میر مُغنی لئی گنیت دت سُر تے بنی قورح دا مزمور۔ ¹ ۱۔ اے فوجاں دے رَب ۔تیرے گھر کیہ خوبصورت نیں ۔ ² ۲۔ میری جان خداوند دیاں بارگاہواں لئی خواہش مندا اےسگوں نرم تےحلیم ہو جاندی اے ۔میرا دل تے میرا جسم زندہ خدا دے شوق لئی رَولا پاؤندے نیں ۔ ³ ۳۔ چِڑی نُوں وی رہن دی تھاں ملدی اے ۔تے ابا بیل نُوں آہلینا جتھے اوہ اپنیاں بچیاں نُوں رکھے ۔یعنی تیری قربانی چڑھان دیاں تھاواں کول اے فوجاں دے رَب ۔اے میرے بادشاہ اے میرے خداوند ۔ ⁴ ۴۔ اے خداوند تے مبارک نیں جیہڑے تیرے گھر وچ رہندے نیں اوہ تے ہمیشاں تیری تعریف کر دے نیں ۔(سلاہ) ⁵ ۵۔ مبارک اے اوہ بندہ جہدی طاقت تیرے تَوں اے۔جدوں اوہدے دِل وچ خُدا دے گھر نُوں ویکھن دا خیال اے۔ ⁶ ۶۔ اوہ سُکی وادی تَوں لنگھ دے ہوئے اوتھے سوتا بنا لیندے نیں ۔تے پہلی بارش اوہنوں برکتاں نال بھر دیندی اے ۔ ⁷ ۷۔ اوہ طاقت تے طاقت پاؤندے جان گے اوہ صیہونؔ وچ وچ خداوادے خُدا نُوں ویکھن گے۔ ⁸ ۸۔ اے فوجاں دے رَب میری دُعا سُن ۔اے یعقوب ؔ دے خُدا کن لگا ۔(سلاہ ) ⁹ ۹۔ اے خُدا ادے ڈھال نُوں ویکھ ۔تے اپنے ممسوح دی شکل نُوں ویکھ۔ ¹⁰ ۱۰۔ پَک تیری بارگاہواں وچ اِک وَن کسے ہور تھاں کالوں ہزارورھیاں تَوں بہتر اے ۔شریراں تے تنبواں وچ رہن نالوں اپنے خُدا دے گھر دیاں بھروواں تے کھلونا مینوں زیادہ چنگا لگدا اے ۔ ¹¹ ۱۱۔ تاں جو خُداوند خُدا سورج تے ڈھال اے ۔خُداوند فضل تے چانن بخشن والا اے ۔اوہ اوہناں تَوں چنگی شے دور نئیں کر دا ۔جیہڑی اوہناں نُوں نہ دیوے ۔جیہڑے دل وی پاکیزگی نال ٹُر دے نیں۔ ¹² ۱۲۔ اے فوجاں دے رَب مبارک اوہ بندہ اے ۔جیہڑا تیرے تے بھروسہ کر دا اے۔