1
۱۔اُنہاں ڈیہواراں اِچ جڈاں شاگرداں دی تعداد ودھدی ویندی ہائی،یونانیوں یہودیاں دے طرفوں عبرانی یہودیاں دی شکایت کیتی گئی،کیونکہ روزانہ دی خبرگیری تے کھانے اِچ یونانی بیواہ عورتاں نال عفلت برتی ویندی ہائی۔
2
۲۔بارہ شاگرداں نے شاگرداں دے ہجوم کوُ سڈایا اَتے آکھیا کہ،"ایہ چنگانیئں کہ اساں خدا دے کلام دی خدمت کوُ چھوڑ کے کھاون دی خدمت کوُ پورا کروں۔
3
۳۔تہاکوُ چاہیدا ہے جو اپنے وِچوں سَت بندے جیہڑی چنگی شہرت رکھدے ہوون،پاک رُوح اَتے حکمت نال بھر پور ہوون اِیں کم کیتے چُن گھِنو اَتے اُنہاں کوُ مقرر کرو۔
4
۴۔اَتے اَساں ہمیشہ دی طرح دُعا تے کلام دی خدمت جاری رکھسوں۔
5
۵۔اُنہاں دی گالہیں تھوں سارے لوگ خوش تھی گئے۔وَل اُنہاں نے ستفنس جیہڑا ایماندار اَتے پاک رُوح نال بھریا ہویا ہا،فلپس،پُر خُرس،نیکانور،تیمون،ہرمناس تے نیکلائوس جیہڑا نومرید یہودیہ انطاکیہ دا راہون آلا ہا چُن گِدے۔
6
۶۔ایماندار اُنہاں بندیاں کوُ رسولاں دے سامنے گھِن آئے جنہاں نے اُنہاں تے ہتھ رکھ کے دُعا کیتی۔
7
۷۔پَس خدا دا کلام ودھدا ریہا اَتے یروشلیم اِچ شاگرداں دی تعداد بہوں تیزی نال ودھدی گئی اَتے کاہناں دی ہک وڈی تعداد اِیں ایمان دی فرمانبردار تھی گئی۔
8
۸۔ستفنس فضل تے قوت نال بھرپور تھی کے بندیاں دے وِچ وڈے کم تے نشان پورے کریندا ریہا۔
9
۹۔وَل برتینیوں دے عبادت خانے دے کجھ بندے جیہڑے کرُینی،اسکندری تے کلکیہ تے آسیہ دے راہون آلے ہَن اور کھڑے تھی گئے اَتے ستفنس دے نال بحث کرن لگ پئے۔
10
۱۰۔پَر جیہڑی حکمت تے رُوح نال ستفنس گالھ کریندا پیا ہا اوہ اوندے سامنے کھڑے نہ رہ سگے۔
11
۱۱۔وَل اُنہاں نے کجھ بندیاں کوُ رشوت ڈِتی کہ ایہ آکھو کہ اوہ آکھن کہ"اساں ستفنس کوُ موسیٰ تے خدا دے خلاف کُفر بکدے ہوئے سُنا ہے۔
12
۱۲۔اُنہاں نے بزرگاں ،فقیہاں تے لوگاں کوُ ابھارے اوہ سارے ستفنس دے خلاف اُٹھ کھڑے تھیئے اَتے اوند مخالفت کریندے گھیرا تنگ کیتے ہوئے اوُں کوُ گرفت اِچ گھِن گِدے اَتے اوُں کوُ صدرِعدالت دے سامنے پیش چا کیتے۔
13
۱۳۔اوہ کوُڑے گواہ گھِن آئے جنہاں نے آکھیا"ایہ بندہ اِیں پاک جاہ اَتے شریعت دے خلاف بولن تھوں باز نیئں آندا۔
14
۱۴۔اساں اینکوُ ایہ آدھے ہوئے سُنا ہے کہ یسوع ناصری اِیں جاہ کوُ تباہ کر ڈیسی اَتے موسیٰ تے جیہڑی شریعت ساکو ڈِتی ہے اوُں کوُ بدل ڈیسی۔"
15
۱۵۔اوہ سارے جیہڑے صدرِعدالت اِچ بیٹھے ہَن اُنہاں ساریاں دیا نظراں ستفنس تے لگھیا ہَن اَتے اُنہاں نے ڈیکھیا کہ اوندا چہرہ فرشتے دی طرح ہا۔