1
۱۔پطرس تے یوحنا دُعا دے ویلے یعنی ڈوپاہراں توں بعد ہیکل کوُ ویندے پئے ہَن ۔
2
۲۔اَتے بندے جماندرو لنگڑے کوُ گھِن کے آندے پئے ہَن جینکوُ ہر روز ہیکل دے اوُں دروازے تے بِٹھا ڈیندے ہَن جیندا ناں خوبصورت اکھواندا ہِے تاں جواوہ ہیکل اِچ ونجن آلیاں کولوں کجھ منگے ۔
3
۳۔جیہڑے ویلے اوُں نے پطرس تے یوحنا کوُ ہیکل اِے ویندے ہوئے ڈِٹھا تاں اوُں کولوں بھیک منگی ۔
4
۴۔پطرس تے یوحنا نے اوُں کوُ غور نال ڈیکھ کے پطرس نے آکھیا ساڈی پاسے ڈیکھ ۔
5
۵۔اوہ اُنہاں کولوں کجھ مِلن دی تانگ تے اُنہاں کو ڈیکھن لگا۔
6
۶۔پطرس نے آکھیا چاندی سونا تاں میڈے کول ہِے کئے ناں پر جو میڈے کول ہِے اوہ تیکوُ ڈے ڈیندا ہاں۔ یسوع مسیح ناصری دے ناں تھوں چل پِھر۔
7
۷۔اَتے اوُندا سجا ہتھ پکڑ کے اوُں کوُ اُٹھایا اَتے اوُں ویلے ہی اوُں دے پیر تے گِٹِے مضبوط تھی گئے۔
8
۸۔اَتے اوہ چھلانگ لا کے کھڑا تھی گیا اَتے چلن پھرن لگ پیاتے چلدا چھلانگاں مریندا تے خدا دی حمد کریندا اُنہاں دے نال ہیکل وِچ گیا۔
9
۹۔اَتے سارے بندیاں نے اوُں کو چلدے پھِردے تے خدا دی حمد کریندیاں ہویاں ڈیکھ کے۔
10
۱۰۔اوُں کو سُنجانے کہ ایہہ تاں اوُہو ہِے جیہڑا ہیکل دے خوب صورت دروازے اِچ بیٹھا بھیک منگدا ہا اَتے اوہ اوُں ماجرے تھوں جیہڑا اوُندے تے تھیا ہا بہوں حیران تھئے۔
11
۱۱۔جڈاں اوہ پطرس تے یوحنا کوُ پکڑ ے کے کھڑا ہا تاں سارے بندے بہوُں ھیران تھی کے اوُں برامدے دی طرف جیہڑا سلیمان دا اکھویندا ہااُنہاں دے کول بھجے آئے ۔
12
۱۲۔پطرس نے ایہہ ڈیکھ کے بندیاں کوُ آکھیا اَے اسرائیلیو! ایندے تے تُساں کیوں تعجب کریندے ہو اَتے ساکوُ کیوں ایں طرح ڈیدھے ہو کہ گویا اساں اپنی قدرت تے دینداری نال یں بندے کوُ چلدا پھردا کیتے ؟
13
۱۳۔ابرہام تے اضحاق تے یعقوب دے خدا یعنی ساڈے پیو ڈاڈا دے خدا نے اپنے خادم یسوع کوُ جلال ڈِتے جینکوُ تُساں پکڑوا وی ڈِتا اَتے پیلاطُس نے اوُں کوُ چھوڑ ڈیون دی کوشش وی کیتی پر تُساں اوُں دے سامنے اوُں دا انکار کیتے ۔
14
۱۴۔تُساں اوُں قدوس تے راستباز دا انکار کیتے تے درخواست کیتی جو ہِک خونی تُہاڈی خاطر چھوڑ ڈِتا ونجے۔
15
۱۵۔پر زندگی دے مالک کوُ قتل کیتا جینکوُ خدا نے مُردیاں وِچوں زندہ کیتا۔ایں دے اسان گواہ ہاسے۔
16
۱۶۔اوُندے ای ناں نے اوُں ایمان دے وسیلے نال جیہڑا اوُندے ناں تے ہِے اِیں بندے کوُ مضبوط کیتا جینکوُ بتُساں ڈیدھے ہو اَتے جان دے ہو۔ بے شک اوُں ایمان نے جیہڑا اوُں ے وسیلے نال ہِے ایہہ مکمل تندرستی تُساں ساریاں دے سامنے اوُں کوُ ڈِتی۔
17
۱۷۔اَتے ہُن اَے بھراوؤ ! میں جان دا ہاں کہ تُساں ایہہ کم نادانی نال کیتا اَتے ایویں ای تُہاڈے سرداراں نے وی کیتا ۔
18
۱۸۔پر جِنہاں گالہیں دی خدا نے سارے نبیاں دی زبانی پہلے ای خبر ڈِتی ہائی کہ اوُندا مسیح ڈُکھ چاسی اوہ اوُں نے ایویں ای پورا کیتے۔
19
۱۹۔ پس تَوبہ کرو تے رجوع گھن آؤ تاں جو تُہاڈے گُناہ مٹائے ونجن اَتے ایں طرح خداوند دی طرفوں تازگی دے ڈِیں آون۔
20
۲۰۔اتے اوہ اوُں مسیح کوُجیہڑا تُہاڈے کیتے مقرر تھیا ہے یعنی یسوع کوُ گھلے۔
21
۲۱۔ایہہ ضرورہِے کہ اوہ آسمان وِچ اوُں ویلے تک رہے جڈاں تائیں کہ اوہ ساریاں شئیاں بحال نہ کیتیاں ونجن جنہاں دا ذکر خدا نے اپنے پاک نبیاں دی زبانی کیتا ہِے جو دُنیا دے شروع تھوں تھیندے آئے ہِن۔
22
۲۲۔اخیر موسیٰ نے آکھے کہ خداوند خدا تُہاڈے بھراواں وِچوں تُہاڈے کیتے میڈے جیہا ہِک نبی پیدا کریسی۔ جو کجھ اوہ تُہاکوُ آکھسی اوُں دی سُننا۔
23
۲۳۔اَتے ایویں تھیسی کہ جیہڑا بندا اوُں نبی دی نہ سُن سی اوہ اُمّت وِچوں بربادکر ڈِتا ویسی۔
24
۲۴۔بلکہ سیموئیل تھوں گھِن کے پچھلے جتنے وی نبیاں نے کلام کیتے اُنہاں ساریاں نے اِنہاں ڈیہواراں دی ڈِتی ہِے۔
25
۲۵۔تُساں نبیاں دے بال بچے تے اوُں عہد دے شریک ہو جیہڑا خدا نے تُہاڈےپیو ڈاڈےدے نال بدھا ہا جڈاں ابرہام کوُ آکھیا کہ تیڈے بال بچیاں دے نال دُنیا دے سارے ٹبر برکت پاسن۔
26
۲۶۔خدا نے اپنے خادم کوُ چا کےپہلے تُہاڈےکول گھلیا تاں جو تُہاڈےوچوں ہر ہِک کوُ اوُندیاں بدیاں توںُ ہٹا کے برکت ڈیوے۔