¹ ۱۔ اِنہاں گالہیں دے بعد پَولُس اتھینے توں روانہ تھی کے کُرِنتھُس وِچ آیا ۔ ² ۲۔اَتے اُتھاں اوُں کوُ اَکوِلہ ناں دا ہِک یہودی ملیا جیہڑا پُنطُس شہر دا جمن آلا ہااوہ اپنی ذال پر سِکلّہ دے نال اطالیہ تھوں نواں نواں آیا ہا کیونکہ کلَودِیُس نے ایہہ حکم ڈِتا ہا کہ سارے یہودی رومہ وچوں نکل ونجن۔ پس اوہ اُنہاں دے کول گیا۔ ³ ۳۔ اَتے چونکہ اوہ او کم کریندا ہا جو اوہ کریندے ہَن تاں اُنہاں دے نال ریہا اَتے اوہ کم کرن لگے اَتے اُنہاں دا کم خیمے بناناہا۔ ⁴ ۴۔اَتے اوہ ہر سبت کوُ عبادت خانے وِچ بحث کریندا تے یہودیاں تے یونانیاں کوُ قائل کریندا ہا۔ ⁵ ۵۔اَتے جیہڑے ویلے سِیلاس تے تِمُتِھیُس مَکدُنیہ تھوں آئے تاں پَولُس کلام سناون دے جوش اِچ مجبور تھی کے یہودیاں دے اَگے گواہی ڈیندا پیا ہاکہ یسوع ای مسیح ہِے ۔ ⁶ ۶۔جیہڑے ویلے لوگ مخالفت تے کُفر آکھن لگ پئے تاں اوُں نے اپنے کپڑے جھاڑ کے اُنہاں کوُ آکھیا تُہاڈا خون تُہاڈی گردن تے۔میں پاک ہاں۔ہُن تھوں غیر قوماں اِچ ویساں ۔ ⁷ ۷۔وَل اُتھوں اوہ لگا گیا تے طِطُس یوُستُس ناں دے ہِک خدا پرست دے گھر گِیا جیہڑا عبادت خانے دے نال ملا ہویا ہا۔ ⁸ ۸۔اَتے عبادت خانے دا سردار کرِسپُس اپنے سارے ٹبر نال خداوند تے ایمان گھن آیا اَتے بہوں سارے کُرنتھی سُن کے ایمان گھن آئے تے بپتسمہ گِدا۔ ⁹ ۹۔اَتے خداوند نے رات کوُ رویا اِچ پَولُس کوُ اکھے خوف نہ کر بلکہ آکھی ونج اَتے چُپ نہ رہ۔ ¹⁰ ۱۰۔اِیں کیتے کہ میں تیڈے نال ہاں اَتے کوئی بندہ تیڈے تے حملہ کر کے نقصان نہ پہنچا سکے گاکیونکہ اِیں شہر اِچ میڈے بہوں سارے بندے ہِن۔ ¹¹ ۱۱۔پس اوہ ڈیڑھ سال اُنہاں وِچ رہ کے خدا دا کلام سکھاندا ریہا۔ ¹² ۱۲۔جڈاں گلیّو اخیہ دا صوبے دار ہا یہودی ہِک تھی کے پَولُس تے چڑھ آئے اَتے اوُں کوُ عدالت اِچ گھن گئےتے۔ ¹³ ۱۳۔آکھن لگے کہ ایہہ بندہ بندیاں کوُ ترغیب ڈیندا ہِے کہ شریعت دے برخلاف خدا دی پرستش کرن۔ ¹⁴ ۱۴۔پَولُس کجھ آکھنا چاہندہ ہاتاں گلیّو نے یہودیاں کوُ آکھے اَے یہودیو! اگر کجھ ظُلم یا وڈی شرارت دی گالہہ تھیوے ہا تاں ضروری ہا کہ میں تُہاڈی سُندا۔ ¹⁵ ۱۵۔لیکن ایہہ ایہو جئے سوال ہِن جیہڑے لفظاں تے ناں تے خاص تُہاڈی شریعت دے علاقے رکھیندے ہِن تاں تُساں ہی جانو۔ میں ایہو جئی گالہیں دا منصف نئیں بننا چاہندا۔ ¹⁶ ۱۶۔اَتے اوُں نے اُنہاں کو عدالت وچوں کڈھا چھوڑیا۔ ¹⁷ ۱۷۔وَل سارے لوگاں نے عبادت خانے دے سردار سوستھِنیس کوُ پکڑ کے عدالت دے سامنے ماریا پر گلیّو نے اِنہاں گالہیں دی کجھ پرواہ نہ کیتی۔ ¹⁸ ۱۸۔پس پَولُس بہوں ڈِیں اُتھاں رہ کے بھراواں کولوں لگا گیا اَتے چونکہ اوُں نے منّت منی ہائی ۔اِیں کیتے کِنخِرییہ اِچ سر مُنڈوایا اَتے جہاز تے سُوریہ کوُ روانہ لگا گیا اَتے پرِسکلّہ تے اِکوِلہ اوُں دے نال ہَن۔ ¹⁹ ۱۹۔تے اِفسُس اِچ پہنچ کے اوُں نے اُنہاں کوُ اُتھاں چھوڑ دِتااَتے آپ عبادت خانے وِچ ونج کے یہودیاں نال بحث کر لگا۔ ²⁰ ۲۰۔جڈاں اُنہاں نے اوُں دے اگے درخواست کیتی کہ بیا کجھ عرصہ ساڈے نال رہ تاں اوُں نے اوُں کوُ منظور نہ کیتا۔ ²¹ ۲۱۔بلکہ ایہہ آکھ کے اُنہاں کولوں لگا گیاکہ اگر خدا نے چاہیا تاں تُہاڈے کول وَل آساں تے اِفسُس دے جہاز تے روانہ تھی گیا۔ ²² ۲۲۔ وَل قیصریہ اِچ اُتر کے یروشلیم کوگیا اَتے کلیسیا کوُ سلام کر کے انطاکیہ وِچ آیا۔ ²³ ۲۳۔اَتے تھوڑے ڈِیں رہ کے اُتھوں روانہ تھیا تے باقائدہ گلتیہدے علاقے تے فروگیہ تھوں لنگھدیاں ہویاںسارے شاگرداں کوُ مضبوط کریندا گیا۔ ²⁴ ۲۴۔وَل اپلّوس ناں دا ہِک یہودی اسکندریہ دی پیدائیش چندی تقریر تے کتاب مُقّدس دا ماہر اِفسُس اِچ پہنچیا۔ ²⁵ ۲۵۔اِیں بندے نے خداوند دی راہ دی تعلیم پائی ہائی تے روحانی جوش نال کلام کرینداتے یسوع دے بارے صحیح صحیح تعلیم ڈیندا ہاپر صرف یوحنا ہی دے بپتسمے تھوں واقف ہا۔ ²⁶ ۲۶۔اوہ عبادت خانے وِچ دلیری نال بولن لگا مگر پرسِکلّہ تے اَکوِلہ اوُں دیاں گالہیں سُن کے اوُں کوُ اپنے گھر گھن گئے تے اوُں کوُ خدا دی راہ بئی زیادہ صفائی نال ڈسائی۔ ²⁷ ۲۷۔جڈاں اُوں نے اِرادہ کیتےکہ پار اُتر کے اخیہ کوُ ونجے تاں بھراواں نے اوُں دی ہمّت ودھا کے شاگرداں کوُ لکھیا کہ اوُں دے نال چنگی طرح مِلائے۔ اوُں نے اُتھاں پہنچ کے اُنہاں بندیاں دی وڈی مدد کیتی جو فضل دے پاروں ایمان گھن آئے ہَن۔ ²⁸ ۲۸۔کیوں جو اوہ کتابِ مُقّدس وچوں یسوع دا مسیح ہونا ثابت کر کے وڈے زور شور نال یہودیاں کوُ علانیہ قائل کریندا ریہا ۔