¹ ۱۔ آسفؔ دا مزمُور ۔ اے خُدا غیر قوماں تیری میراث وِچ وڑھ گئیاں ہین۔ اوہناں تیری پاک ہیکل نُوں گندیاں کر دِتااے ۔ اوہناں یروشلیمؔ نُوں کھنڈر بنا دِتا اے ۔ ² ۲۔ اوہناں تیرے بندیاں دیاں لاشاں نُوں آسمان دے پنچھیاں تے تیرے پاک لوکاں دے گوشت نُوں دھرتی تے پاڑن والیاں دی خوراک بنا دِتا اے ۔ ³ ۳۔ اوہناں نے اوہناں دا لہوُ یروشلیمؔ دے دوالے ایس طراں جیویں پانی وگا دِتا اے ۔ تے کوئی نئیں لبھا جیہڑا اوہنا ں نُوں دفن کرے ۔ ⁴ ۴۔ اسیں اپنے گوانڈیاں دے نیڑے مثال وانگر تے اپنے دوُر نیڑے دے جگ نیڑے ہاسے تے مذاخ بن گئے ہاں ۔ ⁵ ۵۔ کدوں تیِک اے خُداوند ۔ کیہ تُوں سدا تیِک رُسیا رہویں گا ۔ کیہ تیری غیرت اَگ وانگر بھڑکدی رہوے گی ۔ ⁶ ۶۔ اپنا قہر اوہناں قوماں تے لُد دے جیہڑیاں تینوں نئیں پیشان دیاں تے اوہناں دیساں تے جیہڑا تیرا ناں نئیں لیندے ۔ ⁷ ۷۔ کیوں جو اوہناں یعقوبؔ نال کھلیا اے ۔ تے اوہدے غریب نُوں اُجاڑ دِتا اے ۔ ⁸ ۸۔ پاک لوکاں دے پاپ ساڈے بر خلاگف یاد ناں کر ۔ تیری رحمت چھیتی ساڈے تیِک اَپڑے ۔ کیوں جو اسیں تے بوہت ای ذلیل ہو گئے ہاں ۔ تے اپنے ناں دی خاطر ساہنوں چھُڈا ۔ تے ساڈے پاپاں نُوں معاف کر دے ۔ ⁹ ۹۔ اے ساڈے چھڈان والے خُدا ۔ اپنے ناں دے جلال لئی ساڈی مدد کر تے اَپنے ناں دی خاطر ساہنوں چھُڈا ۔ تے ساڈے پاپاں نُوں مُعاف کر دے ۔ ¹⁰ ۱۰۔ غیر قوماں کِس طراں آکھن ۔ پئےی ایہناں دا خُدا کِتھے وے ۔ تیرے بندیاں وگائے ہوئے لہو دا بدلہ ساڈیاں اَکھاں دے اَگے غیر قوماں تے ظاہر ہو جاوے ۔ ¹¹ ۱۱۔ قیدیاں دا رونا تیرے حضوُر تیِک پُہنچے ۔ ۔ اپنی بانہہ دے زور نال مرن والیاں نُوں بچا لے ۔ ^{12 13} ۱۰۔ غیر قوماں کِس طراں آکھن ۔ پئےی ایہناں دا خُدا کِتھے وے ۔ تیرے بندیاں وگائے ہوئے لہو دا بدلہ ساڈیاں اَکھاں دے اَگے غیر قوماں تے ظاہر ہو جاوے ۔ ۱۱۔ قیدیاں دا رونا تیرے حضوُر تیِک پُہنچے ۔ ۔ اپنی بانہہ دے زور نال مرن والیاں نُوں بچا لے ۔