1
۱۔جیہڑی خدمت پاک بندیاں دے کیتے کیتی ویندی ہِے اوندھے پاروں میکوُں تہاکوں لکھنا فضول ہِے۔
2
۲۔ کیوں جو میں تہاڈا شوق جان دا ہاں جیندے پاروں مکدُنیہ دے راہون آلیاں اگے تہاڈے تے فخر کریندا ہاں کہ اخیہ دے راہون آلے پچھلے سال تھوں تیار ہَن اَتے تہاڈی سرگرمی تے بہوں بندیاں کوُں جوش ڈیوائے۔
3
۳۔پر میں بھراواں کوُں ایں کیتے گھلے کہ اساں جیہڑا فخر ایں بارے وچ تہاڈے تے کریندے ہئیں بے بنیاد نہ ٹھہرے بلکہ تساں میڈے آکھن دے موافق تیار راہو۔
4
۴۔ ایویں نہ تھیوے کہ اگر مکدُنیہ دے راہون آلے میڈے نال آؤن اَتے تہاکوُ تیار نہ پاؤن تاں اساں ( اے نئیں آدھے کہ تساں ) اوُں بھروسے دے پاروُں شرمسار نہ تھیوؤں۔
5
۵۔ ایں کیتے میں بھراواں دی منت کرنا ضروری سمجھدا ہاں کہ اوہ پہلے تھوں تہاڈے کول ونج کے تہاڈی وعدہ کیتی ہوئی بخشش کوُں پہلے ہی تیار کر رکھن نہ کہ زبردستی دے طور تے۔
6
۶۔ وَت گال ایویں ہِے بئی جیہڑا گھٹ واہیندے اوہ گھٹ کٹیسی اَتے جیہڑا ڈھیر واہیندے اوہ ڈھیر کٹیسی۔
7
۷۔ جیویں ہر ہک نے اپنے دل ا،چ ارادہ کیتے اوہ اوں وے ای ڈیوے ناں کہ لاچاری نال کیونکہ خدا خوشی دے نال ڈیون آلے کوُ عزیز رکھیندے۔
8
۸۔ اَتے خدا تہاڈے تے ہر طرح دا فضل ڈھیر سارا کر سگدے تاں جو تہاکوُ ہمیشہ ہر شئے ڈھیر ساری ملا کرے اَتے ہر نیک کم کیتے تہاڈے کول بہوں کجھ ہر ویلے راہوے۔
9
۹۔ چنانچہ لکھا لاتھے کہ اوُں نے کھینڈایا ہِے۔ اوُں نے محتاجاں کوُ ڈِتا ہِے۔ اوُں دی راستبازی اخیر تائیں باقی راہسی۔
10
۱۰۔ جیہڑا وہاون آلے کوُ بیج تے کھاؤن آلے کوُ ٹُکر ڈیسی اَتے وچ ترقی وی ڈیسی اَتے تہاڈی راستبازی دے پھلاں کوُ ودھاسی۔
11
۱۱۔ اَتے تساں ہر شئے ڈھیر ساری گھن کے ہر طرح دی خیرات کریسو جیہڑی ساڈے وسیلے نال شکرگزاری دا باعث تھیندی ہِے۔
12
۱۲۔ کیونکہ ایں خدمت کرن دے نال ناں صرف ایمانداراں دیاں ضرورتاں پوریاں تھیندن بلکہ بہوں بندیاں دی طرفوں خدا دی بڑی شکرگزاری تھیندی ہِے۔
13
۱۳۔ ایں کیتے کہ جیہڑی نیت ایں خدمت تھوں ثابت تھئی ہِے اوُں دے پاروُں اوہ خدا دی تمجید کریندے ہِن کہ تساں مسیح دی خوشخبری دا اقرار کر کے اوُں دے تے تابعداری نال عمل کریندے او تے اونہاں دی تے سارے بندیاں دی مدد کرن اِچ خیرات کریندے ہو۔
14
۱۴۔اَتے اوہ تہاڈے کیتے دعا کریندے ہن اَتے تہاکوُ ملن دا شوق رکھیندے ہن ایں کیتے کہ تہاڈے تے خدا دا وڈا فضل ہِے۔
15
۱۵۔شکر خدا دا اوُں دی اوُں مہربانی تے جیہڑی بیان کرن تھوں باہر ہِے۔