1
۱۔ کاش کہ تُساں میڈی نِکی جئی بیوقوفی برداشت کر سگدے! ہاں تُساں میڈی برداشت کریندے تاں ہو۔
2
۲۔ میکوُ تُہاڈی خاطر خدا جئی غیرت ہِے کیونکہ میں ہک ای پئے دے نال تہاڈی نسبت کیتی ہائی تاں جو تُہاکوُ پاک دامن کنواری دی مانند مسیح دے کول حاضر کراں۔
3
۳۔پر میں ڈردا ہاں۔ کِتھائیں ایویں نہ تھیوے جیویں سَپ نے اپنی مکاری دے نال حوا کوُ ورغلایا ہائی اوُویں ای تُہاڈے خیلات وی اوُں خلوص تے پاک دامنی تھوں ہٹ ونجن جیہڑی مسیح دے نال ہوونی چاہیدی ہِے۔
4
۴۔ کیونکہ جیہڑا آندا ہِے اگر اوہ کئیں ڈوجہے یسوع دی مُنادی کریندا ہِے جیندی اساں مُنادی نئیں کیتی یا کوُئی بئی رُوح تُہاکوُ ملدی ہِے جو نہ مِلی ہائی یا ڈوجہی خوشخبری مِلی جیکوُں تُساں قبول نہ کیتا ہائی تاں تُہاڈا برداشت کرنا ٹھیک ہِے۔
5
۵۔ میں تاں اپنے آپ کوُ اُنہاں افضل رسولاں تھوں کجھ گھٹ نئیں سمجھدا۔
6
۶۔ اَتے اگر تقریر اِچ میں بے شعور آں تاں علم دے اعتبار تھوں نئیں بلکہ اساں ایں کوُ ہر گال اِچ سارے بندیاں تے تہاڈی خاطر ظاہر کر ڈِتے۔
7
۷۔ کیا میڈے کولوں اے خطا تھئی ہائی جو میں تُہاکوں خدا دی خوشخبری مُفت پہنچا کے اپنے آپ کوُ نیواں کیتے تاں جو تُساں اُچے تھی ونجو۔
8
۸۔ میں ڈوجھی کلیساواں کوُ لُٹے یعنی اُنہاں کولون پیسے گِدن تاکہ تُہاڈی خدمت کراں۔
9
۹۔ جیہڑے ویلے مین تہاڈے کول حامی اَتے منگن آلا تھی گیا ہامی تاں وی میں کئیں تے بھار نہ سٹا ہائی کیونکہ بھراواں نے مکدُنیہ اِچ آ کے میڈی مدد کیتی ہائی اَتے میں ہر ہک گال اِچ تہاڈے تے بھار سٹن تھوں دور ریہا اَتے راہساں وی۔
10
۱۰۔ مسیح دی سچائی دی قسم جیہڑا میڈے وچ ہِے۔ اخیہ دے علاقے اِچ کوُئی بندہ میڈے تے فخر کرن تھوں نہ روکیسی۔
11
۱۱۔ کئیں کیتے؟ کیا ایں کیتے جو میں تہاڈے نال محبت نئیں رکھیندا؟ ایں کوُ خدا جان دا ہِے۔
12
۱۲۔ پر جو کریندا ہاں اوہو کریندا راہساں تاں جو موقع لبھن آلیاں کوُں موقع نہ ڈیواں بلکہ جیہڑی گال تے اوہ فخر کریندے ہِن اوُندھے وچوں ساڈے جئے ہی نکلن۔
13
۱۳۔ کیونکہ ایہو جئے بندے جھوٹے رسول اَتے دغا بازی دے نال کم کرن آلے ہِن اَتے اپنے آپ کوُ مسیح دے رسولاں دے ہم شکل بنا گھن دِن
14
۱۴۔ اَتے کجھ حیرانی آلی گل نئیں کیوں جو شیطان وی اپنے آپ کوُ نورانی فرشطیاں دا ہم شکل بنا گھِندے۔
15
۱۵۔ وَل اگر اوندے خادم وی راستبازی دے خادماں دے ہم شکل بن ونجن تاں کجھ وڈی گل کئے نئیں پر اُنہاں دا انجام اُنہاں دے کماں دے موافق تھیسی۔
16
۱۶۔ میں وَل آدھا ہاں کہ میکوں کوُئی بے وقوف نہ سمجھے ورنہ بےوقوف سمجھ کے ہی میکوُ قبول کرو کہ میں وی تھورا جیہا فخر کراں۔
17
۱۷۔ جو کجھ میں آدھا ہاں اوہ خداوند دے طور تے نئیں بلکہ ایویں جیویں بےقوفی دے نال اَتے اوُں جرات نال آدھا ہاں جیہڑی فخر کرن نال تھیندی ہِے۔
18
۱۸۔ جِتھاں بئے بہوں جسمانی طور تے فخر کریندے ہِن میں وی کریساں۔
19
۱۹۔کیوں جو تُساں تاں عقلمند تھی کے خوشی دے نال بےوقوفی دی برداشت کریندے ہو۔
20
۲۰۔ جڈاں کوُئی تہاکو غلام بنا گھِندے یا کھا ویندے یا پھنسا گھِندے یا اپنے آپ کوُ وڈا بنیندے یا تہاڈے مُنہ تے تھپڑ مریندے تاں تُساں برداشت کر گھِندے ہو۔
21
۲۱۔ میڈا ایہہ آکھنا بےعزتی دے طور تے ای سہی کہ اساں کمزور ہاسے پر جیڑی گال اِچ کوُئی دلیر ہِے (حالنکہ اے آکھنا بےوقوفی ہِے) میں وی دلیر ہاں۔
22
۲۲۔ کیا اوؤو عبرانی ہِن؟ میں وی ہاں۔ کیا اوؤو اسرائیلی ہِن؟ میں وی ہاں۔ کیا اوؤو ابرہام دی نسل تھوں ہِن؟ میں وی ہاں۔
23
۲۳۔ کیا اوؤو مسیح دے خادم ہِن ( میڈا ایہہ آکھنا دیوانگی ہِے ) میں بہوں ڈھیر ہاں۔ محنتاں اِچ بہوں زیادہ۔ قید اِچ زیادہ۔ کوڑے کھاون اِچوں حد تھوں زیادہ۔ بہوں ویلے میں موت دے خطریاں وچ ریہا ہاں۔
24
۲۴۔ میں یہودیاں کولوں پنج واری ہک گھٹ چالھی چالھی کوڑے کھادےِن
25
۲۵۔ ترئے واری بینت لگِن۔ ہک واری سنگسار کیتا کیِاں۔ ترئے واری جہاز ٹوٹن دی مصیبت اِچ پیاں۔ ہک رات ڈیں سمندر اِچ کٹے۔
26
۲۶۔ میں کئی واری سفر اِچ۔ دریاواں دے خطریاں اِچ۔ ڈاکواں دے خطریاں اِچ۔ اپنی قوم دے خطریاں اِچ۔ پرایاں قوماں دے خطریاں اِچ۔ شاہر دے خطریاں اِچ۔ بیابان دے خطریاں اِچ۔ سُمندر دے خطریاں اِچ۔ کوڑے بھراواں دے خطریاں اِچ۔
27
۲۷۔ محنت تے مشقت اِچ۔ کئی وار جاگن دی حالت اچ۔ بُھک تے تریہہ دے ڈکھ اِچ۔ بہوں دفعہ بھوکاں اِچ۔ ٹھنڈ تے ننگا وی ریہا ہاں۔
28
۲۸۔ اِنہاں گالہیں دے علاوہ جنہاں دے بارے اِچ میں گال نئیں کریندا ساریاں کلیسیاواں دی فکر میکوں ہر ڈیہنہ آدباندی ہِے۔
29
۲۹۔ کئیں دی کمزوری کولوں میں کمزور نئیں تھیندا؟ کئیں دے ٹھوکر کھاون تھوں میڈا دِل نئیں ڈُکھدا۔
30
۳۰۔ اگر فخر کرنا ضروری ہِے تاں اُنہاں گالہیں تے فخر کریساں جو میڈی کمزوری دے تعلق نال ہِن۔
31
۳۱۔ خداوند یسوع مسیح دا خدا تے پیوُ جیندی اخیر تک حمد ہوئے جان دا ہِے کہ میں کوُڑ نئیں پیا آدھا۔
32
۳۲۔ دمشق اِچ اوُں حاکم نے جیہڑا بادشاہ ارتاس دی طرفوں ہائی میکوں پھدن کیتے دمشقیاں دے شاہر تے پہرا بِٹھا رکھا ہائی۔
33
۳۳۔ ول میں ٹوکرے اِچ بٹھا کے باری دی راہیں کندھ تھوں لٹکا ڈِتا گیا ہامی ایویں میں اوندے ہتھوں بچ گیاں۔