¹ ۱۔وَل اوہ امفُپلس تے اپلونیہ تھوں تھی کے تھسلینکے وِچ آئے جتھاں یہودیاں دا ہک عبادت خانہ ہا۔ ² ۲۔پولُس اپنے دستور دے مطابق اُنہاں دے کول گیا اَتے سبت (چھن چھن) دے تریئے ڈیں صحیفیاں اِچوں اُنہاں کوُ دلیلاں ڈیندا ریہا۔ ³ ۳۔اوُں نے صحائف کوُ تفصیل نال بیان کیتے اَتے ڈسایا کہ مسیح دا ڈکھ چاونا اَتے مُردیاں وِچوں ول زندہ تھی ونجنا ضروری ہا۔اوُں نے آکھیا"ایہ یسوع جیندی میں مُنادی کریندا ہاں مسیح ہے"۔ ⁴ ۴۔کجھ یہودی تے خدا پرست ،یونانی،بہوں ساریاں عورتاں اَتے ہک وڈی بھیڑ،پولُس تے سیلاس دے نال شامل تھئ۔ ⁵ ۵۔ پَر غیرایماندار یہودیاں نے حسد کریندیاں ہویاں بازار تھوں کجھ بے دین بندیاں کوُ گھِن کے شاہر اِچ پنگامہ کر ڈِتا پَر اوہ یاسون دے گھر تے حملہ کر کے پولُس تے سیلاس کوُ بندیاں دے وِچ گھِن آونا چاہندے ہَن۔ ⁶ ۶۔ پَر جڈاں اوہ اُنہاں کوُ نہ ملے تاں اُنہاں نے یاسون تے باقی بھراواں کوُ شاہر دے حاکماں دے سامنے گھِن گئے اَتے اُچی آواز نہ آکھیا کہ"اوہ بندہ وی جنہاں نے جہان کوُ باغی کر ڈِتا ہے اِتھاں آئے ہَن۔ ⁷ ۷۔اوہ بندہ جیندا یاسون نے استقبال کیتا ہا۔قیصر دے فرمان دے خلاف عمل کریندے ہیئں۔ایہ آدھے ہیئں کہ کوُئی بیہا ای بادشاہ ہے یعنی کہ یسوع"۔ ⁸ ۸۔جڈا بھیڑ اَتے شاہر دے حاکماں نے ایہہ گالہیں سُنیں تاں اوہ بے چین تھی گئے۔ ⁹ ۹۔جڈاں اُنہاں نے یاسون اَتے ڈوجھیاں دے مال دی ضمانت گِدی،تاں اُنہاں نے اُنہاں کوُ ونجن ڈِتا۔ ¹⁰ ۱۰۔اوُں رات کوُ اُنہاں بھراواں نے پولُس تے سیلاس کوُ بیریہ بھیج ڈِتا۔جڈاں اوہ اُتھاں پہنچے تاں اوہ یہودیاں دے عبادت خانے وِچ گئے۔ ¹¹ ۱۱۔پر ایہ بندے تھسلینکے دے بندیاں کولوُں ڈھیر شعور رکھدے ہَن۔کیونکہ اُنہاں نے کلام کوُ خوشی نال قبول کیتے اَتے او روزبروز صحائف دا مشاہدہ کریندے ہَن کہ کیا گالہیں ایویں ای ہَن۔ ¹² ۱۲۔لہذا بہوں ساریاں شریف یونانی عورتاں تے بندیاں نے یقین کیتا۔ ¹³ ۱۳۔پَر جیہڑے ویلے تھسلینکے دے یہودیاں کوُ پتہ لگے کہ پولُس وی بیریہ وِچ خدا دے کلام دی مُنادی کریندا ہے تاں اوہ اُتھاں بھیڑ کوُ بھڑکاون تے اُبھارن کیتے پہنچ گئے۔ ¹⁴ ۱۴۔وَل فوراََ بھراواں نے پولُس کوُ گھلیا،پر سیلاس نے تیمتھیس اُتھایئں رہیے۔ ¹⁵ ۱۵۔اوہ جیہڑے پولُس دی رہنمائی کریندے پئے ہَن،اینکو دور ہک شاہر اتھینے وِچ گھِن گئے اَتے اُنہاں نے پولُس کوُ اُتھایئں چھوڑیا اَتے اوُں کوُ سیلاس تے تیمتھیس دے جلدی اُتھاں پہنچن دی ہدایت ڈِتی۔ ¹⁶ ۱۶۔جڈاں پولُس اتھینے وِچ اُنہاں دا انتظار کریندا پیا ہا تاں بُتاں نال بھرے ہوئے شاہر کوُ ڈیکھ کے اوہ روح اِچ جل بھن گیا۔ ¹⁷ ۱۷۔وَل اوہ عبادت خانے اِچ یہودیاں تے خدا پرستاں نال ہر روز بازار وِچ جیہڑے وی اوُں کوُ مِلدے ہَن بحث کریندا ہا۔ ¹⁸ ۱۸۔پر تھوڑے جئے ایکوری تے ستوئیکی تے عالم دین اوُندا مقابلہ کرن لگے تے کجھ نے آکھیا کہ"ایہ فضول بندہ کیا آکھن دی کوشش کریندا پیا ہا؟"ڈوجھیاں نے آکھیا کہ"ایہ اجنبی بندہ دیوتاواں دا پرچار کریندا ہے۔"کیوں جو اوہ یسوع تے اوُں دے وَلا زندہ تھیون دی تبلیغ کریندا ہا۔ ¹⁹ ۱۹۔اوہ پولُس کوُ گھِن کے اریوپگس ایہ آدھے ہوئے گھِن گئے کہ،کیا اساں ایں نویں تعلیم جیندے بارے وِچ تُوں بولیندا ہیئں جان سگدے ہیئں؟۔ ²⁰ ۲۰۔کیونکہ تُوں ساکوُ عجیب و غریب گالہیں ڈسیندا ہیئں،لہذا اساں جاننا چاہندے ہیئں کہ انہاں گالہیں دا کیا مطلب ہے؟"۔ ²¹ ۲۱۔(ایں کیتے سارے اتھینوی تے پردیسی جیہڑے اُتھاں راہندے ہَن تے نویاں نویاں گالہیں آکھن تے سنن دے بغیر اپنا ویلا کیئں بئے کم اِچ نیئں سَن استعمال کریندے)۔ ²² ۲۲۔لہذا پولُس اریوپگس دے وِچ کھڑا تھیا اَتے آکھن لگا،"اے اتھینے والد میں ڈیدھیا پیاں کہ تُساں ہر صورت اِچ بہوں دیندار ہو۔ ²³ ۲۳۔کیونکہ میں لنگدھے ہویاں انہاں ساراں کوُ بہوں غور نال ڈٹھا ہے کہ تساں جنہاں دی عبادت کریندے ہو میں قربان گاہ تے لکھیا ہویا وی ڈیٹھا ہے۔"نامعلوم خدا کیتے۔"تُساں جو بغیر جانے اوندی عبادت کریندے ہو اوندے بارے اِچ ہی میں تہاکوُ ڈسیندا ہاں۔ ²⁴ ۲۴۔خدا جیئں کائنات تے اوندی ہر ہک شئے بنائی،چونکہ اوہ آسمان تے زمین دا خداوند ہے،اوہ ہتھاں دے بنائے ہوئے مندراں وِچ نیئں رہندا۔ ²⁵ ۲۵۔نہ ای کیئں شئے دا محتاج تھی کہ بندیاں دے ہتھاں تھوں خدمت گھندا ہے۔کیوں جو اوہ تاں آپ ساریاں کوُ زندگی تے ساہ اَتے سارا کجھ ڈیندا ہے۔ ²⁶ ۲۶۔اَتے اوُں نے ہک ای بندے دے پاروں ساریاں قوماں جیہڑیاں زمین تے راہندا پیدا کیتیاں تے اُنہاں دے راہون دی حدود تے معیاد وی مقرر کیتی۔ ²⁷ ۲۷۔لہذا اُنہاں کوُ چاہیدا ہے کہ اوہ خدا کوُ لبھن اَتے اوہ شاید اوُں کوُ گول گھنن تے یا گھنن کیونکہ اوہ ساڈے وِچوں کیئں کولوں وی دُور نیئں۔ ²⁸ ۲۸۔کیوں جو اساں اوندے وِچ رہندے تے چلدے ہیئں تے اوہ موجود ہے جیویں کہ تہاڈے شاعراں وچوں ہک نے آکھیا کہ اساں وی اوندی اولاد ہیئں۔" ²⁹ ۲۹۔پَس خدا دی نسل تھیندے ہویاں ساکوُ ایہ نیئں سوچنا چاہیدا کہ اوہ الہیٰ ذات سونے،چاندی یا پتھر دی مانند ہے جیئں آدمی کو بنایا ہے۔ ³⁰ ۳۰۔پَس خدا جہالت دے ویلے کوُ نظر انداز کر کے حکم ڈیندا ہے کہ سارے انسان جتھاں وی ہَن توبہ کرن۔ ³¹ ۳۱۔ایہ ایں کیتے ہے کہ اوُں نے ہک ڈیں مقرر کیتا ہے جڈاں اوہ پوری دنیا دا راستبازی نال ایں بندے دے ذریعے جیئں کوُ اوُں نے چنیا ہے انصاف کریسی خدا نے ایں بندے دا ثبوت اوُں کوُ مُردیاں وچوں زندہ کر کے ساریاں کوُ ڈِتا ہے۔ ³² ۳۲۔اتھینے دے لوگاں نے مُردیاں دے زندہ تھیون دے بارے سُنا،تاں کجھ نے پولُس دا مذاق اڑایا پَر باقیاں نے آکھیا،"اساں وَل کڈایئں تیڈے کولوں تیڈے اِیں معاملے دے بارے سُن سوُں۔" ³³ ۳۳۔اِیں دے بعد پولُس اُتھوں لگا گیا۔ ³⁴ ۳۴۔پر کجھ بندے اوندے نال مِل گیئے اَتے ایمان گھِن آئے،انہاں وچوں دیونسی یس اریوپگس دا ہک حاکم تے دمرس ناں دی ہک عورت ہائی تے بعض بئے وی اُنہاں دے نال ہَن۔