¹ ۱۔ (آصف دا مزمور )خُدا دی جماعت وچ خُدا کھلوتا ہُندا اے۔تے خُدا واں دے وچکار اوہ نیاں کر دا اے۔ ² ۲۔ تُسی کدؤں تیک بے نیائی نال انصاف کرو گے ۔تے شریراں دی حمیت کرو گے ۔(سلاہ) ³ ۳۔ غریب تے یتیم دا نیاں کرو۔غریب تے کنگال دا نیاں کرو۔ ⁴ ۴۔ غریب تے متھاج نُوں ریائی دیو۔شریراں دے ہتھوں اوہنوں چھڈاؤ۔ ⁵ ۵۔ اوہ نئیں جاندے تے نئیں سمجھدے ۔اوہ ہنیرے وچ ٹُر دے نیں۔دھرتی دیاں ساریاں نیہیاں ہِلدیاں نیں ۔ ⁶ ۶۔ میں کیہ پئی تُسی خُدا او۔تُسی سارے حق تعالیٰ دے پُتر او۔ ⁷ ۷۔ تے فیر وی تُسی بندیاں وانگ مرو گے ۔تے سرداراں وچوں کسے اِک وانگر ڈگ پوؤ گے ۔ ⁸ ۸۔ اے خُدا اُٹھ تے دھرتی دا نیاں کر ۔کیوں جو تُؤں ای ساریاں قوماں دامالک ایں ۔