1
۱۔ ایویں ای تُساں اے بیویو، اپنے پئے دیاں فرمانبردار راہو تاں جو اگر کوُئی پئے کلام تے ایمان نہ رکھیندا ہووے تاں اوہ اپنیہ ذال دے پاروں (بغیر کلام، یا بغیر ہِک لفظ ) دے نجات حاصل کرے۔
2
۔ چونکہ اوُں نے اپنی ذال دے دِل اِچ اپنے کیتے تے پاک دِلی ڈیکھی ہِے۔
3
۔ تہاڈی سجاوٹ وکھالے کیتے نہ ہووے جیویں بنائے ہوئے وال سونے دے زیورات تے اَنج اَنج دے کپرے۔
4
۔ بلکہ اپنی اندرونی سجاوٹ تے پاک دِلی نال جو کہ خدا خدا دی نظر اِچ قیمتی ہِے۔
5
۔ جیویں اُنہاں پاک عورتاں نے بہوں عرصہ پہلے خدا دی اُمید اِچ اپنے آپ کوُ ایویں سجا گِدے اَتے اوہ اپنے پئے دیاں فرمانبردار تھی گئیاں۔
6
۔ ایویں ای سارہ ابرہام دے تابع راہی اَتے اوُں کوُ اپنا خداوند آکھے۔ تُساں اوُندی اولاد ہو، تُساں اوہ کرو جو صحیح ہِے اَتے مصیبت تھوں نہ گھابرو۔
7
۔ اَتے بالکل اوُں وے ای تُساں اے شوہرو، اپنی اپنی ذال کوُ بہوں نازک جان کے اُنہاں دے نال سمجھداری نال راہو۔ اَتے تُساں اُنہاں کوُ زندگی دے ہر انعام دا حقدار جانو۔اِے اِیں کیتے کرو تاں جو تُہاڈیاں دعاواں (قبول ہوون تھوں) رُک نہ ونجن۔
8
۔ آخر اِچ، میں تُہاکوُ آدھا ہاں جو ہک خیال راہو، ہک ڈوجھے دے نال بھائی چارہ رکھو، اپنے مزاج کوُ کوش رکھو دے نیک دِل راہو۔
9
۹۔ بُرائی دا جواب بُرائی نال یا بےعزتی دا جواب بےعزتی ناں نہ ڈیوو بلکہ اِندے بدلے برکت ڈیندے راہو، اِیں کیتے ای تُساں بلائے گئے ہیوے جو کہ تُہاکوُ میراث میں برکت ملے۔
10
۱۰۔ جیہڑا کوُئی اپنی زندگی نال پیار کرنا چاہندا ہِے اَتے چنگے ڈِیں ڈیکھنا چاہندا ہِے اوہ اپنی زبان کوُگناہ تھوں تے اپنے مُنہ کوُں مَکر آلی گالھ آکھن تھوں باز رکھے۔
11
۱۱۔ اوُں کوُں بُرائی کولوں پِچھاں ہٹا گھنو اَتے اوہ کرو جو ٹھیک ہِے۔ اوُں کوُ تسلی لبھن ڈیوؤ تے اوُں دے پِچھے چلن ڈیوؤ۔
12
۔ خدا دیاں اکھیاں نیک بندے کوُ ڈیدھیاں تے اوُں دے کن اوُں دی فریاد سُن سے ہِن پر خدا دا چہرہ اوُندے خلاف ہِے جو گناہ کریندے ہِن۔
13
۔ اوہ کون ہِے جیہڑا تہاکوُ نقصان ڈیسی اگر تُساں چنگی سوچ رکھیندے ہیوے؟۔
14
۱۴۔ پر مبارک ہو تُساں اگر اپنی نیک نامی کیتے ستائے ویندے ہو۔ اوُں شئے تھوں نہ گھابرو جئیں شئے تھوں اوہ ڈردے ہِن۔ نہ ای گھابرو۔
15
۱۵۔ بلکہ ساڈے خداوند یسوع مسیح کوُ اپنے دِلاں وِچ پاک ٹھہراؤ۔ جواب ڈیون کیتے ہر ویلے تیار راہو، جڈاں کوُئی تُہاڈے کولوں پُچھے کہ خداوند تے تُہاڈا بھروسہ کیوں ہِے، تاں اوُں کوُ حلیمی تے عزت نال جواب ڈیوؤ۔
16
۱۶۔ اپنے ایمان تے قائم راہو تاں جو تُہاڈے تے انگلی چاون آلے یسوع مسیح اِچ شرمسار کیتے ونجن کیوں جو اوہ تہاکوُ چنگا نئیں سمجھدے
17
۱۷۔ ایہہ وی چنگا ہِے کہ اگر خدا نے تُہاڈے کیتے ایہہ سوچیا ہِے کہ تُساں بُرائی کرن دی بجائے اچھائی کرن کیتے ستائے ونجو۔
18
۱۸۔ مسیح نے وی ہک واری گناہاں کیتے ڈُکھ چاتے۔ اوہ جو راستباز ہا ساڈے کیتے جو کہ ناراست ہِن، ستایا گئیے۔ اِیں کیتے جو اوہ ساکوُ خدا نال ملاوے۔ اوہ جسم تھوں تاں مارا گئیے لیکن روح نال اوہ زندہ کیتا گئیے۔
19
۱۹۔ اوہ روح اِچ گیا تے اُنہاں وِچ مُنادی کیتی جو ہالی قید اِچ ہِن۔
20
۲۰۔ اوہ نوح دے زمانے وِچ جڈاں خدا دا صبر اُنہاں دا انتطار کریندا پیا ہا، راستباز نہ ٹھہرے، اوُں ویلے جڈاں کشتی بنائی گئی تاں خدا نے اَٹھ زندگیاں کوُ پانی تھون بچایا۔
21
۲۱۔ ایہہ بپتسمہ دی نشانی ہِے جو ہُن تہاکوُ بچاندی ہِے، بدن دی گندگی دھوؤن کیتے نئیں بلکہ ہک صاف ضمیر دی خدا تھوں عرض ہِے،جو یسوع مسیح دے زندہ تھیون نال ہِے۔
22
۲۲۔مسیح خدا دے سجے ہتھ تے ہِے۔ اوہ آسمان تے چڑھ گیا ہِے۔ فرشتے، اختیارات تے طاقتاں کوُ اوندے تابع ہوونا ضرور ہِے