون دے کول آےت ہیوے جو ہابل دے خون دے بارے بہوُں چنگیاں گالہیں آدھا ہِے۔
25
۲۵۔ خبردار! اوُں آکھن آلے دا انکار نہ کرائے کیونکہ جڈاں اوہ لوگ زمین تے ہدایت کرن آلے دا انکار کر کے بچ نہ سگے تاں اساں آسمان دے ہدایت کرن آلے توں مُنہ موڑ کے کیویں بچ سگدے ہئیں؟۔
26
۲۶۔ اوُں دی آواز نے تاں اوُں ویلے زمین کوُ ہلا ڈِتے پر ہُن اوُں نے ایہہ وعدہ کیتے جو ہِک واری وَل میں صرف زمین ہی کوُ نئیں بلکہ آسمان کوُ وی ہلا ڈیساں۔
27
۲۷۔ اَتے ایہہ لکھیا ہویا ہِک واری وَلا اِیں گالھ کوُ ظاہر کریندے کہ جیہڑیاں شئیاں ہلا ڈِتیاں ویندِن مخلوق ہوون دے پاروں ٹل ویسن تاں جو جیہڑیاں شئیاں ہلیاں نئیں اوہ قائم راہون۔
28
۲۸۔ پس اساں اوہ بادشاہی گھن سگدے ہئیں جیہڑی ہلن آلی نئیں اوُں فضل کوُ ہتھ توں نہ ڈیووں جیندے پاروُں پسند آون دے طور تے خدا دی عبادت خدا ترسی تے خوف دے نال کروُں ۔
29
۲۹۔ کیونکہ ساڈا خدا ساڑ ڈیون آلی بھا ہِے