¹ ۱۔ ہم بتاں دیاں قربانیاں دے بارے اے ہِے۔ اساں جان دے ہئیں کہ اساں سارے علم رکھیندے ہئیں۔ علم غرور پیدا کریندےپر محبت وِچ ترقی تھیندے ہِے۔ ² ۲۔ اگر کوُئی اے سوچے کہ میں بہوں کجھ جان دا ہاں تاں جیویں جاننا چاہیدا ہِے اوُویں ہن تائیں نئیں جان دا۔ ³ ۳۔پر جیہڑا کوُئی خدا نال محبت رکھیندا ہِے اوُں کوُں خدا سنجاندے۔ ⁴ ۴۔ پس بتاں دی قربانیاں دے گوشت کھاون دے بارے اساں جان دے ہئیں کہ بت دُنیا وچ کئی شئے کئے نئیں اَتے ہک دے علاوہ کوُئی خدا نئیں۔ ⁵ ۵۔ ہالانکہ آسمان تے زمین تے بہوں سارے خدا اکھواندین (چنانچہ بہوں سارے خدا اَتے بہوں سارے خداوند ہن )۔ ⁶ ۶۔ پر اساں جان دے ہاں کہ ہک ہی خدا ہِےیعنی پیوُ جیندی طرفوں ساریاں شئیاں ہن تے اساں اوندے کیتے ہئیں اَتے ہک ہی خداوند ہِے یعنی یسوع مسیح جیندے وسیلے نال ساریاں شئیاں موجود ہن اَتے اساں وی اوندے وسیلے نال ہئیں۔ ⁷ ۷۔ پرساریاں کوُ ایہہ علم نئیں اَتے ہن تائیں کجھ کوُ بتاں کوُں پوجن دی عادت ہِے۔ ایں کیتے اوُں گوشت کوُ بت دی قربانی جان کے کھاندے ہن اَتے اُنہاں دِل چونکہ کمزور ہِے تے آلودہ تھی ویندے۔ ⁸ ۸۔ کھانا ساکوُں خدا دے نال نہ ملویسی اگر نہ کھاؤں تاں ساڈا کجھ نقصان نئیں پر اگر کھاؤں تاں کوُئی فائدہ نئیں۔ ⁹ ۹۔ پر ہوشیار تھی ونجو! ایویں نہ تھیوے جو تہاڈی اے آزادی کمزوراں کیتے تھڈے دا باعث بن ونجے۔ ¹⁰ ۱۰۔ کیوں جو اگر کوُئی تیکو جیہڑا بہوں علم رکھیندے بت خانے وچ ٹُکر کھاندے ڈیکھ گھنے تاں اوہ کمزور بندہ ہوئے تاں کیا اوندا دِل بتاں دی قربانی کھاون تے دلیر نہ تھی ویسی؟۔ ¹¹ ۱۱۔ پس تیڈے علم دے پاروں اوہ کمزور بندہ یعنی اوہ بھرا جیندی کیتے مسیح نے اپنی ڈِتی ہائی اوہ مر ویسی۔ ¹² ۱۲۔ اَتے تُساں ایں طرح بھراواں دے گناہگار تھی کے تے اُنہاں دے کمزور دِل کوُ زخمی کر کے مسیح دے گناہگار ٹھہر دے ہیوے۔ ¹³ ۱۳۔ ایندے پاروں اگر کھانا میڈے بھرا کوُ تھڈا لگدے تاں میں کدائیں وہ گوشت نہ کھاساں تاں جو اپنے بھرا کیتے تھڈے دا وسیلہ نہ بناں۔