¹ ۱۔ کیا میں آزاد نئیں؟ کیا میں رسول نئیں؟ کیا میں یسوع کوُ نئیں ڈِٹھا جیہڑا ساڈا خداوند ہِے؟ کیا تُساں خداوند اِچ میڈے بنائے ہوئے نئیں؟۔ ² ۲۔ اگر میں ڈوجھیاں کیتے رسول نئیں تاں تہاڈے کیتے تاں ضرور ہاں کیوں جو تُساں آپ خداوند اِچ میڈی رسالت تے مہر ہو۔ ³ ۳۔ جیہڑے میڈا امتحان کریندے ہن اُنہاں کیتے میڈا ایہو جواب ہِے۔ ⁴ ۴۔ کیا ساکوں کھاؤن پیون دا اختیار نئیں؟۔ ⁵ ۵۔ کیا ساکوں اے اختیار نئیں کہ کئیں مسیحی بھین کوُ ویاہ کر کے پھردے راہوں جیویں بئے رسول تے خداوند دے بھرا اَتے کیفا کریندین؟۔ ⁶ ۶۔ یا صرف میکوُ تے برنباس کوُ ای محنت مشقت تھوں باز راہون دا اختیار نئیں؟۔ ⁷ ۷۔ کیہڑا فوجی ہِے جو اپنے خرچ تے جنگ لڑدے؟ کیہڑا ہِے جیہڑا انگور دا باغ لا کے اوندا پھل نئیں کھاندا؟یا کیہڑا آجڑی ہِے جیہڑا اپنیاں بھیڈاں چرا کے اُنہاں دا ڈودھ نئیں پیندا؟۔ ⁸ ۸۔ کیا میں اے گالہیں انسانی سوچ دے موافق آدھا ہاں؟ کیا توریت وی ایہو نئیں آدھی؟۔ ⁹ ۹۔ چنانچہ موسیٰ کی توریت اِچ لکھا لاتھے کہ سجے پاسے چلن آلے ڈاندھ دا منہ نہ بَدھیں۔ کیا خدا کوُ ڈاندھاں دی فکر ہِے؟۔ ¹⁰ ۱۰۔ یا اے خاص ساڈے کیتے فرمایا گئیے؟ ہاں اے ساڈے کیتے لکھا گئیے کیوں جو مناسب ہِے کہ ہل چلاون آلا ایں اُمید تے ہل چلیندے کہ اوُں کوُ کجھ ملسی ایویں ای جوتن آلا این اُمید تے ای جوتے۔ ¹¹ ۱۱۔ پس جڈاں اساں تہاڈے کیتے روحانی شئیاں بویاں ہن تاں کیا اے کوُئی وڈی گل ہِے کہ اساں تہاڈی جسمانی شئیاں دی فصل نہ کٹوں؟۔ ¹² ۱۲۔ جڈاں ڈوجیہاں دا تہاڈے تے اے اختیار ہِے تاں کیا ساڈا کیا اوندے کولوں زیادہ نہ ہوسی؟ پر اساں ایں اختیار دے نال کم نئیں گِدا بلکہ ہر شئے دی برداشت کریندے ہاں تاں جو ساڈے پاروں مسیح دی کوشخبری وچ ہرج نہ تھیوے۔ ¹³ ۱۳۔ کیا تساں نئیں وے جان دے کہ جیہڑے پاک شئیاں دی خدمت کریندے ہن اوہ ہیکل تھوں کھاندین؟ اتے جیہڑے قربان گاہ دے خدمت گزار ہن اوہ قربان گاہ دے نال ای حصہ پاندین؟۔ ¹⁴ ۱۴۔ ایویں ای خداوند نے وی مقرر کیتا ہِے کہ خوشخبری سناون آلے خوشخبری دے وسیلے نال گزارہ کرن۔ ¹⁵ ۱۵۔ پر میں اِنہاں وچوں کوُئی وی گال تے عمل نئیں کیتے اَتے نہ ای ایں غرض تے لکھا ہِے کہ میڈے کیتے ایویں کیتا ونجے کیونکہ میڈا مرنا ہی ایں کولوں چنگا ہِے کہ کوُئی میدا فخر رُلا چھوڑے۔ ¹⁶ ۱۶۔ اگر خوشخبری سناواں تاں میدا کجھ فخر نئیں کیونکہ اے تاں میڈے کیتے ضروری گال ہِے بلکہ میڈے تے افسوس ہِے جو میں خوشخبری نہ سناواں۔ ¹⁷ ۱۷۔ کیوں جو میں اپنی مرضی نال اے کریندا ہاں تاں میڈے کیتے اجر ہِے اَتے اگر اپنی مرضی نال نئیں کریندا تاں مختاری میکوں ڈِتی گئی ہِے۔ ¹⁸ ۱۸۔ پس میکوں کیا اجر مِلدا ہِے؟ اے کہ جڈاں انجیل دی منادی کراں تاں خوشخبری کوُ مفت کر ڈیواں تاکہ جیہڑا اختیار میکو خوشخبری بارے وچ ملے اوندے موافق پورا عمل نہ کراں۔ ¹⁹ ۱۹۔ اگرچہ میں سارے بندیاں تھوں آزاد ہاں وَل وی میں اپنے آپ کوُ ساریاں دا نوکر بنا ڈِتے تاں جو بئے ڈھیر سارے بندیاں کوُ چھِک گھناں۔ ²⁰ ۲۰۔ میں یہودیاں کیتے یہودی بنا تاں جو یہودیاں کوُ چھِک گھناں جیہڑے بندے شریعت دے طور تے ٹردے ہن اُنہاں کیتے میں شریعت دے ماتحت تھیا تاں جو میں شریعت دے ماتحتاں کوُ چھِک گھناں۔ اگرچہ میں آپ شریعت دے ماتحت نہ ہامی۔ ²¹ ۲۱۔ جیہڑے شریعت تے نئیں ٹردے اُنہاں کیتے میں شریعت تے نہ ٹریاتاں جو شریعت تے نہ ٹرن والیاں کوُ چھِک گھناں( حالانکہ میں آپ شریعت تے عمل کریندا ہاں بلکہ مسیح دی شریعت دے تابع ہاں )۔ ²² ۲۲۔ کمزوراں کیتے میں کمزور بنا تاں جو کمزوراں کوُ چھِک گھناں۔ میں ساریاں بندیاں کیتے سارا کجھ بنا ہاں تاں جو کئیں طرح بعض کوُ بچا گھناں۔ ²³ ۲۳۔ اَتے میں سارا کجھ انجیل دے کیتے کریندا ہاں تاں جو ڈوجیاں دے نال اوندے وچ شامل تھیواں۔ ²⁴ ۲۴۔ کیا تساں نئیں وے جان دے کہ دوڑ اِچ دوڑن آلے دوڑدے تاں سارے ای ہن پر انعام ہک ہی گھن ویندے؟ تُساں وی ایویں ہی دوڑو تاں جو جِت سگو۔ ²⁵ ۲۵۔ اَتے ہر پہلوان ہر طرح دا پرہیز کریندے۔ اوہ بندے تاں مرجھاون آلا سہرا پاون کیتے ایہہ کریندے ہن پر اساں اوُں سہرے کیتے کریندے ہاں جیہڑا مرجھاندا نئیں۔ ²⁶ ۲۶۔ پس میں وی اوں ویں ہی دوڑدا ہاں یعنی اپنی منزل کوُ ڈیدھیا ہویاں۔ میں میں ایں طرح مکیاں دے نال لڑدا ہاں یعنی اوُں سی طرح نئیں جیہڑا ہوا اِچ مکے مریندے۔ ²⁷ ۲۷۔ بلکہ میں اپنے بدن کوُ مریندا تے کوُٹیندا ہاں اَتے اوُں کوُ قابو اِچ رکھیندا ہاں اے نہ تھیوے جو ڈوجھیاں کوُ میں منادی کر کے آپ مقبول نہ تھیواں۔