مَسکیِل۔ایتان ؔ وؒوں۔راحیؔ وَلوں۔ ¹ ۱۔ میں رَب دِیاں رحمتاں داگیت ہمیشاں تیک گاؤندا رہواں گا۔ میں پیڑھیوں پیڑھی اپنے مونہہ تَوں تیر ی وفا دَس دا رہواں گا۔ ² ۲۔ کیوں جو تُوں آکھیا اے" رحمت ہمیشاں تیک قائم اے۔" تُوں اَسمان اُتے اپنی وفا نُوں نُوں مضبوط کیتا اے ۔ ³ ۳۔ " میں اپنے چُنے ہوئے نال قول بنیا اے ۔ میں اپنے بندے داؤد نال سَوں کھادی اے۔ ⁴ ۴۔ پئی میں تیری پیڑھی نُوں ہمیشاں پئی مضبوظ کراں گا۔ تے پیڑھیوں پیڑھی تیرا تخت قائم رکھا ں گا ۔"(سلاہ ⁵ ۵۔ یا رَبا اَسمان مُقدساں دی جماعت وِچ۔ تیرے معجزیاں تے تیری وفا دی وڈیائی کردے نیں ۔ ⁶ ۶۔ کیوں جو مُقدساں وِچ کون رَب دے برابراے۔ تے رَب دے پُتراں وچوں کون خُداوند وانگ اے۔ ⁷ ۷۔ رَب مُقدساں دی محفل وچ ڈرؤنا اے۔ اوہناں ساریاں دی نسبت جیہڑے اوہدے آسے پاسے نیں اوہ بزُرگ تے مُہیب اے ۔ ⁸ ۸۔ یارَبا لشکراں د ے رَب تیرے وَرگا کون اے۔ یارَب تُوں قدرت والا ایں تے تیری وفاداری تیرے آسے پاسے وے۔ ⁹ ۹۔ تُوں سمندر دے سیلاب اُتے حکم کر ناں ایں۔ اوہدیاں چَھلاں نُوں تُوں روک دیناں ایں۔ ¹⁰ ۱۰۔ تُوں رہبؔ تُوں چھیل کے چور کر دِتا اے۔ تے اپنے قدرت والے ہتھاں نال اپنے ویریاں نُوں پریشان کر دِتا اے۔ ¹¹ ۱۱۔ اَسمان تیرےای نیں تے دھرتی وی تیری اے۔ تُوں دھرتی دی اوہدی آبادی سنھے نیہہ رکھی اے ۔ ¹² ۱۲۔ تُوں شمال تے جنوب نُوں پیدا کیتا ۔ تابورؔ تے حرمون ؔ تیرے ناں دے سببوں خوشی مناؤندے نیں ۔ ¹³ ۱۳۔ تیری بانہہ زور والی اے۔ تیرا ہتھ مضبوط تیرا سجا ہتھ اُچا اے۔ ¹⁴ ۱۴۔ نیاں تے انصاف تیرے تخت دا قیام نیں ۔ شفقت تے سچائی تیرے اَگے اَگےچلدیاں نیں۔ ¹⁵ ۱۵۔ مبارک اے اوہ اُمت جیہڑی خوشی دے نعرے نُوں جاندی اے۔ یا رَبا تیرے مُکھ دے نُور وچ چلدے پھیر دے نیں ۔ ¹⁶ ۱۶۔ اوہ تیرے ناں دے سبب سارا دِن خوشی مناؤندے نیں ۔ تے اوہ تیری سچیائی نال سرفرازی پاؤندے نیں ۔ ¹⁷ ۱۷۔ کیوں جو تُوں اوہناں دی طاقت دا فخر ایں ۔ تے تیرے کرم نال ساڈا سِینگ اُچا ہوندا اے۔ ¹⁸ ۱۸۔ کیوں جو رَب ساڈی ڈھا ل اے۔ تے اسرائیل ؔ دا قُدوس ساڈا بادشاہ اے۔ ¹⁹ ۱۹۔ تُوں کِسے ویلے رُؤیا وچ ۔ اپنے چُنیاں نال کلام کیتا تےآکھیا ۔ " میں طاقتور نُوں تاج دِتا اے۔ تے اُمت وچوں اِک چُنے ہوئے نُوں اُچا کیتا اے۔ ²⁰ ۲۰۔ میں اپنے بندے داؤد نُوں پایا اے۔ میں اوہنوں اپنے پاک تیل نال مسح کیتا اے۔ ²¹ ۲۱۔ تاں جو میرا ہتھ ہمیشاں اوہدے نال رہوے۔ تے میری بانہہ اوہنوں پکا کر دے ۔ ²² ۲۲۔ کوئی ویر ی اوہنوں دھوکھا نہ دےگا ۔ کوئی شریر اوہنوں نُقصان نہ پہنچائےگا ۔ ²³ ۲۳۔ پر میں اوہدے اَگے اوہدے ویریاں نُوں ٹُکرے ٹُکڑے کر دواں گا۔ تے اوہدے حسد رکھن والیاں نُوں ماراں گا ۔ ²⁴ ۲۴۔ میری وفا داری تے رحمت اوہدے نال ہووے گی ۔ تے میرے ناں دے سببوں اوہدا سِین اُچا ہووے گا ۔ ²⁵ ۲۵۔ میں اوہدا ہَتھ سمندر تیک ودھاواں گا ۔ تے اوہدا سَجا ہتھ دریاواں تیک۔ ²⁶ ۲۶۔ اوہ مینوں بُلائے گا پئی تُوں میرا پیو ایں۔ میرا رَب میری نجات دی چٹان اے۔ ²⁷ ۲۷۔ تے میں اوہنوں پلیٹھی دا بناواں گا ۔ دھرتی دے بادشاہواں وچ سب تَوں اعلیٰ ۔ ²⁸ ۲۸۔ میں اوہدے لئی ہمیشاں اپنی رحمت قائم رکھا گا ۔ تے میرا عہد اوہدے لئی مضبوط رہوے گا ۔ ²⁹ ۲۹۔ میں اوہدی نسل سدا لئی بناواں گا ۔ تے اوہدا تخت اِسمان دے دِن وانگ ۔ ³⁰ ۳۰۔ جے اوہدے پُتر میری شریعت نُوں بھُل جان۔ تے میرے فرماناںدے مطابق ناں چلن۔ ³¹ ۳۱۔ جے اوہ میرے قانوناں نُوں منن تَوںمُنہ پھیرن۔ تے میرے حکماں تے عمل ناں کرن۔ ³² ۳۲۔ تے میں اوہناں دے جُرم دی سزا سَوتی نال۔ تے اوہناںدیاں خطاواں سزا کوڑیاں نال دیواں گا۔ ³³ ۳۳۔ پر میں اپنی رحمت اوہدے تَوں قطع نہ کراں گا۔ تے نہ اپنی وفاداری نُوں دور ہون دواں گا ۔ ³⁴ ۳۴۔ میں اپنے عہد نُوں نئیں توڑا گا ۔ تے نہ اپنے مونہہ دا آکھا بدلاں گا۔ ³⁵ ۳۵۔ میں اِک واری اپنی قدوسیت دی سَوں کھادی اے ۔ پئی میں داؤد تَوں اُکا جھوٹ نئیں بولاں گا ۔ ³⁶ ۳۶۔ اوہدی پیڑھی ہمیشاں تیک قائم رہوے گی ۔ تے اوہدا تخت میرے حضُور سورج وانگ ہووے گا ۔ ³⁷ ۳۷۔ تے چَن وانگ جیہڑا ہمیشاں تیک مضبوط۔ تے ہوا وچ سچا گواہ اے۔(سلاۃ) ³⁸ ۳۸۔ پَر تُوں رد کر دِتا اے تے حقیر جانیا اے۔ تے اپنے ممسُوح تے بھڑکیا اے۔ ³⁹ ۳۹۔ تُوں اپنے بندے نُوں عہد تَوں ہٹا دِتا اے۔ تُوں اوہدا تاج مِٹی وچ ملا دِتا اے۔ ⁴⁰ ۴۰۔ تُوں اوہدیاں ساریاں کندھاں ڈھا دِتیاں نیں۔ تُوں اوہدے قعلیاں نُوں اُجار دِتا اے۔ ⁴¹ ۴۱۔ سارے لنگھن والیاں نیں اوہنوں لُٹ لیا اے۔ اوہ اپنے گواہنڈیاں لئی نفرتی بنیا اے۔ ⁴² ۴۲۔ تُوں اوہدے مخالفاں دا سَجاہتھ اُچاکیتا اے۔ تُوں اوہدے سارے ویریاں نُوں خوش کیتا اے ۔ ⁴³ ۴۳۔ تُوں اوہدی تلواردی دھار نُوں موڑ دِتا اے۔ تے جنگ وچ اوہدی مدد کیتی نئیں کیتی۔ ⁴⁴ ۴۴۔ تُوں اوہدے حُسن نُوں اُڈا دِتا اے۔ تے اوہدے تخت نُوں مِٹی وچ سُٹ دِتا اے۔ ⁴⁵ ۴۵۔ تُوں اوہدی جوانی دے دِناں نُوں گھٹا دِتا اے۔تُوں اوہنوں بے عزتی نال ڈھک دِتا اے۔(سلاہ)۔ ⁴⁶ ۴۶۔ یا رَبا کدوں تیک ۔کیہ تُوں ہمیشاں تیک لُکیا رہویں گا؟ کیہ تیرا غضب اَگ وانگ بھڑک دا رہوےگا؟ ⁴⁷ ۴۷۔ یاد رکھ پئی میری حیاتی کینی تھوڑی اے۔ تے پئی بنی آدم نُوں کِینا ں نارک بنایااے۔ ⁴⁸ ۴۸۔ اوہ کیہڑا انسان جیوندا اےجیہڑا موت نئیں چکھے گا۔ یا ں جیہڑا پاتال دے قابُوتَوں اپنی روح نُوں بچا لے گا؟(سلاہ) ⁴⁹ ۴۹۔ یا رَب تیری اوہ پہلے جیہاں رحمتاں کیتھے نیں ؟ جنہاں بارے تُوں داؤد نال اپنی وفا دی سَوں کھا دی اے؟ ⁵⁰ ۵۰۔ یا رَب اپنے بندیاں دی شرمندگی نُوں یاد کر۔ میں قوماں دیاں اوہناں ساریاں دُشمنیاں نُوں اپنے سینے وچ رکھناںواں۔ ⁵¹ ۵۱۔ جنہاں تَوں یا رَب تیرے مخالف بُرا بھلا آکھدے نیں ۔ جنہاں تَوں تیرے ممسُوح دے پیراں نُوں دُھتکار دے نیں ۔ ⁵² ۵۲۔ رَب ہمیشاں تیک دھن ہووے ! آمین ثُم آمین۔