¹ ۱۔ میں جو آپ ہک بزرگ ہاں، اَتے مسیح دے ڈکھاں دا گواہ ہاں، تے اوندے ظاہر تھیون آلے جلال اِچ شامل تھی کے تہاڈے وِچوں جیہڑے بزرگ ہِن نصیحت کریندا ہاں۔ ² ۔ دا دے کلمے دے نگہبان بنو جو تُہاڈے حوالے ہِن، پاسبان دی طرح خدمت کرومجبوری نال نئیں بلکہ دِل دی خوشی دے نال خدا دی جو چاہندا ہِے۔ ³ ۔ جیہڑے لوگ تُہاڈی نگرانی وِچ ہِن اُنہاں تے حاکماں دی طرح برتاؤ نہ کرو۔ بلکہ اپنے اجڑ دے کیتے ہک مثال قائم کرو۔ ⁴ ۔ اَتے جڈان گلے دا نگہبان ظاہر تھیسی تاں تُساں ناں مُرجھاون آلا تاج حاصل کریسو۔ ⁵ ۔ اَتے ایویں ای تُساں اے نوجوانو، بزرگاں دے تابع راہو۔ عاجزی کوُ پا گھنو اَتے ہک ڈوجھے دی خدمت کرو۔ کیوں جوخدا مغروراں دا مقابلہ کریندا ہِے، پر اوہ حلیم بندے تے فضل کریندا ہِے۔ ⁶ ۔ چنانچہ اپنے آپ کوُ اوندے ہتھ دے تلے فروتن کرو تاں جو اوہ تُہاکوُ اپنے ویلے تے سربلند کرے۔ ⁷ ۔ اپنیاں ساریاں فکراں اوندے تے سَٹ ڈیوو کیوں جو اوُں کوُ تُہاڈی فکر ہِے۔ ⁸ ۔ ہوشیار تے جاگدے راہو۔ تُہاڈا مخالف شیطان ہک دھاڑدے ہوئے شیر دے وانگوں اِیں انتظار اِچ تُہاڈے آسے پاسے گھُمدا پئے کہ کیہڑے ویلے کئیں دا شکار کرے۔ ⁹ ۹۔ اوندا مقابلہ کرو۔ اپنے ایمان اِچ مظبوط راہو۔ ایہہ جان گھنو کہ تُہاڈے بھرا جو کہ اِیں دُنیا وِچ ہِن اِنہاں مصیبتاں دا سامنا کریندے پئے ہِن۔ ¹⁰ ۱۰۔ تُہاڈی تھوڑی جئی مصیبت برداشت کرن دے بعد خدا جو فضل دا سر چشمہ ہِے جئیں تُہاکوُ مسیح دے ہمیشہ دے جلال اِچ سڈیا تُہاکوُ کامل بنیسی، قائم کریسی اَتے تُہاکوُ طاقت ڈیسی۔ ¹¹ ۱۱۔ ہمیشہ تھوں ہمیشہ تائیں اوندی سلطنت راہوے۔ آمین۔ ¹² ۔ میں سلوانس کوُ ہک وفادار بھرا سمجھدا ہاں، اَتے میں تُہاکوُ اوندے وسیلے لکھیا ہِے۔ میں تُہاکوُ ایِں گالھ دا یقین ڈیویندا تے گواہی ڈیندا ہاں کہ جو کجھ میں تُہاکوُں لکھیا ہِے اوہ خدا دا حقیقی فضل ہِے۔ اوندے وِچ قائم راہو۔ ¹³ ۔ اوہ عورت جو بابل وِچ ہِے، تُہاڈے نال ای چُنی ہوئی تُہاکوُ سلام آدھی ہِے۔اَتے میڈا پُتر مرقس وی تُہاکوُ سلام آدھے۔ ¹⁴ ۱۴۔ ہک ڈوجھے کوُپیار نال چُمی گھن کے سلام کرو۔ خدا دا اطمینان تُہاڈے ساریاں تے جو مسیح اِچ ہِن تھیندا راہوے۔