¹ ۱۔ لیکن روُح صاف آدھے کہ آیندہ زمانیاں اِچ بعض لوگ گمراہ کرن آلی روحاں تے شیاطین دی تعلیم دے پاسے متوجہ تھی کے ایمان توں پھِر ویسن۔ ² ۲۔ ایہہ اُنہاں کوُڑے بندیاں دی ریاکاری دے پاروُں تھی سی جنہاں دا دِل تتے لوُہے نال داغ ڈِتا گئیے۔ ³ ۳۔ ایہہ بندے ویاہ کرن توں منع کریسن اَتے اُنہاں کھاون توں پرہیز کرن دا حُکم ڈیسن جنہاں کوُ خدا نے اِیں کیتے پیدا کیتا ہِے کہ ایمان دار تے حق دے سُنجھاون آلے اُنہاں کوُ شکرگزاری کے ساتھ کھاون۔ ⁴ ۴۔ کیوں جو خدا دی پیدا کیتی ہوئی ہر شئے چنگی ہِے اَتے کوُئی شئے انکار دے لائق نئیں پر شرط ایہہ ہِے کہ شکرگزاری دے نال کھادی ونجن۔ ⁵ ۵۔ اِیں کیتے کہ خدا دے کلام تے دعا دے نال پاک تھی ویندی ہِے۔ ⁶ ۶۔ اگر تُو بھراواں کوُ ایہہ گالہیں یاد ڈیویسیں تاں مسیح یسوع دا چنگا خادم ٹھہرسیں اَتے ایمان تے اوُں چنگی تعلیم دیاں گالہیں نال جئیں دی تُوں پیروی کریندا آیا ہئیں پرورش پاندا راہسیں۔ ⁷ ۷۔ لیکن بےہودہ تے بُڈھیاں زنانیاں آلی کہانیاں توں کنارہ کر تے دینداری کیتے محنت کر۔ ⁸ ۸۔ کیونکہ جسمانی محنت دا فائدہ گھٹ ہِے لیکن دین داری ساریاں گالہیں کیتے فائدہ مند ہِے اِیں کیتے کہ ہُن دی تے آؤن آلی زندگی دا وعدہ وی اِیں کیتے ہِے۔ ⁹ ۹۔ ایہہ گالہہ سچ ہِے تے ہر طرح نال قبول کرن دے لائق ہِے۔ ¹⁰ ۱۰۔ کیونکہ اساں محنت تے جانفشانی اِیں کیتے کریندے ہئیں کہ ساڈی اُمید اوُں زندہ خدا تے لگی ہوئی ہِے جیہڑا سارے بندیاں دا خاص کر ایمانداراں دا مُنجی ہِے۔ ¹¹ ۱۱۔ اِنہاں گالہیں دا حُکم کر تے تعلیم ڈے۔ ¹² ۱۲۔ کوُئی تیڈی جوانی دی حقارت نہ کرن پاوے بلکہ تُو ایمانداراں کیتے کلام کرن تے چال چلن تے محبت تے ایمان تے پاکیزگی وِچ نمونہ بن۔ ¹³ ۱۳۔ جڈاں تائیں میں نہ آواں پڑھن تے نصیحت کرن تے تعلیم ڈیون دی طرف توجہ رکھ۔ ¹⁴ ۱۴۔ اوُں نعمت توں غافل نہ رِہ جیہڑی تیکوُ ملی ہوئی ہِے اَتے نبوت دے نال بزرگاں تے ہتھ رکھیندے ویلے تیکوُ مِلی ہائی۔ ¹⁵ ۱۵۔ اِنہاں گالہیں دی فکر رکھ۔ اِنہاں وِچ ہی مصروف رِہ تاکہ تیڈی ترقّی ساریاں تے ظاہر تھی ونجے۔ ¹⁶ ۱۶۔ اپنی تے اپنی تعلیم دی خبرداری کر۔اِنہاں گالہیں تے قائم رِہ کیونکہ ایویں کرن نال تُوں اپنی تے اپنے سُنن والیاں دی وی نجات دا باعث تھی سی۔