¹ ۱۔ اے بھراؤ! میں ایں تھوں ناواقف نئیں راہنا چاہندا کہ ساڈے پیوُ ڈاڈا بدلاں دے تھلے ہن اَتے ساریاں دے سارے سمندر وچوں لنگھے ہن۔ ² ۲۔ اَتے ساریاں ای نے اوُں بدل تے سمندر وچ موسیٰ دا بپتسمہ گِدے۔ ³ ۳۔ اَتے ساریاں نے ہک ہکو جیا ٹکر کھادے۔ ⁴ ۴۔ اَتے سارہاں نے ہکو جیا ہی روحانی پانی پیتے کیوں جو اوُں روحانی چٹان اِچوں پانی پیندے ہن جیہڑی اُنہاں دے نال نال چلدی راہندی ہائی اَتے اوہ چٹان مسیح ہائی۔ ⁵ ۵۔ پر اُنہاں وچوں بہوں بندیاں نال دا راضی نہ تھیا۔ چنانچہ اوہ بیابان اِچ ڈھیر تھی گئے۔ ⁶ ۶۔ اے گالہیں ساڈےے کیتے نصیحت ٹھہرین تاں جو اساں بُری شیئاں دی خواہش نہ کروں جیویں اُنہاں نے کیتا ہائی۔ ⁷ ۷۔ اَتے تُساں بت پرست نہ بنو جیویں بہوں سارے اُنہاں وچوں بن گئے ہن۔ چنانچہ لکھا لاتھے کہ بندے کھاؤن پیون کیتے بیٹھے۔ وَل نچن ٹپن لگ پئے۔ ⁸ ۸۔ اَتے اساں حرامکاری نہ کروں۔ جیویں اُنہاں وچوں بہوں ساریاں نے کیتی اَتے ہک ہی ڈیں وچ تیئس ہزار مارے گئے ہن۔ ⁹ ۹۔ اَتے اساں خداوند دی ازمائش نہ کروں۔ جیویں اُنہاں وچوں بہوں ساریاں نے کیتی تے سپاں نے اُنہاں کوُ مار گھتے۔ ¹⁰ ۱۰۔ اَتے تساں بُڑ بُڑ نہ کرو جیویں اُنہاں وچوں بہوں سارے بُڑ بُڑ کریندے راہے تے مارے والے تھوں مارے گئے۔ ¹¹ ۱۱۔ ایہہ گالہیں اُنہاں دی نصیحت کیتے واقع تھئین اَتے ساکوُ آخری زمانہ آلیان دی نصیحت کیتے لکھیاں گئین۔ ¹² ۱۲۔ پس جیہڑا کوُئی اپنے آپ کوُ قائم سمجھدے اوہ خبردار راہوے کہ ڈھے نہ پووے۔ ¹³ ۱۳۔ تُساں کوُئی ایہو جئی آزمایش اِچ نئیں پئے جیہڑی انسان دی برداشت تھوں باہر ہوئے اَتے خدا سچا ہِے۔ اوہ تُہاکوُں تہاڈی طاقت تھوں زیادہ آزمایش اِچ نہ پون ڈیسی ہتھوں آزمایش اِچوں نکلن دی راہ پیدا کر ڈیسی تاں جو تُساں برداشت کر سگو۔ ¹⁴ ۱۴۔ ایں دے پاروں اے میڈے پیاریو! بت پرستی تھوں بھجو۔ ¹⁵ ۱۵۔ میں عقل مند جان کے تُہاڈے نال گالہیں کریندا ہاں۔ جو میں آدھا ہاں تُساں اوُں کوُ آپ پرکھو۔ ¹⁶ ۱۶۔ اوہ برکت دا پیالہ جیندے اُتے اساں برکت چاہندے ہاں کیا مسیح دے کون دی سنگت نئیں؟ اوہ ٹُکر جیکوں اساں توڑیندے ہیئں کیا مسیح دے بدن دی سنگت نئیں؟۔ ¹⁷ ۱۷۔ چونکہ روٹی ہک ہی ہِے ایں کیتے اساں جو بہوں سارے ہئیں ہک بدن ہئیں کیوں جو اساں سارے اوُں ہک روٹی وچ سنگت کریندے ہیئں۔ ¹⁸ ۱۸۔ جیہڑے جسمانی اعتبار نال اسرائیلی ہن اُنہاں تے نظر رکھو۔ کیا قربانی دا گوشت کھاون آلے قربان گاہ دے شریک نیئں؟ ¹⁹ ۱۹۔ پس کیا میں ایہہ آدھا ہاں کہ بتاں دی وربانی کئی شئے ہِے۔ یا بت کئی شئے ہن؟۔ ²⁰ ۲۰۔ نئیں بلکہ اے آدھا ہاں کہ جیہڑی قربانی غیر قوماں کریندن شیطاناں کیتے قربانی کریندیاں ہن نہ کہ خدا کیتے اَتے میں نئیں چاہندا جو تُساں شیطان دی سنگت اِچ راہوو۔ ²¹ ۲۱۔ تُساں خداوند دے پیالے تے شیاطاناں دے پیالے ڈوہاں وچوں نئیں پی سگدے۔ خداوند دے دسترخوان تے شیطاناں دے دسترخوان ڈوہاں تے سنگت نئیں رکھ سگدے۔ ²² ۲۲۔ کیا اساں خداوند دی غیرت کوُں بھڑکیندے ہئیں؟ کیا اساں اوندے کولوں زور آور ہئیں؟۔ ²³ ۲۳۔ ساریاں شئیاں ٹھیک تاں ہن پر ساریاں شئیاں مفید نئیں۔ ساریاں شئیاں ٹھیک تاں ہن پر ساریاں شئیاں ترقی دا باعث نئیں۔ ²⁴ ۲۴۔ کوُئی اپنی چنگائی نہ لبھے بلکہ ڈوجھے دی۔ ²⁵ ۲۵۔ جیہڑا کجھ قصائیاں دی دُکاناں تے وکدے اوہ کھاؤ اَتے مذہبی اعتبار دے پاروں کجھ نہ پُچھو۔ ²⁶ ۲۶۔ کیوں جو زمین تے اوندی ساری معموری خداوند دے ہِے۔ ²⁷ ۲۷۔ اگر بے ایماناں وچوں کوُئی تہاڈی دعوت کرے اَتے تُساں ونجن کیتے راضی ہووو تاں جو کجھ تہاڈے اگے رکھا ونجے اوُں کوُ کھاؤ اَتے مذہبی اعتبار دے پاروں کجھ نہ پُچھو۔ ²⁸ ۲۸۔ لیکن اگر کوُئی تُہاکو آکھے کہ ایہہ قربانی دا گوشت ہِے تاں اوُں دے پاروں جئیں بندے نے تہاکوُ جتائے اَتے مذہبی اعتبار دے پاروں نہ کھاؤ۔ ²⁹ ۲۹۔ مذہبی اعتبار تھوں میڈا مطلب تیڈا امتیاز نئیں بلکہ اوُں ڈوجھے دا ہِے۔ بھلا میڈی آزادی ڈوجھے بندے بندے دے امتیاز تھوں کیوں پرکھی ونجے؟۔ ³⁰ ۳۰۔ اگر میں شکر کر کے کھاندا ہاں تاں جئیں شئے تے شکر کریندا ہاں اوندھے پاروں کیوں میں بدنام کیتا ویندا ہاں؟۔ ³¹ ۳۱۔ پس تساں کھاؤ یا پیوو یا جو کجھ وی کرو سارا کجھ خدا دے جلال کیتے کرو۔ ³² ۳۲۔ تساں نہ یہودیاں کیتے تُھڈے دا باعث بنو نہ ہی یونانیاں کیتے نہ خدا دی کلیسیا کیتے۔ ³³ ۳۳۔ چناچہ میں وی ساریاں گالہیں تھوں ساریاں کوُں خوش کریندا ہاں اتے اپنا نئیں بلکہ ڈوجھیاں دا فائدہ لبھیندا ہاں تاں جو اوہ نجات پاؤن۔