میر مُغنی لئی تار دا رساز دے نال آصف دا گیت ۔ ¹ ۱۔ خدا یہوداہ وچ مشہور اے ۔اوہدا ناں اسرائیل وچ مشہور اے۔ ² ۲۔ شالیم وچ اوہدا تنبو اے تے صیہونؔ وچ اوہدا گھراے۔ ³ ۳۔ تے اوتھے اوہنے برقِ کمان نُوں تے ڈھالتے تلوارتے جنگ دے سامان نُوں توڑ سُٹیا۔(سلاہ) ⁴ ۴۔ تُوں اے قدرت والے ۔نُور وچ ہوکے ازلی پہاڑاں تَوں آیا ایں ۔ ⁵ ۵۔ پکے دل والے ڈھے پے ۔اوہ اپنی نیندر وچ سوں گئے تے کسے سورمے دا ہتھ کم نہ آیا۔ ⁶ ۶۔ اے یعقوبؔ دے خُدا تیری جھڑکی دے سببوں ۔رتھ تے گھوڑے ڈِگے ہِلدے جُلدے نیں۔ ⁷ ۷۔ تُوں بڑے عجیب کم کرن والا ایں ۔سو تیرے قہر دی زیادتی دے سببو ں کون تیرے اَگے کھلو سکے گا ۔ ⁸ ۸۔ تُوں اَسمان تے شریعت سُنائی ۔دھرتی ڈرگئی تے چُپ ہو گئی ۔ ⁹ ۹۔ جدؤں خُدا نیاں کرن لئی اُٹھیا۔تاں جو دھرتی دے سارے بھیڑے حالاں والیاں نُوں بچا لَوے۔(سلاہ) ¹⁰ ۱۰۔ کیوں جو ادومؔ دا قہر تیری ستائش کر گا تے حماتؔ دا بچیا تیریاں عیداں منائے گا ۔ ¹¹ ۱۱۔ خداوند اپنے خُدا دیاں مَنتاں منو تے پوریاں کرو۔اوہدے آلے دوالے رہن والے سارے لوک اولّے خُدا لئی ہدئیے لیاؤن ۔ ¹² ۱۲۔ جیہڑا امیراں دی روح نُوں اپنے قبضے وچ کر دا اے ۔اوہ دنیا دے بادشاہواں دے لئی اولّہ اے۔