1
۱۔ آصف دا مشکیل ۔اے میری قوم میری تعلیم نُوں سُن ۔ میرے مونہہ دیاں گلاں تے اپنے کن لگاؤ۔
2
۲۔ میں تمژیل لئی اپنا مونہہ کھولاں گا ۔تے پرانے دور دے عجیب کم بیاں کراں گا ۔
3
۳۔ جو کُجھ تُساں سُنیاں تے جان لیا ۔جو کُکجھ ساڈے پیو دادیاں نے سانوں دسیا۔
4
۴۔ تے اسیں ایناں نُوں اوہناں اولاد تَوں لُکا کے نہ رکھاں گے ۔سگوں اسیں اگلی پیڑھی نُوں وی خُداوند دی تریف تے اوہدی قدرت تے اوہدے عجیب کم جیہرے اوہنے کیتے دساں گے۔
5
۵۔ کیوں جو اوہنے یعقوبؔوچ اِک شہادت کھڑی کیتی تے اسرائیل ؔوچ شریعت مِتھی ۔تے جو کجھ اوہنے ساڈے پیو دادے نُوں حکم دِتا ۔اوہ اپنی اولاد نُوں اُرے تَوں آکھن کرن۔
6
۶۔ کیوں جو آؤن والی پیڑھی تے جمن والی اولاد جان لَوے تے پئی اولاد اُٹھ کے اپنی اولاد نُوں دسن۔
7
۷۔ تے خُدا تے اپنا بھروسہ رکھن تے خُدا دے کماں نُوں نہ بھُلن ۔سگوں اوہدے حکماں تے عمل کرن ۔
8
۸۔ تے اپنے پیو دادا وانگر سر کش تے ضدی نہ بنن ۔یعنی اِک اینج دی پیڑھی جہدا نہ تے دل چنگا رہیا تے نہ روح وی خدا دے وفادار رئی۔
9
۹۔ بنی افرائیم ؔ کما تَوں اسلحہ لگے بہادر لڑائی دے دیہاڑے مارے گئے ۔
10
۱۰۔ اوہناں نے خُدا دے عہد تے عمل نہ کیتا تے اوہدی شریعت ٹُرن تَوں انکار کیتا۔
11
۱۱۔ تے اوہ اوہدے کماں نُوں تے اوہدے عجیب کماں نُوں بھُل گیئ جیہڑے اوہنے ایناں نُوں وکھائے نیں ۔
12
۱۲۔ اوہنے مصرؔ دے دیس وچ ضُعن ؔ دے میدان وچ اوہناں دے پیو دادے دے اَگے معجزے کیتے ۔
13
۱۳۔ سمندر نُوں چیر کے اوہناں نُوں پار لے گیا ۔تے پانی نُوں ٹِبے وانگر کھلار دِتا ۔
14
۱۴۔ اوہنے دیہاڑے وچ بدل نال اوہناں دی رہنمائی کیتی ۔تے ساری رات اَگدی لَو نال ۔
15
۱۵۔ اوہنے اُجاڑ وچ چٹاناں نُوں چیریا تے اوہناں نُوں سمندر وچوں ودھیرا پانی پیایا۔
16
۱۶۔ اوہنے چٹاناں وچوں ندیاں وگائیاں تے دریاواں وانگر پانی وگایا۔
17
۱۷۔ فیر وی اوہ اوہدے بدلےگناہ کر دے رہے تے اُجاڑ وچ حق تعالیٰ تَوں بغاوت کیتی۔
18
۱۸۔ تے اوہناں نے اپنے دل وچ خدا نُوں آزمایا تےاپنی منشا دے حساب نال کھاؤن نُوں منگیا۔
19
۱۹۔ سگوں اوہ خُدا دے خلاف کفر بکن لگے تے آکھیا پئی کیہ خدا اُجاڑ وچ دسترخوان وچھا سکدا اے؟
20
۲۰۔ ویکھو ! اوہنے چٹان نُوں ماریا تے پانی پھُٹ نکلیا ۔تے نہراں جاری ہو گئیاں کیہ اوہ روٹی وی دے سکے گا ۔یا اپنی قوم لئی گوشت گھل دے گا۔
21
۲۱۔ سو خداوند سُن کے قہر نال بھڑکیا ۔تے یعقوبؔ دے بر خلاف اَگ بھڑک اُٹھی تے اسرائیل تے غضب ٹُٹ پیا ۔
22
۲۲۔ کیوں جو خداوند تے ایمان نہ لیائے ۔تے اوہناں اوہدے چھٹکارے تے یقین نہ کیتا۔
23
۲۳۔ تے اوہنے بدلاں نُوں حکم دے دِتا ۔تے اَسمان دے بوہے کھول دِتے ۔
24
۲۴۔ تے کھان لئی اوہناں تے من وسایا تے اوہناں نُوں اَسمانی خوراک دِتی ۔
25
۲۵۔ بندے نے فرشتیاں دی روٹی کھاہدی ۔تے اوہنے خوراک گھل کے اوہناں نُوں رجایا ۔
26
۲۶۔ اوہنے اَسمان تَوں ہوا چلائی تے اپنی طاقت نال دکھنی ہوا چلائی ۔
27
۲۷۔ تے اوہنے لوکاں تے دھوڑ وانگر گوشت تے سمندر دی ریت وانگر پنچھی وسائے ۔
28
۲۸۔ تے ایہہ اوہناں دی لشکر گاہ دے وچکار تے اوہناں دے تنبواں دےآلے دوالے ڈِگ پئے۔
29
۲۹۔ سوا وہ کھاکے رجے ۔تے اوہنے اوہناں دی منشا پُری کیتی۔
30
۳۰۔ پر اوہ اپنی منشا تَوں فیر وی نہ مُڑے ۔تے اوہناں دی روٹی اوہناں دے مونہہ وچ ہی سی۔
31
۳۱۔ پئی خدا دا قہر اوہناں تے ٹُٹ پیا تے اوہنے اوہناں دے موٹے تازہ بندے قتل کیتے تے اسرائیل ؔ گھبروآں نُوں مار سُٹیا۔
32
۳۲۔ ایناں گلاں دے علاوہ اوہ پاپ کر دے ای رہے ۔تے اوہدے معجزیاں نوں ویکھ کے یقین نہ کیتا ۔
33
۳۳۔ ایس لئی اوہنے اوہناں دیاں دیہاڑیاں نُوں جھوٹ نال تے اوہناںدیاں وریاں نُوں خوف نال پوریاں کیتا۔
34
۳۴۔ جدؤں اوہ اوہناں نُوں قتل کر دا تے اوہ اوہدے چاہن والے ہوئے تے دھیان نال اوہنے بھدے سن۔
35
۳۵۔ تے اوہناں نُوں یاد آؤندا سی پئی خداوند ساڈی چٹان تے خدا تعالیٰ ساڈا چھٹکارا دین والا اے۔
36
۳۶۔ پر اوہ اپنے مونہہ نال اوہنوں دھو کا دیندے تے اپنی جیبھ تَوں اوہدے نال جھوٹ بولدے سن۔
37
۳۷۔ کیوں جو نہ تے اوہناں دا دل اوہدے نال چنگا رہیا ۔تے نہ اوہدے عہد دے وفادار نکلے۔
38
۳۸۔ تے اوہ رحم کر کے اوہناں دا پاپ بخشدا تے اوہناں نُوں نہ مار دا سگوں کئی وری اپنے قہر نُوں روک لیندا ۔تے اپنے پورے قہر نُوں بھڑکن نہ دیندا۔
39
۳۹۔ اوہنوں یا درکھد ا سی پئی ایہہ بندے نے ۔تے لگ جان والی ہاہ جیہڑی ہمیشاں نئیں مُڑ دی۔
40
۴۰۔ کِنی وری اوہناں نے اُجاڑ وچ اوہدے نال بغاوت کیتی ۔تے تھر وچ اوہنوں دُکھ کیتا ۔
41
۴۱۔ بار بار اوہناں خُدا نُوں آزمایا تے اسرائیل ؔ دے پاک نُوں دُکھی کیتا۔
42
۴۲۔ اوہناں اوہدے ہتھ نُوں یاد نہ رکھیا یعنی اوس دیہاڑے جدوں اوہنے اوہناں دے مخالف ہتھوں اوہناں نُوں چھڈیا۔
43
۴۳۔ جدوں اوہنے مصرؔ وچ اپنے عجیب کم تے ضعنؔ وچ عجیب کم وکھائے ۔
44
۴۴۔ تے اوہناںدے دریاواں تے اوہناں دیاں ندیاں نُوں لہو بنا سُٹیاتاں جو اوہ پی نہ سکن۔
45
۴۵۔ اوہنے اوہناں تے مکھیاں دے ایجڑ گھلے جیہڑے اوہناں نُوں کھا گئے ۔تے ڈڈو جنہاں اوہناں تَوںستایا۔
46
۴۶۔ اوہنے اوہناں دا حاصل کیڑیاں نُوں تے اوہناں دے محنت دا پھل ٹڈی نُوں دِتا ۔
47
۴۷۔ اوہنے اوہناںدیاں نسلاں نُوں چند رے نال تے اوہناںدے گولر دے رُکھاں نُوں پالے نال واریا۔
48
۴۸۔ اوہنے اوہناں دیاں گاواں تے ڈھگیاں نُوں چندرے دے تے اوہناں دیاں بھیڈبکریاں نُوں بجلی دے حوالے کیتا ۔
49
۴۹۔ اوہنے اپنا سخت غُصہ تے قہر تے غضب تے سزا یعنی مارن والے مُرشتیاں دی موج بھیجی ۔
50
۵۰۔ اوہنے اپنے قہر لئی رستہ بنایا ۔اوہنے اوہناں نُوںموت توں نہ بچایا تے اوہناں دے ڈنگر بیماری دے حوالے کیتے ۔
51
۵۱۔ تے اوہنے مصر ؔ دی پلیٹھی دیاں شادیاں نُوں تے حام ؔ دیاں تنبوواں وچ پہلے پھل نُوں ماریا۔
52
۵۲۔ فیر اوہ اپنی قوم نُوں بھیڈاں وانگر لے کے چلیا ۔تے اُجاڑ وچ جھُنڈ وانگر اوہناں نُوں راہ وکھایا ۔
53
۵۳۔ اوہ اوہناں نُوں سلامتی نال لے گیا تے اوہ نہ ڈرے ۔تے اوہنے سمندر اوہناں دے دُشمناں تے اُلٹ دِتا۔
54
۵۴۔ تے اوہناں نُون پاک دھرتی تے لیایا ۔یعنی اوس کوہستان تے جنہوں اوہنےاپنے سجے ہتھ نال لیا ۔
55
۵۵۔ تے اوہنے قوماں نُوں اوہدے اَگے کڈھیا ۔تے گناہ پا کے اوہناں دی دھرتی اوہناں نُوں ونڈ دِتی ۔تے اوہناں دے تنبواں وچ اسرئیل ؔ نُوں وسایا۔
56
۵۶۔ فیر وی اوہناں نے اوہنوں آزما کے خدا تعالیٰ نُوں غُصہ دوایا ۔تے اوہدے اصولاں نُوں نہ منیا۔
57
۵۷۔ سگوں اپنے پیودادے وانگر خُدا تَوں دور ہو کے بے وفائی کیتی تے دھوکا دین والی کماںوانگر مُڑآئے ۔
58
۵۸۔ اوہناں اپنے اُچے تھاواں تَوں اوہدا غُصہ بھڑکایا تے اپنیاں کھودیاں ہویاں مورتاں توں اوہنوں غیرت دوائی ۔
59
۵۹۔ خُدا نے سُنیا تے غصے ہو کے تے اسرائیل توں سخت نفرت کیتی ۔
60
۶۰۔ تے اوہنے نیلوؔ دے گھرنُوں رد کر دِتا ۔یعنی اوس تنبو نُوں جتھے اوہ بنی آدم دے وچکار رہندا اے۔
61
۶۱۔ تے اوہنے اپنی طاقت نُوں اسریری وچ تے اپنا نُور دُشمن دے ہتھ وچ دے دِتا ۔
62
۶۲۔ اوہنے اپنی قوم نُوں تلوار دے حوالے کیتا تے اپنی میراث تے غضبناک ہویا ۔
63
۶۳۔ تے اَگ اوہناں دے گھبروواں نُوں کھا گئی تے اوہناں دیاں کواریاں ویاہیاں نہ گئیاں ۔
64
۶۴۔ تے اوہناں دے کاہن تلوار نال مارے گئے ۔تے اوہناں دیاں رنڈیاں نے وین کیتا ۔
65
۶۵۔ تے خداوند اینج جیویں نیندر تَوں اُٹھ پیندا اے ۔اوس گھبرو وانگر جیہڑا مت نال دُھت رہوے۔
66
۶۶۔ تے اوہنے اپنے دُشمناں نُوں مار کے ہرا دِتا ۔تے ہمیشاں اوہناں نُوں شرمندیاں کیتا ۔
67
۶۷۔ تے اوہنے یوسفؔ دے تنبو نُوں رد کر دِتا تے افرائیمؔ دے قبیلے نُوں نہ چُنیا۔
68
۶۸۔ سگوں یہوداہ ؔ دے قبیلے نُوں چُن لیایعنی اوس صیہون ؔ دے پہاڑ نُوں جیہڑا اوہنوں چنگا لگا ۔
69
۶۹۔ تے اوہنے اپنے گھرنُوں اَسمان وانگر اُساریا۔تے دھرتی وانگر وی جہدی اوہنے ہمیشاں لئی نئیں پائی ۔
70
۷۰۔ تے اوہنے اپنے بندے داؤد نُوں پسند کیتا۔تے بھیڈاں دے واڑے وچوں اوہنوں لے لیا۔
71
۷۱۔ اوہنے اوہنوں دُودھ پیان والیاں پچھوں بلا لیا۔تاں جو اوہدی قوم یعقوب ؔ دی تے اپنی میراث اسرائیل دی پاسبانی کرے۔
72
۷۲۔ تے اوہ اپنے دل دی سچیائی نال اوہدی ٌاسبانی تے اپنے ہتھاں دی پہارت نال اوہدی راہنمائی کر دا رہیا۔