1
۱۔ میکوُ فخر کرنا ضرور ہائی اگرچہ چنگا نئیں۔ جیہڑی رویا تے مکاشفے خداوند دی طرفوں میڈے تے تھئےاُنہاں دا میں ذکر کریندا ہاں۔
2
۲۔ میں مسیح وچ ہک بندے کوُ جان دا ہاں چوڈا سال تھی گئےِن کہ اوہ ڈیدھیاں ڈیدھیاں تریجھے آسمان تے چاتا گئے۔ نہ میکوں ایہہ پتا ہِے بئی اوہ بدن نال نہ ایہہ پتا کہ بدن تھوں بغیر۔ ایہہ خدا کوُ پتا ہِے۔
3
۳۔ اَتے میں اے وی جان دا ہاں کہ اوُں بندے نے (بدن دے نال یا بدن تھوں بغیر ایہہ میکوں پتا نئیں۔ خدا کوُ پتا ہِے)
4
۴۔ ڈیدھیاں ڈیدھیاں فردوس اِچ پہنچ کے ایہو جیاں گالہیں سُنین جیہڑیاں آکھن دیاں نئیں اَتے جنہاں دا آکھنا بندے کوُ جائز نئیں۔
5
۵۔ میں ایہو جئے بندے تے فخر تاں کریساں پر اپنے آپ تے سوا اپنی کمزوریاں دے فخر نہ کریساں۔
6
۶۔ اَتے اگر فخر کرنا ضروری وی ہوے تاں وی بےوقوف نہ ٹھہرساں۔ کیوں جو سچ بولیساں پر تاں وی باز راہندا ہاں تاں جو کوُئی میکوُ ایں تھوں زیادہ نہ سمجھے جیویں میکوُ ڈیدھا ہِے یا میکوُ سُندا ہِے۔
7
۷۔ اَتے مکاشفیاں دی زیادتی دے سبب میڈے پھُل ونجن دے سبب تھوں میڈے جسم اِچ کنڈا چبھویا گیا ہِے یعنی شیطان دا ایلچی تاں جو میڈے مُکے مارے اَتے میں پُھل نہ ونجاں۔
8
۸۔ ایندے بارے وچ میں ترئے واری خدا دی منت کیتی کہ اے میتھوں دور تھی ونجے۔
9
۹۔ پر خدا نے میکوں آکھے کہ میڈا فضل ای تیڈے کیتے کافی ہِے کیونکہ میڈی قدرت کمزوری اِچ پوری تھیندی ہِے۔ پس میں وڈی خوشی دے نال اپنی کمزوری تے فخر کریساں تاں جو مسیح دی قدرت میڈے تے چھائی راہوے۔
10
۱۰۔ ایں کیتے میں مسیح دی خاطر کمزوری اِچ۔ بےعزتی اِچ۔ ضرورت اِچ۔ ستایا ونجن اِچ۔ تنگی اِچ خوش ہاں کیونکہ جڈاں میں کمزور تھیندا ہاں اوُں ویلے زور آلا ہونا ہاں۔
11
۱۱۔ میں بیوقوف بنا تاں ہاں پر تساں ہی میکوں مجبور کیتے کیونکہ تہاکوُ میڈی تعریف کرنا چاہیدا ہائی ایں کیتے کہ میں اُنہاں افض رسولاں وچوں کئی شئے اِچ گھٹ نئیں حالانکہ میں کجھ وی نئیں ہاں۔
12
۱۲۔ رسول ہوؤن دیاں علامتاں کمال صبر دے نال نشاناں اَتے عجیب کماں تے معجزیاں دے وسیلے نال تہاڈے وچ ظاہر تھیاں ہَن۔
13
۱۳۔ تُساں کیہڑی گل وچوں بئی کلیسیاواں وچوں گھٹ ٹھہرے او باجہوں ایندے میں تہاڈے تے بھار نہ سٹیا ہائی؟ میڈی اے بےانصافی معاف کر ڈیوو۔
14
۱۴۔ ڈیکھو میں اے تریجھی وار تہاڈے کول آؤن کیتے تیار ہاں اَتے تہاڈے تے بھار نہ سٹیساں۔ ایں کیتے کہ میں تہاڈے مال دا نئیں بلکہ تہاڈا ای خواہشمند ہاں کیونکہ چھویراں کوُ ماں پیوُ کیتے جمع کرنا نئیں چاہیدا بلکہ ماں پیوُ کوُ چھویراں کیتے۔
15
۱۵۔ اَتے میں تہاڈی رُوحاں کیتے بہوں خوشی نال خرچ کریساں بلکہ آپ وی خرچ تھی ویساں۔ اگر میں تہاڈے نال بہوں محبت رکھاں تاں کیا تُساں میڈے نال گھٹ محبت رکھیسو؟۔
16
۱۶۔ پر ممکن ہِے کہ میں آپ نہ تہاڈے تے بھار سٹیا ہوئے پر مکار جو تھیا ایں کیتے تہاکوُ فریب ڈے کے پھنسا گِدا ہووے۔
17
۱۷۔ بھلا جنہاں کوُں میں تہاڈے کول بھیجا ہائی کیا اُنہاں وچوں کئیں دے پاروں دغا دے طور تے تہاڈے کولوں کجھ گِدا ہائی؟۔
18
۱۸۔ میں ططس کوُ سمجھا کے اوندے نال اوندے بھرا کوُ بھیجا ہائی۔ وَل کیا ططس نے تہاڈے نال دغا کر کے تہاڈے کولوں کجھ گِدے؟ کیا اساں ڈوہاں دا چال چلن ہک ای رُوح دی ہدایت دے مطابق نہ ہائی؟ کیا اساں ہک ای پیرے دے اُتے نہ چلے؟
19
۱۹۔ تساں ہالی تاک ایہو سمجھدے ہوسو کہ اساں تہاڈے سامنے بہانہ کریندے پئے ہاں؟ اساں تاں خدا کوُ حاضر جان کے مسیح وچ بولیندے ہئیں اَتے اے سنگتیو! اے سارا کجھ تہاڈی ترقی کیتے ہِے۔
20
۲۰۔ کیوں جو میں ڈردا ہاں کہ کِتھائیں ایویں نہ تھیوے کہ میں آ کے جیویں تہاکوُں چاہندا ہاں اوُں ویں نہ ڈیکھاں اَتے میکوُ وی جیویں تساں نئیں چاہندے اوُں وے ای پاؤ کہ تہاڈے وچ جھگڑے۔ حسد۔ غصہ۔ تفرقے۔بدگوئیاں۔ غیبت۔ شیخی تے فساد ہوؤن۔
21
۲۱۔ اَتے وَل جڈاں میں آوں تاں میڈا خدا میکوُں تہاڈے سامنے مجبور کرے اَتے میکوُں بہوں بندیاں کیتے افسوس کرنا پووے جنہاں نے پہلے گناہ کیتے ہَن اَتےاوُں ناپاکی تے حرامکای تے شہوت پرستی تھوں جیہڑی اُنہاں کولوں تھئی توبہ نئیں کیتی۔