¹ ۱۔ ایہہ تریجھی وار میں تہاڈے کول آندا ہاں۔ ڈو یا ترائے گواہاں دی زبان تھوں ہر ہک گال ثابت تھی ویسی۔ ² ۲۔ جیویں میں ڈوجہی واری تہاڈے سامنے ہامی تاں تاں پہلے کوُ آکھ ڈِتا ہائی اوُں وے ہی تہاڈے پِچھوُں میں وی اُنہاں بندیاں کوُں جنہاں نے پہلے گناہ کیتے ہَن اَتے وَل ساریاں بندیاں کوُں پہلے تھوں آکھ ڈیندا ہاں کہ اگر وَل آساں تاں چھوڑیساں نہ۔ ³ ۳۔ کیوں جو تساں اِیندی دلیل چاہندے او کہ مسیح میڈے اِچ بولیندا ہِے اَتے او تہاڈے کیتے کمزور نئیں بلکہ تہاڈے وچ زور آور ہے۔ ⁴ ۴۔ ہاں او کمزوری دے پاروں مصلوب کیتا گئیے پر خدا دی قدرت دے پاروں زندہ ہِے اَتے اساں وی اوندے وچ کمزور تاں ہئیں پر اوندے نال خدا دی اوُں قدرت دے پاروں زندہ تھیسوں جیہڑی تہاڈے کیتے ہِے۔ ⁵ ۵۔ تُساں اپنے آپ کوُ آزماؤ کہ ایمان تے ہو یا نئیں۔ اپنے آپ کوُ پرکھو۔ کیا تُساں اپنے بارے نئیں وے جان دے کہ یسوع مسیح تہاڈے وچ ہِے؟ ورنہ تساں مقبول نہ تھیوؤ۔ ⁶ ۶۔ لیکن میں اُمید کریندا ہاں کہ تساں پتا کر گھِنسو کہ اساں تاں نامقبول نئیں۔ ⁷ ۷۔ اَتے اساں خدا کولوں دعا کریندے ہئیں کہ تُساں کجھ گناہ نہ کرو۔ نہ ایں کیتے کہ پتا لگے کہ اساں مقبول ہئیں بلکہ ایں کیتے کہ نیکی کرو چاہے اساں نامقبول ہی ٹھہروں۔ ⁸ ۸۔ کیوں جو اساں حق دے برخلاف کجھ نئیں کر سگدے پر صرف حق کیتے کر سگدے ہئیں۔ ⁹ ۹۔ جڈاں اساں کمزور ہئیں اَتے تُساں زورآور ہو تاں اساں خوش ہئیں اَتے ایہہ دعا وی کریندے ہئیں کہ تُساں کامل بنو۔ ¹⁰ ۱۰۔ ایں کیتے میں تہاڈے پچھوں اے گالہیں لکھدا ہاں تاں جو سامنے تھی کے میکوُں اوُں اختیار دے موافق سختی نہ کرنا نہ پووے جو خدا نے میکوُ بناون کیتے ڈِتا ہِے نہ وگاڑن کیتے۔ ¹¹ ۱۱۔ غرض اے بھراو! خوش راہو۔ کامل بنو۔ ہمت نہ چھوڑو۔ ہک دِل راہو۔ میل ملاپ رکھو تاں خدا محبت تے میل ملاپ دا چشمہ تُہاڈے نال ہوسی۔ ¹² ۱۲۔ آپس اِچ پاکیزگی نال منہ چُم کے سلام کرو۔ ¹³ ۱۳۔سارے پاک بندے تُہاکوُ سلام آدھِن۔ ¹⁴ ۱۴۔ خداوند یسوع مسیح دا فضل تے خدا دی محبت تے رُوح القدس دی شراکت تُہاڈے ساریاں دے نال ہوندی راہوے۔