1
۱۔جڈاں اوہ بندیاں کوُ ایہہ آدھے پےء ہَن تاں کاہن تے ہیکل دا سردار تے صدوقی اُنہاں تے چڑھ آئے۔
2
۲۔اُنہاں نے بہوں ڈُکھ کیتا کیونکہ ایہہ بندیاں کوُ تعلیم ڈیندے تے یسوع دی مثال ڈے کہ مُردیاں دے جی اُٹھن دی مُنادی کریندے ہَن۔
3
۳۔اَتے اُنہاں نے اوُں کوُ پکڑ کے ڈوجھے ڈیں تک حوالات اِچ رکھیا کیونکہ شام ہو گئی تھی۔
4
۴۔پر سُنن کلام دےآلیاں وِچوں بہوں سارے ایمان گھِن آئے۔اِتھوں تائیں کہ مرداں دی تعداد پنج ہزار دے قریب تھی گئی۔
5
۵ڈوجھے ڈِیں ایویں تھیا کہ اُنہاں دے سردار تے بزرگ تے فقیہ ۔
6
۶۔اَتے سردار کاہن حنا تے کائفا تے یوحنا تے اسکندر تے جتنے سردار کاہن دے گھرانے دے ہَن یروشلیم اِچ کٹھے تھئے۔
7
۷۔اَتے اُنہاں دے وِچ کھڑا کر کے پُچھن لگے کہ توُں ایہہ کم کئیں دی قُدرت نال کیتے؟ ۔
8
۸۔اوُں ویلے پطرس نے روُح القدس نال بھر یج کے اُنہاں کوُ آکھیا۔
9
۹۔اَے اُمت دے سردارو تے بزرگو! اگر اَج ساڈے کولوں اوُں اِحسان دے بارے پُچھیا ویندا ہِے جو ہِک کمزور بندے تے تھیا کہ اوہ کیویں چنگا تھی گیا۔
10
۱۰۔تاں تُساں سارے تے اسرائیل دی ساری اُمت کوُ پتہ لگ ونجے کہ یسوع مسیح ناصری جینکوُ تُساں مصلوب کیتے تے خدا نے مُردیاں وِچوں زندہ کیتے اوُں دے ای ناں اِچ ایہہ بندہ تُہاڈے سامنے ٹھیک ٹھاک کھڑا ہِے۔
11
۱۱۔ایہہ اوہو پتھر ہِے جینکوُ تُساں بہوں حقیر جانے اَتے اوہ کونے دے سرے دا پتھر تھی گیا ۔
12
۱۲۔اَتے کئیں ڈوجھے دے وسیلے نال بخشش نئیں کیونکہ آسمان دے تلے بندیاں کوُ کوُئی ڈوجھا ناں نئیں ڈِتا گیا جیندے وسیلے نال اساں بخشے ونجوُ۔
13
۱۳۔جڈاں اُنہاں نے پطرس تے یوحنا دی دلیری ڈِٹھی اَتے پتہ کیتا جو ایہہ اَن پڑھ تے ناواقف بندے ہِن تاں حیران تھیا ۔ وَل اُنہاں کوُ سُنجھانےکہ ایہہ یسوع دے نال رہے ہَن۔
14
۱۴۔اَتے اوُں بندے کوُ جیہڑا چنگا تھیا ہا اوُں دے نال کھڑا ڈیکھ کے کجھ خلاف نہ آکھ سگے۔
15
۱۵۔ پر اُنہاں کوُ صدرِ عدالت تھوں باہر ونجن دا حکم ڈے کے آپس اِچ مشورہ کرن لگے۔
16
۱۶۔کہ اساں اِنہاں بندیاں دے نال کیا کروں ؟ کیونکہ یروشلیم دے سارے راہون آلیاں تے چانن ہے کہ اُنہاں تھوں ہِک معجزہ ظاہر تھیا اَتے اساں اوُں دا انکار نئین کر سگدے۔
17
۱۷۔پر ایں کیتے کہ ایہہ بندیاں وِچ زیادہ مشہور نہ تھیون اساں اُنہاں کوُ دھمکاسوں کہ وَل ایہہ ناں گھن کے کئیں سے نال گالہہ نہ کرن۔
18
۱۸۔وَل اُنہاں کوُ سَڈ کے تاکید کیتی کہ یسوع دا ناں گھن کے ہر گز گالہہ نہ کرنا اَتے نہ تعلیم ڈیونا۔
19
۱۹۔پر پطرس تے یوحنا نے جواب اِچ اُنہاں کوُ آکھیا کہ تُساں آپ ہی انصاف کرو۔ آیا خدا دے نیڑے ایہہ واجب ہِے کہ اساں خدا دی گالہہ کولوں تُہاڈی گالہہ زیادہ سُنوں۔
20
۲۰۔کیونکہ ایہہ تھی نئیں سگدا کہ جو اساں ڈِٹھا تے سُنیا ہے اوہ نہ آکھوں۔
21
۲۱۔اُنہاں نے اُنہاں کوُ روکیا اَتے دھمکا کے چھوڑ ڈِتا کیوں جو بندیاں دے پاروں اُنہاں کوُ سزا ڈیون دا کوئی موقع نہ ملیا ۔ایں کیتے کہ سارے بندے اُوں ماجرے دے پاروں خدا دی تمجید کریندے ہَن۔
22
۲۲۔کیونکہ اوہ بندہ جیندے تے ایہہ چنگا کرن آلا معجزہ تھیا ہا 40 سال تھوں زیادہ دا ہا۔
23
۲۳۔اوہ آزاد تھی کے اپنے بندیاں دے کول گئے اَتے جو کجھ سردار کاہناں تے بزرگاں نے اُنہاں کوُ آکھیا ہا ڈسایا۔
24
۲۴۔جیڑھے ویلے اُنہاں نے ایہہ سُنیا تاں ہِک دِل تھی کے اُچی آواز نال خدا دی منت کیتی کہ اَے مالک ! تُو اوہ ہِئیں جئیں نے آسمان تے زمین تے سمندر تے جو کجھ اُنہاں دے وِچ ہِے پیدا کیتے۔
25
۲۵۔توں تاں روح القدس دے وسیلے نال ساڈے پیو اپنے خادم داؤد دی راہئیں فرمایا کہ قوماں نے کیوں شور مچائے ؟ اَتے اُمتاں نے کیوں فضول خیال کیتے؟ ۔
26
۲۶۔خداوند تے اوُندے مسیح دی مخالفت کوُ زمین دے بادشاہ اُٹھ کھڑے تھئے اَتے سردار اکٹھے تھی گئے۔
27
۲۷۔کیونکہ واقعی تیڈے پاک خادم یسوع دے برخلاف جینکوُ توں مَسح کیتے ہیرودیس تے پُنطِسُ پِیلاطُس غیر قوماں تے اسرائیلیاں دے نال ایں شاہر اِچ اکٹھے تھئے۔
28
۲۸۔تاں جو کجھ پہلے تھوں تیڈی قُدرت تے تیڈی مصلحت نال ٹھہر گیا ہا اوہو عمل اِچ گھن آؤں۔
29
۲۹۔ہُن اَے خداوند!اُنہاں دی دھمکیاں کوُ ڈیکھ اَتے اپنے بندیاں کوُ ایہہ توفیق ڈے کہ اوہ تیڈا کلام دلیری نال سُناون۔
30
۳۰۔اَتے توں اپنا ہتھ چنگا کرن کوُ ودھا اَتے تیڈے پاک خادم یسوع دے ناں تھوں معجزے تے حیران کرن آلے کم ڈیکھن کوُ مِلن۔
31
۳۱۔جیڑھے ویلے اُنہاں دے دعا ختم کیتی تاں جئیں مکان وِچ اکٹھے ہَن اوہ ہِل گیا تے اوہ سارے روح القدس نال بھریج گئے تے خدا دا کلام دلیری نال سُناندے راہے۔
32
۳۲۔ اَتے ایمانداراں دی جماعت ہِک دِل تے ہِک جان ہائی اَتے کئیں نے وی اپنے مال کوُ اپنا نہ آکھیا بلکہ اُنہاں دیاں ساریاں شئیاں اکٹھیاں ہَن۔
33
۳۳۔اَتے رسول وڈی قدرت نال خداوند یسوع دے زندہ تھیون دی گواہی ڈیندے راہے تے اُنہاں ساریاں تے وڈا فضل ہا۔
34
۳۴۔کیونکہ اُنہاں وِچوں کوُئی وی حاجت مند نہ ہا۔ ایں کیتے کہ جو لوگ زمین یا گھراں دے مالک ہَن اُنہاں کوُ ویچ ویچ کے ویچیاں ہوئیاں شئیاں دی قیمت گھِن آندے۔
35
۳۵۔َاَتے رسولاں دے پیراں اِچ رکھ ڈیندے ہَن ۔ وَل ہر ہِک کوُ اوُندی ضرورت دے مطابق وَنڈ ڈِتا ویندا ہا۔
36
۳۶۔اَتے یوسف ناں دا ہِک لاوی ہاجیندا نِکا ناں رسولاں نے برنباس یعنی نصیحت دا پُتر رکھیا ہا اَتے جیندی جمن آلی جاہ کُپُرس ہائی۔
37
۳۷۔اُوندا ہِک کھیت ہا جینکوُ اوُں نے ویچیا تے پیسے گھن کے رسولاں دے پیراں وِچ رکھ چھوڑے۔