1
۱۔ پس اپنی ساری بدخواہی، دھوکا بازی، ریا کاری، حسد تے مذاق اُڑاونے کوُ دوُر کرو۔
2
۔ اَتے کھیر پیون آلے بالاں دی طرح روحانی کھیر تے غذا دے طالب راہو، تاں جو تُساں نجات پاون کیتے ودھدے ونجو۔
3
۔ اگر تُساں مسیح سی مہربانی دا مزا چکھ گِدا ہِے۔
4
۔ تاں اوُندے کول آؤ جو زندہ چٹان ہِے، جئیں کوُ لوگاں نے رَد کیتے جڈاں کہ خدا دے نیڑے چُنے ہوئے تے قابلِ قدر ہِن۔
5
۔ تُساں وی زندہ پتھر دی طرح روحانی گھر بن دے ویندے ہو، مُقّدس کاہناں دے فرقے دی طرح قربانیاں چڑھاؤجو یسوع مسیح دے وسیلہ تھوں خدا دے نیڑے قابلِ قبول ہِے۔
6
۔ لکھا لاتھے کہ ڈیکھو میں صیہون اِچ کونے دے سرے دا پتھر رکھیندا ہاں جو کہ چُنا ہویا اَتے قیمتی تے انمول ہِے جو کوُئی اوندے تے ایمان گھن اسی شرمندہ نہ تھیسی۔
7
۔ ایہہ اعزاز تُہاڈے کیتے ہِے جو ایمان گھن آئے ہو لیکن جئیں پتھر کوُ معماراں نے رَد کیتا اوُہو کونے دے سرے دا پتھر تھی گیا۔
8
۔ اَتے لوگاں کیتے ٹھوکر کھاون دا پتھر اَتے ٹھوکر کھاون دی چٹان بنا۔ اُنہاں نے کلام دی نافرمانی دے پاروں ٹھوکر کھادی جئیں کیتے اوہ مقرر کیتے گئے ہَن۔
9
۹۔ لیکن تُساں ہک چُنی ہوئی نسل، ہک شاہی کاہناں دا فرقہ، ہک مُقّدس قوم اَتے خدا دی ملکیت ہو تاں جو تُساں اوُں دے عظیم کماں دا بیان کرو جئیں نے تُہاکوُ اندھارے وِچوں کڈھ کے وڈے سوجھلے وِچ بُلایا۔
10
۱۰۔ تُساں پہلے کوُئی قوم نہ ہاسے لیکن ہُن تُساں خدا دے لوگ ہو، پہلے تُہاڈے تے رحم نہ تھیا ہا لیکن ہُن تُہاڈے تے رحم تھیا ہِے۔
11
۱۱۔ اے پیارو! میں تُہاکوُ پردیسی تے مسافر دی طرح سڈیا ہِے کہ اپنی گناہ نال بھری ہوئی جسمانی خواہشات تھوں باز آؤ جیہڑی تُہاڈی روح دے خلاف جنگ کریندیاں ہِن۔
12
۔ غیر قوماں وِچ تُہاڈا رویعہ چنگا ہوونا چاہیدا ہِے تاں جو اگراوہ تُہاڈی برائیاں کریندے ہِن تاں تھی سگدے جو اوہ تُہاڈے چنگے کماں کوُ ڈیکھن تاں خدا دی آمد دے ڈِیں اوُں دی تمجید کرن۔
13
۔ مسیح دے کیتے ہر انسان اختیار دی فرمانبرداری کرو۔ بادشاہ دے فرمانبردار راہو کیوں جو اوہ عظیم ہِے۔
14
۱۴۔ اوہ اقتدارِ اعلیٰ جینکوُ بدکاراں کوُ سزا ڈیون کیتے اَتے نیک کم کرن آلیاں دی تعریف کرن کیتے گھلیا ہِے۔
15
۱۵۔ ایہو خدا دی مرضی ہِے جو تُساں نیک کماں نال بےوقوف لوگاں دی بےوقوفانہ گالہیں کوُ چُپ کرا ڈیوو
16
۱۶۔ آزاد لوگاں دی طرح اپنی آزادی کوُ گناہ چھپاون کیتے قبضے اِچ نہ گھنو بلکہ خدا دے خادماں دے طرح بنو۔
17
۱۷۔ سارے لوگاں دی عزت کرو۔ بھراواں جئی محبت رکھو، خدا تھوں ڈرو، بادشاہ دی عزت کرو۔
18
۱۸۔ نوکرو! پوری عزت دے نال اپنے مالکاں دے فرمانبدار راہو، نہ کہ چنگے مالکاں دے بلکہ بُرے مالکاں دے وی۔
19
۱۹۔ کیوں جو ایہہ تعریف دے قابل ہِن جڈاں کوُئی خدا دی طرف خیال دے باجھوں بےانصافی تھوں برداشت کریندا ہِے۔
20
۲۰۔ اِیں کیتے کتنا اجر ہِے جو تُساں گناہ کر کے سزا دی برداشت کریندے ہو؟ لیکن اگر تُساں چنگا کم کیتا ہِے اَتے تُساں سزا برداشت کریندے ہو تاں اے خدا دے نیڑے تعریف دے قابل ہِے۔
21
۲۱۔ تُساں ایں کیتے سڈے گئے ہیوے کیوں جو مسیح نے وی تُہاڈے کیتے ڈُکھ برداشت کیتا ہِے۔
22
۲۲۔ اوُں نے نہ گناہ کیتا تے نہ ہی اوُندے مُنہ وِچوں کوُئی مکر دی گالھ نکلی۔
23
۲۳۔ جڈاں اوُں کوُ ملامت کیتا گیا، اوُں نے کئیں کوُ ملامت نئیں کیتی، جڈاں اوُں نے ڈُکھ برداشت کیتا تاں کئیں کوُ دھمکایا نئیں، لیکن اپنے آپ کو اوُں دے حوالے کر ڈِتا جو سچائی دے نال انصاف کریندا ہِے۔
24
۲۴۔ اوُں نے ساڈے گناہاں کوُ اپنے جسم تے برداشت کیتا تے صلیب تے چڑھ گیا تاں جو ساڈا گناہ وِچ حصہ نہ ہو۔ اَتے راستبازی کیتے زندگی گزاریں۔ اوُں دے زخماں دے باعث تُساں شفائی پائی ہِے۔
25
۲۵۔ تُساں سارے بھٹکی ہوئیاں بھیڈاں دی طرح ہاسے، پر ہُن تُساں اپنی روحاں دے محافظ ہو اَتے آجڑی دے کول واپس آ گئے ہیوے۔