(مزمُور) ¹ ۱۔ رَب لئی اؐک نواں گیت گاؤ۔ کیوں جو اوہنے عجیب عجیب کام وَکھائے نیں ۔ اوہدے سچے ہتھ نیں ۔ تے اوہدی قدوس بانہہ نیں اوہنوں فتح بخشی اے ² ۲۔ رَب نیں اپنی نجات ظاہر کیتی اے ۔ اوہنے دوجیاں قوماں سامنے اپنانیاں ظاہر کیتا اے۔ ³ ۳۔ اوہنے اسرائیلؔ دے ٹبر لئی ۔ اپنی رحمت تے وفا یاد کیتی اے۔ دھرتی دی کُل حداں نیں۔ ساڈے رَب دی نجات ویکھی اے۔ ⁴ ۴۔ اے سارے دیسوں رَب لئی پُکارو۔ چین تے خوشی تے وڈیائی کرو۔ ⁵ ۵۔ رَب لئی بربط دے نال وڈیائی کرو۔ بربط تے سِتار دی آواز نال۔ ⁶ ۶۔ بادشاہ رَب دے سامنے۔ نرسِنگیاں تے تُرہی دی آوا ز نال پُکارو۔ ⁷ ۷۔ سمندر تے اوہدی معموری ۔ جہان تے اوہدے باشندے گرج اُٹھن۔ ⁸ ۸۔ دریاں تالیاں وجاؤن۔ تے نال ای پہاڑ خوشی نال للکارن۔ ⁹ ۹۔ رَب دے حضُور ۔کیوں جو اوہ آرہیا اے۔ اوہ آرہیا اےتاں جو دُنیا دی عدالت کرے۔ اوہ انصاف نا ل دھرتی دی ۔ تے سچائی نال قوماں دی عدالت کرے گا ۔