میر مُغنی لئی شوشنیم عیدوت تے سُرتے آسف دا مزمُور ¹ ۱۔ اے اسرائیل دے ایالی ۔تُوں جیہڑا جھُنڈ وانگر لے کے چلنا ایں۔ سُن لے تُوں جیہڑا فرشُتیاں تے تخت لا کے بہناں ایں ۔ ² ۲۔ افرائیم تے بینمین تے منّسی دے اَگے ظاہر ہو۔ اپنی طاقت نُوں جگا تے سانوں چھُڈا ن لئی آ ۔ ³ ۳۔ اے خُدا وند سانوں بحال کر۔ تے اپنے چہرے دا نور ساڈے تے چمکا تاں جو اسی بچ جائیے ⁴ ۴۔ اے لشکراں دے خُدا توں کد تیک اپنی قوم دی دُعا توں رُسیا رہواں گا ۔ ⁵ ۵۔ تُوں اوناں نوں اتھرُواں دی روٹی کھوائی اے ۔تے پیمانہ بھر اوناں اُتھرو پیاۓ نے ۔ ⁶ ۶۔ توں ساڈے گواہنڈیاں لئی بھڑن دا سبب بنیا ایں تے ساڈے دشمن ساڈے تے ہسدے نے ⁷ ۷۔ اے لشکراں دے خدا۔سانوں بحال کر تے اپنے چہرے دا نور چمکا تاں جو اسی بچیے ۔ ⁸ ۸۔ توں مصر وچوں اک انگور دا درخت لیایا ۔توں غیرقوماں نوں اکھیڑ کے تے اونوں لگایا ⁹ ۹۔ توں اوہدے لئی تھاں تیار کیتی تے اونے جڑ پھڑ کے دبا دتا ۔ ¹⁰ ۱۰۔ وہدے پرچھاویں نال پہاڑ تے اوہدیاں ٹہنیاں توں خُدا دے دیودار کمن گے ۔ ¹¹ ۱۱۔ اونے اپنیاں ٹہنیاں نوں سمندر تیک ۔تے اپنیاں ٹہنیاں نوں دریا تیک کھلاریا ۔ ¹² ۱۲۔ توں کیوں اوہدیاں واڑاں نوں توڑ دتا ۔تاں جو سب راہی اوہدے انگور توڑن ۔ ¹³ ۱۳۔ جنگل دے سوُر اوہنوں برباد کرن۔ ے وحشی چُگن والے ا وہنوں کھا جان گے ۔ ¹⁴ ۱۴۔ اے لشکراں دے خُدا پیشاں مُڑ جا۔ اَسمان توں نظر کرکے ویکھ تے اوس انگور دے درخت دی سُو لے لے ۔ ¹⁵ ۱۵۔ تے جہنوں تیرے سجے ہتھ نےلگایا اے جسں ٹہنی نوں اپنے لئی پکیاں کیتا توں اوہدی رکھوالی کر ۔ ¹⁶ ۱۶۔ جہناں اونوں اَگ نال ساڑیا تے وڈھ سٹیا ۔اوہ تیرے چہرے دے نور نال مر جان ۔ ¹⁷ ۱۷۔ تیرا ہتھ تیرے سجے پاسے دے بندے نال ہووے یعنی اوس بندے تے جہنوں توں اپنے لئی پکیاں کیتا ۔ ¹⁸ ۱۸۔ فیر اسی تیتھوں دور ناں ہوواں گے توں سانوں جیوندیاں بچائی رکھ ۔تے اسی تیرا ناں لَواں کراں گے ۔ ¹⁹ ۱۹۔ ۔اے خدا وند لشکراں دے سانوں بحال کر۔تے اپنے چہرے دا چانن کر تاں جو اسی بچ جایئے۔