1
۱۔ اِیں واسطے کیوں جو مسیح نے جسمانی ڈُکھ چاتے ساکوں وی اوُں مقصد کیتے اپنے آپ کوُ تیار کر گھننا چاہیدے۔ جئیں وی جسمانی ڈُکھ چاتا ہِے، گناہ تھوں روک گِدا گئیے۔
2
۔ اِیں دے نتیجے اِچ ایہو جیا بندہ جسم اِچ وَلا انسانی خواہشاں وِچ نئیں جیوندا بلکہ خدا دی مرضی پوری کریندا ہِے۔
3
۔ تُساں بہوں ویلہ لنگھا چکے ہو اوہ کریندے ہیوے جو ڈوجھیاں قوماں کرنا چاہندِن، عیاشی، بُریاں خواہشاں، شراب پیونا، رنگ رلیاں، بت پرستی تے ہر طرح دی بدکاری۔
4
۔ اوہ اِیں گالھ کوُ عجیب وی سمجھدے ہِن کہ تُساں اُنہاں دے نال کئیں قسم دی بدکاری اِچ شامل نئیں ہو اَتے اِیں وجہ تھوں تُہاڈے بارے وِچ بُرا بولیندے ہِن۔
5
۔ اوہ اپنا حساب اوُں کوُ ڈیسن جو زندہ تے مُردیاں دی عدالت کرن کیتے تیار ہِے۔
6
۔ اِیں مقصد کیتے انجیل دی مُنادی مُردیاں دے وِچ وی کیتی گئی، اگرچہ اُنہاں دا انصاف جسم دے لحاظ نال بطورِ انسان تھیا ہِے، وَل وی اوہ خدا دے روح دے لحاظ نال جی سگِن۔
7
۔ ہر شئےدی آخرت نیڑے آندی پئی ہِے۔ اِیں کیتے اپنی سوچ کوُ پاک رکھو تے دعا کرو۔
8
۔ ہر ہک شئے تھوں پہلے ہک ڈوجھے نال مضبوط محبت رکھو، کیوں جو محبت بہوں سارے گناہاں کوُ چھُپا گھن دی ہِے۔
9
۹۔ بحث کیتیاں بغیر ہک ڈوجھے دے خیر خواہ راہو۔
10
۱۰۔ جیویں کہ تہاڈے وِچوں ہر ہک کوُ خاص نعمت ملی ہِے اوُں کوُ ہک ڈوجھے دی خدمت کیتے استعمال کرو۔
11
۱۱۔ اگر کوُئی بولیندا ہِے تاں ایویں بولے جیویں خدا دے الفاظ بولیندا ہووے۔ اگر کوُئی خدمت کریندا ہووے تاں ایویں کہ اوہ صرف اوُں طاقت تھوں ہِے جو خدا ڈیندا ہِے۔ ہر کم ایویں کرو جو ہر کم اِچ یسوع مسیح دے وسیلے ساڈے خداوند خدا دی تمجید ہووے۔ جلال تے طاقت ہمیشہ تائیں اوُندا ای ہِے۔
12
۔ پیارو! تُساں اپنی آزمائش تھوں نہ گھابرو جو تُہاڈے آزماون کیتے آئے، تُساں ایہہ نہ سوچو کہ تہاڈے نال کجھ انوکھا تھیا ہِے۔
13
۔ بلکہ تساں جتنا مسیح کیتے ڈُکھ چاؤو، خوش راہو، کیوں جو تساں اوندے جلال دے ظاہر ہوون تے وی اتنے ہی خوش ہوسو۔
14
۱۴۔ خوش قسمت ہو تساں اگر مسیح دے ناں تھوں ستائے ویندے ہو تاں مبارک ہو کیوں جو جلال دا روح تے خدا دا روح تہاڈے وِچ راہندا ہِے۔
15
۱۵۔ تہاڈے وِچوں کوئی وی خونی، بدکار یا چور اکھواون دے پاروں ہر گز دپکھ نہ پاوے۔
16
۱۶۔ لیکن اگر کوُئی مسیحی ہوون دے پاروں ڈُکھ پاوے تاں اوہ ہر گز شرمسار نہ تھیوے بلکہ اوُں کوُ ایں وجہ تھوں خوش و خرم تھیون ڈیوو۔
17
۱۷۔ کیوں جو ایہہ اوہ ویلہ آگیا ہِے کہ خدا دے گھر تھوں عدالت کیتی ویسی اَتے اگر اوہ ساڈے وِچوں شروع تھیسی تاں وَل اُنہاں دا کیا جو خوشخبری تے بھروسہ نئیں رکھیندے۔
18
۱۸۔ اَتے اگر راستباز بندہ ای مشکل نال بچایا ویسی تاں ہک ناراست تے گناہ گار انسان دا کیا تھیسی؟۔
19
۱۹۔ چنانچہ جو خدا دی مرضی دے مطابق ڈُکھ چیندے ہِن اوہ اپنی روحاں وفادار خالق دے ھوالے کریسن۔