¹ ۱۔ رَب سلطنت کردا اے۔قوماں کنبھ دیاں نیں ۔ اوہ اعلیٰ درجے دے فرشتیاں اُتے تخت تے بیٹھا اے۔دھرتی ہِل دی اے۔ ² ۲۔ رَب صیہونؔ وچ بزرگ اے۔ اوہ ساریاں قوماں اُتے بُلند اے۔ ³ ۳۔ اوہ تیرے بزرگ ناں تے مہیب دی ستائش کرن۔ اوہ قدوس اے ⁴ ۴۔ جنہوں انصاف پیارا اے اوہ قوت نال سلطنت کردا اے۔ تُوں انصاف دِیاں گَلاں قائم کیتیاں نیں۔ تُوں یعقوبؔ وچ نیاں تے انصاف نُوں انجام دیندا ایں ۔ ⁵ ۵۔ رَب ساڈے خُدا دی تمجید کرو۔ اوہ قدوس اے۔ ⁶ ۶۔ موسیٰ تے ہارونؔ اوہدے کاہناں وچوں نیں ۔ تے سیموئیل ؔ اوہناں وچوں اے جیہڑے اوہدے ناں نُوں پُکار دے سَن۔ اوہ رَب نُوں بُلاندے سَن تےایہہ اوہناں دی سُن لیندا سی۔ ⁷ ۷۔ اوہ بدل دے تھم وچوں اوہناں نال کلام کر دا سی ۔ اوہ اوہدیاں گواہیاں سُن دے سَن۔ ⁸ ۸۔ تے اوہ قانوُن وی جیہڑے اوس نیں اوہناں نُوں دِتے سَن۔ یا رَب تُوں اوہناں لئی غیرت والا سی ۔ حالاں کے تُوں اوہناں دے کماں دا بدلہ دین والا سی۔ ⁹ ۹۔ رَب ساڈے خُدا دی تمجید کرو ۔ تےا وہدے مُقدس پہاڑ اُتے سجدہ کرو ۔ کیوں جو رَب ساڈا خُدا قدوس اے۔