1
۱۔ جڈاں عید پنتکُست دا ڈِیں آیا تا اوہ سارے ہکی جاہ تے جمع ہَن۔
2
۔ کہ ابڑگت آسمان تھوں ایہو جئی آواز آئی جیویں زور نال اندھاری دا سنّاٹا ہوئے اَتے اوُندے نال سارا گھر جتھاں اوہ بیٹھے ہَن گونج گیا۔
3
۔ اَتے اُنہاں کوُ جیویں بھا ہوئے ایویں پھٹدیاں ہویاں زباناں ڈکھائی ڈیتِن تے اُنہاں وِچوں ہر ہک تے اوہ آ کے رُک گیاں۔
4
۔ اَتے اوہ سارے روح القدس نال بھر گئے تے غیر زباناں بولن لگ پئے جیویں روح نے اُنہاں کوُ بولن دی طاقت بخشی ہا۔
5
۔ اَتے ہر قوم اِچوں جیہڑے آسمان دے تلے ہِن خدا ترس یہودی یروشلیم اِچ راہندے ہَن۔
6
۔جیہڑے ویلے ایہہ آاز آئی تاں لوگاں دی بہوں وڈی بھیڑ لگ گئی اَتے لوگ حیران رہ گئے کیوں جو ہر ہک کوُ ایہو سُنائی ڈیندا ہا جو ایہہ میڈی بولی بولیندے پئے ہِن۔
7
۔ اَتے سارے حیران تھی گئے تے تعجب کر کے آکھن لگے ڈیکھو! ایہہ بولن آلے کیا سارے گلیل دے راہون آلے نئیں؟
8
۔ وَل اساں کیوں ساڈے وِچوں ہر ہک اپنے اپنے مُلک دی بولی سُن دا ہِے؟
9
۹۔ حالانکہ اساں پارتھی تے مادی تے عیلامی تے مسوپتامیہ تے یہودیہ تے کپدُکیہ تے پُنطُس تے آسیہ۔
10
۱۰۔ تے فروگیہ تے پمفیلیہ تے مصر تے لِبوآ دے علاقے دے راہن آلے ہِنجو کرینے دی طرف ہِے اَتے رُومی مسافر خواہ یہودی خواہ اُنہاں دے مُرید تے کریتی تے عرب ہِن
11
۱۱۔ پر اپنی اپنی زبان اِچ اُنہاں تھوں وڈے وڈے کماں دا بیان سُندے ہِن۔
12
۔ سارے حیران تھی گئے اَتے گھبرا کے ہک ڈوجھے کوُ آکھن لگے کہ ایہہ کیا تھیندا پئے؟
13
۔ اَتے بعض لوگاں نے مذاق کر کے آکھیا جو ایہہ تازہ مَے دے نشہ وِچ ہِن۔
14
۱۴۔ پر پطرس اُنہاں گیاراں دے نال کھڑا تھیا تے اپنی اُچی آواز نال لوگاں کوُ آکھیا کہ ایہہ یہودیو تے ایہہ یروشلیم دے سارے راہن آلیو! ایہہ جان گھنو تے کن لا کے میڈی گالہیں سنو۔
15
۱۵۔ کہ جیویں تُساں سمجھدے ہو ایہ نشہ اِچ نئیں کیونکہ حالی تاں ڈِیں ہی چڑھیا ہِے۔
16
۱۶۔ بلکہ ایہہ اوہ گالھ ہِے جو یوایل نبی دی راہئیں آکھی گئی ہائی کہ۔
17
۱۷۔ خدا فرماندے کہ آخری ڈیہاں اِچ ایویں تھیسیکہ میں اپنی روح وِچوں ہر بندے کوُ ڈیساں اَتے تُہاڈے پُتر تے تُہاڈی چھویراں نبوت کریسن اَتے تُہاڈے جوان رویا تے تُہاڈے بُڈھے خواب ڈیکھ سن۔
18
۱۸۔ بلکہ میں اپنے بندے تے بندیاں تے وی اُنہاں ڈیہاں وِچ اپنے روح وِچوں اُنڈیلساں اَتے اوہ نبوت کریسن۔
19
۱۹۔ اَتے میں اُتے آسمان تے عجیب کم تے تلے زمین تے نشانیاں یعنی خون تے اَگ تے دھوئیں دا بّدل ڈیکھیساں۔
20
۲۰۔ سِجھ کالا تے چن خون تھی ویسی۔ اِیں دے کولوں پہلے کہ خداوند دا عظیم تے جلیل ڈِیں آوے۔
21
۲۱۔اَتے ایویں تھی سی کہ جو کوُئی خداوند دا ناں گھن سی نجات پاسی۔
22
۲۲۔ اے اسرائیلیو! ایہہ گالہیں سُنو کہ یسوع ناصری ہک بندہ ہا جیندا خدا دی طرفوں تھیونا تُہاڈے تے اُنہاں معجزیاں تے عجیب کماں تے نشاناں تھوں ثابت تھیا جو خدا نے اوُں دے معرفت تُہاڈے درمیان ڈِکھائے۔ چنانچہ تُساں آپ ای جان دے ہیوے۔
23
۲۳۔ جڈاں اوہ خدا دے مقررہ انتظام تے جو پہلے ڈسایا گیا ہا اوندے موافق پکڑوایا گیا تاں تُساں بے شرع لوگاں دے ہتھاں تھوں اوُں کوُ مصلوب کروا کے مار سَٹے۔
24
۲۴۔ پر خدا نے موت دے بند کھول کے اوُں کوُ زندہ کیتے کیوں جو ممکن نہ ہا کہ اوہ اوُں دے قبضے وِچ راہندا۔
25
۲۵۔ کیونکہ داؤد اوندے حق اِچ آدھے کہ میں خداوند کوُ ہمیشہ اپنے سامنے ڈیدھا ریہا۔ کیوں جو اوہ میڈے سجے پاسے ہِے تاں جو میکوُ کوُئی شئے ہلا نہ سکے۔
26
۲۶۔ اِیں دے پاروں میڈا دِل بہوں خوش تھیا اَتے میڈی زبان شاد بلکہ میڈا جسم وی اُمید اِچ قائم راہسی۔
27
۲۷۔اِیں کیتے کہ تُو میڈی جان کوُ عالمِ ارواح وِچ نی چھوڑیسیں اَتے نہ اپنے مقدس دے سڑن دی نوبت آون ڈیسیں۔
28
۲۸۔ تُوں میکوُں زندگی دیاں راہواں ڈسائیاں ہِن۔ تُوں میکوُں اپنے دیدار دے پاروں خوشی نال بھر ڈیسیں۔
29
۲۹۔ اے بھراو! میں قوم دے بزرگ داؤد دے حق اِچ تُہاکوُ دلیری نال آکھ سگدا ہاں کہ اوہ مَرے وَلا دفن وی تھیئے اَتے اوُں دی قبر اَج تائیں ساڈے وِچ موجود ہِے۔
30
۳۰۔ پس نبی تھی کے اَتے ایہہ جان کے کہ خدا نے میڈے نال قسم کھادی ہِے جو تیڈی نسل تھوں ہک بندے کوُ تیڈے تخت تے بلہیساں۔
31
۳۱۔ اوُں نے پیشن گوئی دے طور تے مسیح دے جی اُٹھن دا ذکر کیتے جو نہ اوہ عالمِ ارواح وِچ چھوڑا گئے نہ اوُں دے جسم دے سڑن دی نوبت پہنچی۔
32
۳۲۔ اِیں یسوع کوُ خدا نے زندہ کیتے جیندے اساں سارے گواہ ہئیں۔
33
۳۳۔ پس خدا دے سجے ہتھ تھوں سر بلند تھی کے اَتے اپنے باپ تھوں اوہ روح القدس حاصل کر کے جیندا وعدہ کیتا گیا ہا اوُں نے ایہہ نازل کیتے جو تُساں ڈیدھے تے سُندے ہو۔
34
۳۴۔ کیونکہ داؤد تاں آسمان تے نئیں چڑھیا لیکن اوہ آپ آدھے کہ خداوند نے میڈے خداوند کوُ آکھے میڈے سجے ہتھ بیٹھ۔
35
۳۵۔ جڈاں تائیں میں تیڈے دشمناں کوُں تیڈے پیراں تلے دی چوکی نہ کر ڈیواں۔
36
۳۶۔ پس اسرائیل دا سارا گھرانہ یقین جان گھنے جو خدا نے اوُں یسوع کوُ جینکوُ تُساں مصلوب کیتے خداوند وی کیتے تے مسیح وی۔
37
۳۷۔ جیہڑے ویلے اُنہاں نے ایہہ سُنیا تاں اُنہاں دے دِلاں تے سَٹ لگی تاں پطرس تے باقی رسولاں کوُ آکھے جو اے بھراو! اساں کیا کروں؟۔
38
۳۸۔ پطرس نے اُنہاں کوُ آکھے کہ توبہ کرو اَتے تُہاڈے وِِچوں ہر ہک اپنے گناہاں دی معافی کیتے یسوع مسیح دے ناں اِچ بپتسمہ گھنے تاں تُہاکوں روح القدس انعام اِچ مِلسی۔
39
۳۹۔ اِیں کیتے کہ ایہہ وعدہ تُساں تے تُہاڈی اولاد اَتے اُنہاں سارے دوُر دے لوگاں کیتے وی ہِے جنہاں کوُخداوند ساڈا خدا اپنے کول سڈیسی۔
40
۴۰۔ اَتے اوُں نے بئی بہوں ساریاں گالہیں جتا جتا کے اُنہاں کوُ ایہہ نصیھت کیتی جو اپنے آپ کوُ اِیں ٹیڑھی قوم تھوں بچاؤ۔
41
۴۱۔ پس جنہاں لوگاں نےاوُں دا کلام قبول کیتا اُنہاں نے بپتسمہ گِدا اَتے اوُں ڈِیں ہی تریئے ہزار بندیاں دے قریب اُ نہاں وِچ مِل گئے۔
42
۴۲۔ اَتے ایہہ رسولاں تھوں تعلیم پاون تے رفاقت رکھن اِچ تے روٹی توڑن تے دُعا کرن اِچ مشغول راہے۔
43
۴۳۔ اَتے ہر بندہ خوفزدہ تھی گیا اَتے بہوں سارے عجیب کم تے نشان رسولاں دے ذریعے تھوں تھیندے ہَن۔
44
۴۴۔ اَتے جیہڑے ایمان گھن آئے ہَن اوہ ساری ہک جاہ تے راہندے ہَن اَتے ساریاں شئیاں اِچ شریک ہَن۔
45
۴۵۔ اَتے اپنا مال و اسباب ویچ ویچ کے ہر ہک دی ضرورت دے موافق ساریاں کوُ ونڈ ڈیندے ہَن۔
46
۴۶۔ اَتے ہر روز یک دِل تھی کے ہیکل اِچ جمع تھیندے ہَن تے گھراں اِچ روٹی توڑ کے خوشی تے سادہ دِلی نال ٹُکر کھاندے ہَن۔
47
۴۷۔ اَتے خدا دی حمد کریندے اِتے ساریاں لوگاں کوُ چنگے لگدے ہَن اَتے جیہڑے نجات پا گھن دے ہَن اُنہاں کوُ خداوند روز اُنہاں وِچ ملا ڈیندا ہا۔