1
۱۔اَتے ہِک بندہ حننیاہ ناں دا تے اوُندی ذال سفیرہ نے اپنی جائداد ویچی۔
2
۲۔اَتے اوُں نے اپنی زال دے جان دیاں ہویاں پیسیاں وِچوں کجھ رکھ چھوڑیا تے ہِک حصہ گھِن کے رسولاں دے پیراں وِچ رکھ ڈِتا۔
3
۳۔پر پطرس نے آکھیا اَے حننیاہ ! کیوں شیطان نے تیدے دِل اِچ ایہہ گالہہ پاتی ہِے جوتوں روُح القدس نال جھوٹ بولیں اَتے زمین دے پیسیاں وِچوں کجھ رکھ چھوڑیں؟۔
4
۴۔کیا جڈاں تک اوہ تیڈے کول ہاءی تیڈی نہ ہاءی؟ اَتے جیہڑے ویلے اوہ ویچ ڈِتی تاں تیڈے اختیار وِچ نہ رہی؟ تُوں کیوں اپنے دِل وِچ اِیں گالہہ دا خیال بدھیا ؟ تُوں بندیاں نال نہیں بلکہ خدا نال جھوٹ بولیا ہِے۔
5
۵۔ایہہ گالہیں سُن دے ای حننیاہ ڈھے پیا اَتے اوُندا دَم نکل گیا تے سارے سُنن والیاں تے وڈا خوف چڑھ گیا۔
6
۶۔وَل جوناں نے اُٹھی کے اوُں کوُ کفنایا تے باہر ونج کے دَب چھوڑیا۔
7
۷۔اَتے تقریباً 3 گھنٹے لنگھ ونجن دے بعداوُندی ذال ایں ماجرے توں بےخبر اندر آئی۔
8
۸۔پطرس اوُں کوُ آکھیا میکوُ ڈسا تاں سہی کہ کیا تُساں اتنے وِچ ہی زمین ویچی ہائی؟ اوُں نے آکھیا ہاں۔ اتنے وِچ ہی ۔
9
۹۔پطرس نے اوُں کوُ آکھیا تُساں کیوں خداوند دے روُح کوُ آزماون کیتے ہِک تھی گے ہو ؟ ڈیکھ تیڈے پئے کوُ دَبن آلے دروازےتے کھڑءے ہِن اوہ تیکوُ وی باہر گھن ویسن ۔
10
۱۰۔ اوہ اوُں ویلے ہی اوُندے پیراں وِچ ڈھے پئی اَتے اوُندا دَم نکل گیا تے جواناں نے اندر آکے اوُں کو مریا ہویا پاتے اوُں کوُ چاکے باہر گھن گئے تے اوُندے پئے دے نال دَب چھوڑیا۔
11
۱۱۔اِتے ساری کلیسیا بلکہ اِنہاں گالہیں دے پاروں سُنن آلیاں تے وڈا خوف تھی گیا ۔
12
۱۲۔اَتے رسولاں دے ہتھاں تھوں بہوں سارے نشان تے حیران کرن آلے کم لوگاں وِچ ظاہر تھیندے ہَن۔ اَتے اوہ سارے ہِک دِل تھی کے سُلیمان دے برامدے وِچ اکٹھے تھیندے راہندے ہَن۔
13
۱۳۔پر ڈوجھیاں وِچوں کئیں کوُ جرات نہ تھئی جو اُنہاں وِچ مل ونجے۔پر لوگ اُنہاں دی وڈیائی کریندے ہَن۔
14
۱۴۔اَتے ایمان گھن کے آون الے مَرد تے عورت خداوند دی کلیسیا اِچ بہوں زیادہ آ مِلے۔
15
۱۵۔ اِتھوں تک کہ لوگ بیماراں کوُ سڑکاں تے گھن آندے تے منجیاں تے چھوٹیاں منجیاں تے لِٹا ڈیندے ہَن تاں جو پطرس آوے تاں اوُندا پرچھاواں ہی اُنہاں وِچوں کئیں تے پے ونجے۔
16
۱۶۔اَتے یروشلیم دیاں چاراہاں طرفاں دے شہراں توں وی لوگ بیماراں تے پلید روحاں دے ستائے ہویاں کوُ گھن کے کثرت نال اکٹھے تھیندے ہَن اَتے اوہ سارے چنگے کیتے ویندے ہَن۔
17
۱۷۔وَل سردار کاہن تے اوُندے سارے ساتھی جیہڑے صدوقیاں دے فرقے دے ہَن حسد دے مارے کھڑے تھئے ۔
18
۱۸۔تے رسولاں کوُ پکڑ کے عام حوالات اِچ بند چا کیتا ۔
19
۱۹۔پر خداوند دے ہِک فرشتے نے رات کوُ قید خانے دےدروازے کھولے تے اُنہاں کوُ باہر کڈھ کے آکھیا کہ۔
20
۲۰۔ونجو ہیکل اِچ کھڑے تھی کے اِیں زندگی دیاں ساری گالہیں لوگاں کوُ سُناؤ۔
21
۲۱۔اوہ ایہہ سُن کے سویر تھیندے ہی ہیکل وِچ گئےتے تعلیم تعلیم ڈیون لگ پئےپر سردار کاہن تے اوُندے ساتھیاں نے آکے صدرِ عدالت آلیاں تے بنی اسرائیل دے سارے بزرگاں کوُ اکٹھا کیتا تے قید خانے وِچ اکھوا بھیجیا کہ اِنہاں کوُ گھن آؤ۔
22
۲۲۔لیکن پیادیاں نے پہنچ کے اُنہاں کوُ قید خانے وِ چ نہ ڈیکھیاتے واپس آکے خبر ڈِتی۔
23
۲۳۔کہ اساں قید خانے کوُ بہوں حفاظت نال بند کیتا ہویا تے پہرےداراں کوُ دروازیاں تے کھڑے ڈِٹھا پر جیہڑے ویلے کھولیا تاں اندر کوُئی نہ ملا۔
24
۲۴۔جیہڑے ویلے ہیکل دے سردار تے سردار کاہناں نے ایہہ گالہیں سُنیاں تاں اُنہاں دے بارے وِچ حیران تھئے کہ ایندا کیا انجام تھی سی۔
25
۲۵۔اوُں ویلے ہی کئیں نے آکے اُنہاں کوُ خبر ڈِتی کہ ڈیکھو۔ اوہ بندے جِنہاں کوُ تساں قید کیتا ہا اوہ ہیکل وِچ کھڑے لوگاں کوُ ڈیندے پئے ہِن۔
26
۲۶۔تاں سردار پیادیاں دے نال ونج کے اُنہاں کوُ گھن آیالیکن زبردستی نئیں کیوں جو لوگاں کولوں ڈردے ہَن کہ ساکوں سنگسار نہ کر ڈیون۔
27
۲۷۔وَل اُنہاں کوُ عدالت وِچ آن کھڑا کیتااَتے سردار کاہن نے اُنہاں کوُ ایہہ آکھیا۔
28
۲۸۔جو اساں تُہاکوُں سختی نال آکھیا ہا کہ ایہہ ناں گھن کے تعلیم نہ ڈیوائے پر ڈیکھو تُساں تاں سارے یروشلیم اِچ اپنی تعلیم پھیلا ڈِتی ہِے تے اوُں بندے دا خون ساڈی گردن تے رکھنا چاہندے ہو۔
29
۲۹۔پطرس تے رسولاں نے جواب اِچ آکھیاکہ ساکوں بندیاں دے حکم دی بجائے خدا دا حکم مننا زیادہ فرض ہِے۔
30
۳۰۔ساڈے پیو ڈاڈا دے خدا نے یسوع کوُ زندہ کیتا جینکوُ تُساں صلیب تے لٹکا کہ مار سٹیا ہا۔
31
۳۱۔اوُں کوُ خدا نے مالک تے نجات ڈیون آلا ٹھہرا کے اپنے سجے ہتھ تھوں وڈی عزت ڈِتی تاں جو اسرائیل کوُ توبہ دی توفیق تے گناہاں دی معافی بخشے۔
32
۳۲۔اَتے اساں اِیں گالہیں دے گواہ ہئیں تے روُح القدس وی جینکوُ خدا نے اُنہاں کوُ بخشا ہِےجو اوُندا حکم منیندے ہِن۔
33
۳۳۔اوہ ایہہ سُن کے سڑ بھن گئے تے اُنہاں کوُ قتل کرنا چاہندے ہَن۔
34
۳۴۔پر گملی ایل ناں دے ہِک فریسی نے جیہڑا شریعت دا وڈا عالم تے سارے لوگاں وِچ عزت دار ہا،عدالت اِچ کھڑے تھی کے حکم ڈِتا اِنہاں بندیاں کوُ تھوڑی دیر کیتے باہر گھن ونجو۔
35
۳۵۔وَل اُنہاں کوُ آکھن لگا ! اے اسرائیلیو ! اِنہاں آدمیاں دے نو جو کجھ کرنا چاہندے ہو ہوشیاری نال کرو۔
36
۳۶۔کیونکہ اِنہاں ڈیوارہاں توں پہلے تھیُوداس نے وی کھڑے تھی کے دعویٰ کیتا ہاجو میں وی کجھ ہاں اَتے چار سو بندے اوُندے نال مِل گئے ہَن پر اوُں کوُ مارڈِتا گیا اَتے جتنے اوُں دے منن آلے ہَن سارے بھج گئے تے مِٹ گئے۔
37
۳۷۔ِیں بندے دے بعد یہوداہ گلیلی مردم شماری دے ڈِیوہاراں اِچ اُٹھا ہائی اَتے اوُں نے کجھ لوگ اپنی طرف کر گِدے۔ اوہ وی ماریا گیااَتے جتنے اوُندے منن آلے ہَن سارے دھروک گئے۔
38
۳۸۔وَل ہُن میں تُہاکوُ آدھا ہاں جو اِنہاں بندیاں کولوں پرے تھی ونجوتے اِنہاں نال کجھ وی کم نہ رکھو۔ کِتھائیں ایویں نہ تھیوے جو خدا نال وی لڑم آلے ٹھہروکیونکہ ایہہ طریقہ یا کم اگر بندیاں دی طرفوں ہِے تاں آپ ہی برباد تھی ویسی ۔
39
۳۹۔لیکن اگر خدا دی طرفوں ہِے تاں تُساں اِنہاں بندیاں تے قابو نہ پا سگسو۔
40
۴۰۔اُنہاں نے اوُندی گالہہ من کے رسولاں کوُ کول سَڈ کے اُنہاں کوُ مار پوائی تے ایہہ حکم ڈے کے چھوڑ ڈِتا جو یسوع دا ناں گھن کے گالہہ نہ کرنا۔
41
۴۱۔وَل اوہ عدالت تھوں ایں گالہہ تے خوش تھی کےلگے گئے کہ اساں اُوں ناں دی خاطر بےعزت ہوون دے لائق تاں ٹھہرے۔
42
۴۲۔اَتے اوہ ہیکل وِچ تے گھراں وِچ ہر روز تعلیم ڈیندے تے اِیں گالہہ دی خوشخبری سناون تھوں کہ یسوع ہی مسیح ہِے باز نہ آئے۔