¹ ۱۔ رَب لئی اِک نَوواںگیت گاؤ۔ اے کُل دیسو رَب لئی گاؤ۔ ² ۲۔ رَب لئی گاؤ۔اوہدے ناں نُوں دَھن آکھو۔ آئے دِن اوہدی نجات دی خوشخبری دو۔ ³ ۳۔ قوماں وچ اوہدے جلال دا۔ تے سب اُمتاںوچ اوہدے عجائبا ں دی گَل کرو۔ ⁴ ۴۔ کیوں جو رَب بزرگ اے ۔تے ستائش دے لائق اے۔ اوہ ساریاں قوماں دی نسبت بوہتا مُہیب اے۔ ⁵ ۵۔ کیوں جو قوماں دے کُل معبود نفر ت دے قابل نیں ۔ پر رَب نیں اَسماناں نُوں بنایا ۔ ⁶ ۶۔ کیوں جو بزرگی تے دبدبہ اوہدے حضُور نیں ۔ قدرت تے جما ل اوہدے مُقدس وچ نیں ۔ ⁷ ۷۔ اے قوماں دے ٹبرو! رَب تَوں ۔ بزرگی تےقوت نُوں رَب دے نال ای جوڑو ۔ ⁸ ۸۔ رَب نال اوہدے ناں دی شان دا تعلق جوڑو۔ ہدیہ لیاؤ تے اوہدی بارگاہواں وچ آؤ۔ ⁹ ۹۔ پاک بناؤسنگار نال رَب نُوں سجدہ کرو۔ اے ساری دھرتی اوہدے حضُور کنبھ دی رہ۔ ¹⁰ ۱۰۔ قوماں وچ مُنادی کرو پئی رَب سلطنت کر دا اے۔ اوہنے جہان وائم کیتا اے پئی اوہ جُنبش نہ کھاوے۔ اوہ اُمتاں دا راستی نال نیاں کر دا اے۔ ¹¹ ۱۱۔ اَسمان خوش ہون تے دھرتی خوشی مناوے ۔ سمندر تے اوہدی معموری شور مچائے ۔ ¹² ۱۲۔ میدا ن تے جو کجھ اوہدے وچ اے خوشی کرے ۔ سَگوں جنگل دے سارے رُکھ خوش ہون ۔ ¹³ ۱۳۔ رَب دے حضُور کیوں جو اوہ آرہیا اے۔ اوہ آرہیا اےتاں جو دنیا دی عدالت کرے۔ اوہ نیاں نال دھرتی دی ۔ تے سچائی نال قوماں دی عدالت کرے گا ۔