فنا نہ کر ¹ ۱۔ اسیں تیرا شکر کر دے ہاں ۔تیرا شکر کر دے تے ۔تیرے ناں دی تعریف کرنے آں۔اسیں تیرے اولے کماں دا بیان کرنے آں۔ ² ۲۔ جدوں میرا مِتھیا ویلا آوے گا ۔تدوں میں صداقت ناں نیاں کراں گا۔ ³ ۳۔ تے جے کر دھرتی اپنے رہن والیاں سمیت کھا گئی اے۔تے فیر وی میں اوہدے تھماں نُوں کھلاریا اے۔(سلاہ) ⁴ ۴۔ پر گھمنڈیاں نُوں آکھ گھمنڈ نہ کرو۔تے شریراں دے سِنگ اُچے نہ کر و۔ ⁵ ۵۔ حق تعالیٰ دے بر خلاف سِنگ اُچے نہ کرو۔خدا دے خلاف مونہہ نہ کھولو۔ ⁶ ۶۔ کیوں جو نیاں نہ لہندیوں تے نہ چڑھدیوں نہ اُجاڑتَوں تے نہ تھر تَوں آؤندا اے۔ ⁷ ۷۔ پر خدا ای نیاں کرن والا اے اوہ کسے نُوں نیویاں تے کسے نُوں اُچیاں کر دا اے۔ ⁸ ۸۔ کیوں جو خدا دے ہتھ اِک اینج دا پیالہ اے۔جیہڑا مے نال بھریا تے ملاوٹ نال بھریا اے ۔تے اوہ اوہدے ای وچوں پاؤندا اے تے اوہ اوہنوں تھلوں تیک کھیچ لین گے ۔تے دھرتی دے سارے رہن والے پین گے ۔ ⁹ ۹۔ پر میں تے ہمیشاں خوشی کردا رہوں گا ۔میں یعقوب ؔ دے خدا دی تعریف کراں گا۔ ¹⁰ ۱۰۔ میں سارے شریراں دے سِنگ ودھ دیاں گا سگوں سچیاں دے سِنگ اُچے کیتے جان گے ۔