1
۱۔ پس اے عزیزو!چونکہ ساڈے نال ایہو جئے وعدے کیتے گئے ہِن آؤ اساں اپنے آپ کوُ ہر طرح دی جسمانی تے روحانی گندگی تھوں پاک کروں اَتے خدا دے خوف دے نال پاکی کوُ کمال تک پہنچاؤں۔
2
۲۔ ساکوُ اپنے دِل وچ جا ڈیوائے۔اساں کئیں دے نال بے انصافی نئیں کیتی۔ کئیں کوُ نئیں وگاڑے۔ کئیں نال دغا نئیں کیتی۔
3
۳۔ میں تہاکوُ مجرم ٹھہراون کیتے اے نئیں آدھا کیوں جو پہلے ای تہاکوُ آکھ چکا ہاں کہ تساں ساڈے دِلاں اچ ایویں وس گئے او کہ اساں تے تساں ہک نال مرسوں تے جیسوں۔
4
۴۔ میں تہاکوں وڈی دلیری دے نال ایہہ گالیں کریندا ہاں۔ میکوں تہاڈے تے وڈا فخر ہِے۔ میکو پوری تسلی تھی گئی ہِے۔ جیہڑیاں وی مصیبتاں ساڈے تے آئین اُنہاں ساریاں وچوں میڈا دل خوشی نال بھریا راہندا ہِے۔
5
۵۔ کیونکہ جیہڑے ویلے اساں مکدنیہ وچ آئے اوُں ویلے وی ساڈے جسم کوُ سکون نہ ہائی بلکہ ہر پاسوں ڈُکھاں وچ پھسے رہے آں۔ باہر لڑائیاں ہن۔ اندر خوف ہائی۔
6
۶۔ تاں وی لاچاراں کوُ تسلی ڈیون آلے یعنی خدا نے ططُس دے آون نال ساکوُ تسلی بخشی۔
7
۷۔ اَتے نہ صرف اوندے آون نال بلکہ اوں دی اوُں تسلی دے نال وی جیہڑی اوُں کوُں تہاڈی طرفوں تھئی اَتے اوُں نے تہاڈا شوق۔ تہاڈا غم اَتے تہاڈا جوش جیہڑا میڈے پاروں ہائی ساکوں سُنائے جیندے نال میکوں بہوں خوشی تھئی ۔
8
۸۔ گل ایو یں ہِے کہ میں تہاکوں اپنے پتر نال ڈُکھی کیتے پر اُوندے کولوں پچھتاندا نئیں۔اے ہِے کہ میں پہلے پچتاندا ہامی چنانچہ ڈیدھا ہاں کہ اوُں پتر کولوں تہاکوُ ڈُکھ تھئے۔ پر تھوڑے ای عرصہ تک ریہے۔
9
۹۔ ہن میں ایں کیتے خوش نئیں ہاں کہ تہاکوُ ڈُکھ تھئے بلکہ ایں کیتے کہ تہاڈے ڈُکھ دا انجام توبہ تھئیےکیوں جو تہاڈا ڈُکھ خدا پرستی دا ہائی تاں جو تہاکوُ ساڈی طرفوں کئیں طرح دا نقصان نہ تھیوے۔
10
۱۰۔ کیوں جو خدا پرستی دا غم ایہو جئی توبہ پیدا کریندے جیندا انجام نجات ہِےاَتے اوُں دے تھوں پچھتاوانا نئیں پوندا پر دُنیا دا غم موت پیدا کریندے۔
11
۱۱۔ ہن ڈیکھو ایں گال نے کہ تساں خدا پرستی دے طور تے ڈُکھی تھئے تہاڈے وچ کیویں اتنی سرگرمی تے بہانہ ے غصہ تے خوف تے شوق تے جوش تے انتقام پیدا کیتے! تُساں وہ ہر طرح نال ثابت کر ڈِکھائے ایں کم تھوں آزاد ہو۔
12
۱۲۔ وَل میں تہاکوُں لکھا ہائی پر نہ اوندھے باجوُں لکھے جئیں نے بے انصافی کیتی اَتے نہ اوندھے باجوُں جئیں دے تے بے انصافی تھئی بلکہ ایں کیتے کہ تہاڈی سرگرمی جیہڑی ساڈے کیتے ہِے خدا دے حضور تہاڈے تے ظاہر تھی ونجے۔
13
۱۳۔ ایں کیتے ساکوُ تسلی تھئی ہِے۔ اَتے ساڈی ایں تسلی وچوں ساکوُ طِطس دی خوشی دے پاروں بہوُں زیادہ خوشی تھئی کیوں جو تساں ساریاں دے پاروں اوندی روح وَل تازہ تھی گئی۔
14
۱۴۔ اَتے اگر میں اوندھے سامنے تہاڈے بارے کجھ فخر کیتے تاں شرمسار نہ تھیا بلکہ جیویں اساں ساریاں گالہیں تہاکوں سچائی نال ڈسیاں ہن اوں ویں ہی جیہڑا فخر اساں طِطس دے سامنے کیتے اوہ وی سچ نکلا ہِے۔
15
۱۵۔ اَتے جیہڑے ویلے اوُں کوُ اوُں کوُ تہاڈے ساریاں دی فرمانبرداری یاد آندی ہِے کہ تساں کیویں ڈردے تے کمبندے اوُں کوُ ملے ہاسے تاں اوندھی دِلی محبت بہوں زیادہ تھیندی ویندی ہِے۔
16
۱۶۔ میں خوش ہاں کہ ہر گال اِچ تہاڈی طرفوں میکوں تسلی ملی ہِے۔