1
۱۔ کیونکہ شریعت جیندے وِچ آون آلے ویلے دیاں چنگیاں شئیاں دا عکس ہِے اَتے اُنہاں شئیاں دی اصلی صورت نئیں اُنہاں ہِکو جیہاں قربانیاں جیہڑیاں ہر سال روزانہ چڑھائیاں ویندیاں ۃَن نیڑے آون آلیاں کوُ ہر گز کام نئیں کر سگدیاں۔
2
۲۔ ورنہ اُنہاں دا چڑھاونا ختم نہ تھیوے ہا؟ کیونکہ جڈاں کرن آلے ہِک واری پاک تھی ویندے تاں وَل اُنہاں دا دِل اُنہاں کوُ گناہگار نہ ٹھہراوے ہا۔
3
۳۔ بلکہ اوہ قربانیاں سال بہ سال گناہواں کوُ یاد ڈیواندیاں ہِن۔
4
۴۔ کیوں جو ایہہ تھی ہی نئیں سگدے کہ ڈانداں تے بکریاں دا خون گناہواں کوُ دوُر کرے
5
۵۔ اِیں کیتے اوہ دُنیا وِچ آندے ویلے آدھے کہ تُوں قربانی تے نذر کوُ پسند نئیں کیتا۔ بلکہ میڈے کیتے ہِک بدن تیار کیتے ۔
6
۶۔ ساری سوختنے قربانیاں تے گناہ دی قربانیاں توں خوش نہ تھیا۔ اوُں ویلے میں آکھے کہ ڈیکھ! میں آیا ہاں۔
7
۷۔ اوُں ویلے میں آکھے کہ ڈیکھ! میں آیا ہاں۔ (کتاب دے ورقیاں اُتے میڈے بارے لکھا لاتھے)۔ تاں جو اَے خدا! تیڈی مرضی پوری کراں۔
8
۸۔ اُتے اوہ فرماندے کہ نہ تاں تُوں قربانیاں تے نذراں تے پوری سوختنی قربانیاں تے گناہ دی قربانیاں کوُ پسند کیتے اَتے نہ اُنہاں تو خوش تھیا حالانکہ اوہ قربانیاں شریعت دے موافق چڑھائیاں ویندیا ہِن۔
9
۹۔ اَتے وَل اوہ آدھے کہ ڈیکھ میں آیا ہاں تاں جو تیڈی مرضی پوری کراں۔ پس اوہ پہلے کوُ ختم کر ڈیندے تاں جو ڈوجھے کوُ قائم کرے۔
10
۱۰۔ اوُندی مرضی دے پاروُں اساں یسوع مسیح دے جسم دے ہِک ای واری قربان تھیون دے وسیلے نال پاک کیتے گئے ہئیں۔
11
۱۱۔ اَتے ہر ہِک کاہن کھڑا تھی کے ہر روز عبادت کریندا ہِے اَتے ہِک ای طرح دیاں قربانیاں بار بار چڑھاندا ہِے جیہڑیاں گناہواں کوُ ہر گز دوُر نئیں کر سگدیاں۔
12
۱۲۔ پر ایہہ بندہ ہمیشہ کیتے ہِک ای قربانی گناہوں کیتے چڑھا کے خدا دے سجے ہتھ ونج بیٹھے۔
13
۱۳۔ ا۔تے اوُں ویلے دے اساں انتطار وِچ ہئیں جو اوُندے دشمن اوُں دے پیراں دے تھلے دی چوکی بن ونجن۔
14
۱۴۔ کیوں جو اوُں نے ہِک ای قربانی چڑھاون نال اُنہاں کوُ ہمیشہ کیتے کامل کر ڈِتے جیہڑے پاک کیتے ویندِن۔
15
۱۵۔ اَتے روح القدس وی ساکوُ ایہو ڈسیندے کیوں ایہو آکھن دے بعد۔
16
۱۶۔ خداوند فرماندے جیہڑا عہد میں اُنہاں ڈیہاں دے بعد اُنہاں دے نال بدھیساں اوہ ایہہ ہِے کہ میں اپنے قانون اُنہاں دے دِلاں اُتے لکھساں اَتے اُنہاں دے ذہن اِچ وی سٹیساں۔
17
۱۷۔ وَل اوہ ایہہ آدھے کہ اُنہاں دے گناہاں تے بےدینیاں کوُ وَل کڈائیں یاد نہ کریساں۔
18
۱۸۔ اَتے جڈا اُنہاں دی معافی تھی گئی ہِے تاں وَل گناہ دی کوُئی قربانی نئیں رہی۔
19
۱۹۔ پس اَے بِھراؤ! چونکہ ساکوُ یسوع دے خون دے پاروُں اوُں نویں تے زندہ راہ دے نال پاک مکان اِچ داخل تھیون دی دلیری ہِے۔
20
۲۰۔ جو اوُں نے پردہ یعنی اپنے جسم اِچ تھی کے ساڈے کیتے مخصوص کر ڈِتی ہِے۔
21
۲۱۔ اَتے چونکہ ساڈا ایہو جیہا وڈا کاہن ہِے جیہڑا خدا دے گھر دا مختار ہِے۔
22
۲۲۔ تاں آؤ اساں سچے دِل تے پورے ایمان دے نال دِل دے الزام کوُ دوُر کرن کیتے دِلاں تے چِھٹے سَٹ کے اَتے بدن کوُ صاف پانی نال دھوا کے خدا دے کو جُلوُں۔
23
۲۳۔ اَتے اپنی اُمید دے اقرار کوُ مضبوطی نال پکڑے راہوں کیوں جو جئیں نے وعدہ کیتے اوہ سچا ہِے۔
24
۲۴۔ اَتے محبت تے نیک کماں دا شوق ڈیواون کیتے ہِک ڈوجھے دا لحاظ رکھوں۔
25
۲۵۔ اَتے ہ،ک ڈوجھے دے نال جمع تھیوں توں باز نہ آؤں جیوں بہوُں سارے لوگاں دا دستور ہِے بلکہ ہِک ڈوجھے کوُ تصیحت کروں اَتے جتھوں تائیں تھی سگدے اوُں ڈِیں کوُ نیڑے تھیندیاں ہویاں ڈیدھے ہوئے اوُندے کولوں وی زیادہ کروُں۔
26
۲۶۔ کیوں جو حق کوُ سُنجانن دے بعد اگر اساں جان بُجھ کے گناہ کروں تاں گناہواں دی بئی کوُئی قربانی کئے نئیں۔
27
۲۷۔ ہاں عدالت دا ہِک بہوُں ڈراونا انتظار تے غضب ناک بھا باقی ہِے جیہڑی مخالفاں کوُ کھا ویسی۔
28
۲۸۔ جڈاں موسیٰ دی شریعت دا نہ منن آلا ڈوُ یا ترئیے بندیاں دی گواہی توں بغیر رَحم کیتے مارا ویندا ہِے۔
29
۲۹۔تاں خیال کرو کہ اوہ بندہ کیہو جئی وڈی سزا دے لائق ٹحہرسی جئیں نے خدا دے پُتر کو بےعزت کیتے اَتے عہد دے خون کوُ جیندے نال اوہ پاک تھیا ہا پلید سمجھے اَتے فضل دے روُح کوُ وی بےعزت کیتے۔
30
۳۰۔ کیونکہ اوُں کوُ اساں جان دے ہئیں جئیں فرمائے کہ انتقام گھننا میڈا کم ہِے۔ بدلہ میں ہی ڈیساں اَتے وَل ایہہ کہ خداوند اپنی اُمّت دی عدالت کریسی۔
31
۳۱۔ زندا خدا دے ہتھاں اِچ پوونا بہوُں خطرناک ہِے۔
32
۳۲۔ وَل اُنہاں پہلے ڈیہاں کوُ یاد کرو جو تُساں روشن تھیون دے بعد ڈوکھاں کوُ بہوُں مصیبت برداشت کیتی ہِے۔
33
۳۳۔ کجھ تاں ایویں کہ لعن طعن تے مصیبتاں دے پاروُں تُہاڈا تماشا بنے اَتے کجھ ایویں کہ تُساں اُنہاں دے وِچ شامل تھئے جنہاں دے نال ایہہ بدسلوکی تھیندی ہائی۔
34
۳۴۔ چنانچہ تُساں قیدیاں دی ہمدردی وی کیتی اَتے اپنے مال دا لُٹ ونجنا وی خوشی نال منطور کیتے۔ ایہہ جان کہ تُہاڈے کول ہک بہوں بہتر تے ہمیشہ راہون آلی ملکیت ہِے۔
35
۳۵۔ تُساں اپنی دلیری کوُ ہتھوں نہ چھوڑو۔ اِیں کیتے کہ اوُندا وڈا اجر ہِے۔
36
۳۶۔ کیونکہ تُہاکوُ صبر کرنا ضروری ہِے تاں جو خدا دی مرضی پوری کر کے وعدہ کیتی ہوئیاں شئیاں کوُ حاصل کرو۔
37
۳۷۔ اَتے ہُن بہوُں تھوڑی جئی مُدتّ باقی ہِے کہ آون والا آسی ا۔تے دیر نہ کریسی۔
38
۳۸۔ اَتے میڈا راستباز بندہ ایمان نال جیوندا راہسی اَتے اگر اوہ ہٹسی تاں میڈا دِل اوُندے توں خوش نہ تھیسی۔
39
۳۹۔ پر اساں ہٹن آلے نئیں کہ ہلاک تھیووں بلکہ ایمان رکھن آلے ہئیں کہ جان بچاؤں۔