گیت ۔آصف دا مزمور ۔ ¹ ۱۔ اے خُداوند چپیتا نہ رہ ۔اے خُداوند چُپ نہ رہ۔ہِل جُل ۔ ² ۲۔ کیوں جو تیرے دُشمن رَولا پاؤندے نیں ۔تے تیرے تَوں نفرت رکھدے نیں اوہ سِر چُکد ے نیں۔ ³ ۳۔ اوہ تیری قوم دے خلاف دھوکے نال منصوبے ب ن دے نےں۔تے تیرے بچیاں ہویاں دے خلاف صلاح کر دے نیں ۔ ⁴ ۴۔ ماوہ آکھدے نیں ۔آؤ اسیں ایہناں نُوں نذر کرئیے ۔تاں جو ایہہ قوم نہ رہن ۔تے اوہدے علاوہ اسرائیلؔ دا وی ناں نشان نہ رہوے ۔ ⁵ ۵۔ ہاں ااوہ اِک دل ہو کے صلاح کر دے نے۔تے تیرے خلاف عہد بن دے نیں۔ ⁶ ۶۔ ادوم ؔ دے تنبو تے اسماعیلی ؔ موآبؔ دے تنبو تے ہاجری۔ ؔ ⁷ ۷۔ جبلؔ تے عمن ؔ تے عمالیقؔ فلسطینؔ تے سورؔ دے رہن والے ۔ ⁸ ۸۔ سگوں اسوریؔ وی اوہناں نال مِل گئے ۔ایہہ لوطؔ دی اولاد دی بانہہ بنے ہوئے نیں۔(سلاہ) ⁹ ۹۔ تُوں اوہناں نال اینج دا ای ورتاؤ کر جیہڑا جدیاںؔ نال کتیا سی ۔یاں سیرا ؔ یا ںوادیِ قیسونؔ یاں یابینؔ نال۔ ¹⁰ ۱۰۔ جیہرے عینؔ دور دے نیڑے مر گئے ۔تے دھرتی لئی ملڑ بن گئے۔ ¹¹ ۱۱۔ اوہناں دے امیراں نُوں عوریبؔ تے ریبؔ وانگر بناوے اوہناں دےسارے امیراں زبحؔتے ضلمنعؔ دے وانگر بناوے۔ ¹² ۱۲۔ جنہاں آکھیا سی پئی آؤاسی خدا دے گھرا ں تے قبضہ کرلئے ۔ ¹³ ۱۳۔ اے میرے خُدا اوہناں نُوں واورولے وچ پتراں وانگ کر۔تےہوا دے سارے بھُوسے وانگ۔ ¹⁴ ۱۴۔ جس طراں اَگ جنگل نُوں ساڑ دی اے ۔تے جس طراں چنگیاڑہ پہاڑاں نُوں ساڑ دیندا اے ۔ ¹⁵ ۱۵۔ اوسے طراں تُوں طوفان نال اوہاں دا پیچھا کر۔تے اپنی گرم ہوا نال اوہناں نُوں پریشا ن کر۔ ¹⁶ ۱۶۔ اوہناں دیاں شکلاں نُوں شرمندگی نال بھر دے ۔تاں جو اے خُداوند تیرے ناں دے چاہن والے بن جان ۔ ¹⁷ ۱۷۔ اوہ ہمیشاں لئی شرمندہ تے پریشان ہون ۔اوہ بیعزت ہون تے تباہ تے برباد ہو جان ۔ ¹⁸ ۱۸۔ اوہ جا ننن پئی تُوں ہی ایں جہدا ناں یہواہؔ اے کُل دھرتی تَوں اُچا ایں