¹ ۱۔ کئیں وڈے عمر آلے کوُ ملامت نہ کر بلکہ پیو جان کے نصیحت کر۔ ² ۲۔ اَتے جواناں کوُ بھرا جان کے تے وڈی عمر آلیاں زنانیاں کوُ ماں جان کے تے جوان زنانیاں کوُ بہوُں پاکیزگی نال بھین جان کے۔ ³ ۳۔ اُنہاں بیواواں دی جیہڑیاں واقعی بیوہ ہِن عزت کر۔ ⁴ ۴۔ اَتے اگر کئیں بیوہ دے پُتر یا پوترے ہوون تاں اوہ پہلے اپنے ہی گھرانے دے نال دینداری دا برتاؤ کرنا تے ماں پیو دا حق ڈیونا سِکھِن کیونکہ ایہہ خدا دے نیڑے پسندیدہ ہِے۔ ⁵ ۵۔ جو واقعی ہِے اَتے اوُندا کوُئی نئیں اوہ خدا تے اُمید رکھیندی ہِے تے رات ڈِیں مُناجات تے دعاواں اِچ لگی راہندی ہِے۔ ⁶ ۶۔ پر جیہڑی عیش وعشرت وِچ پے گئی ہِے اوہ جیوندے جی مر گئی ہِے۔ ⁷ ۷۔ اِنہاں گالہیں دا وی حکم کر تاں جو بےالزام راہون۔ ⁸ ۸۔ اگر کوُئی اپنیاں دا تے خاص کر اپنے گھرانے دی خبرگیری نہ کرے تاں ایمان دا مُنکر تے بےایمان توں وی بدتر ہِے۔ ⁹ ۹۔ اوہو بیوہ افراد اِچ لکھ ونجے جیہڑی سٹھ سال توں گھٹ دی نہ ہووے اَتے ہِک پئے دی ذال تھئی ہووے۔ ¹⁰ ۱۰۔ اَتے نیک کماں اِچ مشہور ہووے۔ بالاں دی تربیت کیتی ہووے۔ پردیسیاں دے نال مہمان نوازی کیتی ہووے۔ پاک بندیاں دے پیر دھوتے ہوون۔ مصیبت اِچ پھسے ہوئے لوگاں دی مدد کیتی ہووے تے ہر ہک نیک کم کرن کیتے تیز راہی ہووے۔ ¹¹ ۱۱۔ پر جوان بیواواں دے ناں نہ لکھ کیونکہ جڈاں اوہ مسیح دے خلاف اپنے نفس دے تابع تھئی ویندیاں ہِن تا ویاہ کرنا چاہندِن۔ ¹² ۱۲۔ اَتے سزا دے لائق ٹھہردیاں ہِن اِیں کیتے کہ اُنہاں نے اپنے پہلے ایمان کوُ چھوڑ ڈِتے۔ ¹³ ۱۳۔ اَتے ایندے نال ای اوہ گھر گھر پھر کے بیکار راہونا سِکھدِن تے صرف بےکار ہی نئیں راہندیاں بلکہ بَک بَک کریندیاں راہند،ن تے ڈوجھیاں دے کم وِچ دَخل وی ڈیندِن تے اوہ گالہیں آدھِن جیندا آکھنا شرم ہِے۔ ¹⁴ ۱۴۔ پس میں چاہندا ہاں کہ جوان بیواواں ویاہ کرن۔ اُنہاں دے بال تھیون۔ گھر دا انتظام کرن تے کئیں مخالف کوُ بَدگوئی دا موقع نہ مِلے۔ ¹⁵ ۱۵۔ کیونکہ بعض گمراہ تھی کے شیطان دی راہ تے ٹُر پیاں ہِن۔ ¹⁶ ۱۶۔ اگر کئیں ایماندار عورت دے گھر بیواواں ہوون تاں اوہو اُنہاں دی مدد کرن تے کلیسیا تے بوجھ نہ سٹیا ونجے تاکہ اوہ اُنہاں دی مدد کر سگے جو واقعی بیوہ ہِن۔ ¹⁷ ۱۷۔ جیہڑے بزرگ چنگا کم کریندِن۔ خاص کر اوہ جو کلام سناون تے تعلیم ڈیون اِچ محنت کریندے ہِن اوہ بہوُں عزت دے لائق سمجھے ونجن۔ ¹⁸ ۱۸۔ کیونکہ کتابِ مُقّدس ایہہ آدھی ہِے کہ سجے پاسے چلدے ہوئے ڈاندھ دا مُنہ نہ بندھائے اَتے مزدور پنی مزدوری دا حقدار ہِے۔ ¹⁹ ۱۹۔ جو دعویٰ کئیں بزرگ دے خلاف کیتا ونجے ڈوُ یا ترئے گواہاں دے بغیر اوُں کوُ نہ سُن۔ ²⁰ ۲۰۔ گناہ کرن آلیاں کوُ ساریاں دے سامنے ملامت کر تاں جو ڈوجھیاں کوُ وی خوف ہووے۔ ²¹ ۲۱۔ خدا تے مسیح یسوع تے برگزیدہ فرشتیاں کوُ گواہ بنا کے میں تیکوُ تاکید کریندا ہاں کہ اِنہاں گالہیں تے تعصب توں بغیر عمل کر تے کوُئی وی کم طرفداری نال نہ کرائے۔ ²² ۲۲۔ کئیں بندے تے ہتھ رکھن اِچ جلدی نہ کرائے اَتے ڈوجھیاں دے گناہواں وِچ وی شریک نہ تھیوائے۔ اپنے آپ کوُ پاک رکھنا۔ ²³ ۲۳۔ ہُن تھوں صرف پانی ای نہ پیتا کر بلکہ اپنے معدے تے زیادہ تر کمزور راہون دی وجہ توں تھوڑی جئی مَے وی استعمال کیتا کر۔ ²⁴ ۲۴۔ بعض بندیاں دے گناہ ظاہر تھیندے ہِن تے پہلے ای عدالت وِچ پہنچ ویندے ہِن اَتے بعض دے پِچھے ویندِن۔ ²⁵ ۲۵۔ ایویں ای بعض چنگے کم وی ظاہر تھیندِن اَتے جیہڑے ایہو جئے نئیں اوہ وی لُک نئیں سگدے۔