(میر مُغنی لئی بطرز"جتُوت " از آسافؔ) ¹ ۱۔ ساڈے مدد کرن والے رَب لئی خوشی نال گاؤ۔ یعقوبؔ دے رَب لئی للکارو۔ ² ۲۔ سِتار دے نال گاؤ ۔تے خنجریاں ٹنکاؤ۔ خوش آواز بربط تے سارنگی وجاؤ۔ ³ ۳۔ نَویں چَن دے ویلے تُرہی پھُونکو۔ تے پُورے چَن یعنی ساڈی عید دے ویلے وی۔ ⁴ ۴۔ کیوں جو اے اسرائیل دی رسم۔ تے یعقوبؔ دے خُدا دا فرمان اے۔ ⁵ ۵۔ اوہنے اوہنوں یُوسف ؔ وچ گواہ مِتھیا۔ جدوںاوہ دیس مِصر ؔ وچوں نکلیا ۔ میں اِک اجیہی زبان سُنی جنہوں میں نئیں جاندا سی ۔ ⁶ ۶۔ میں اوہدے موہڈیاں تَوں بھار ہٹا دِتا ۔ اوہدے ہتھ ٹوکرے وچوں چھُٹ گئے ۔ ⁷ ۷۔ مُصیبت دے ویلے تُوں بُلایا تے میں چُھڈایا۔ میں گجدے بدلاں وچوں تینوں جواب دِتا ۔ میں تینوں مریبہؔ دے چشمیاں وچوں تینوں اَزمایا۔(سلاہ) ⁸ ۸۔ اے میری اُمت سُن میں تینوں صلاح دیاں گا ۔ اے اسرائیلؔ کاش!تُوں میری سُنیں ۔ ⁹ ۹۔ تیرے وچکار کوئی دوجا معبود نئیں ہووگا ۔ تُوں کِسے اوپرے معبود دی پوجا نئیں کریں گا ۔ ¹⁰ ۱۰۔ میں ای رَب تیرا خُدا واں ۔ جیہڑا تینوں مِصر دے دیس وچوں کڈھ لیایا۔ اپنا مُونہہ چنگا کھول تے میں اوہوں بھر دواں گا ۔ ¹¹ ۱۱۔ پر میری اُمت نیں میری ناں سُنی ۔ تے اسرائیل نیں میری پیروی نہ کیتی۔ ¹² ۱۲۔ ایس لئی میں اوہناں نُوں اوہناں دی سخت دلی دے حوالے کیتا ۔ اوہ اپنیاں ای صلاحواں اُتے چلن۔ ¹³ ۱۳۔ کاش! میری اُمت میری سُن دی۔ تے اسرائیل ؔ میریاں راہواں اُتے چلدا ۔ ¹⁴ ۱۴۔ تے میں اوسے ویلے اوہدے ویریاں اُتے غالب آؤندا ۔ تے اوہناں دے ویریاں اُتے اپنا ہتھ چلاؤندا ۔ ¹⁵ ۱۵۔ رَب نال نفرت کرن والے اوہدی خوشامد کر دے۔ پر اوہناں دا بخرہ ہمشہ لئی قائم اے۔ ¹⁶ ۱۶۔ تے میں اوہنوں گہیوں دا میدہ کھواندا ۔ تے چٹان دے شہد نال اوہنوں رجھاؤندا۔