¹ ۱۔ آصف دا شکیل۔اے خداوند تُوں ہمشاں لئی کیوں رد کر دِتا اے۔تیر ی چرن والیاں بھیڈاں تے تیرا قہر کیوں رکھ پخ رہیا اے۔ ² ۲۔ اپنی اوس جماعت نُو ں یاد کر ۔جنہوں تُوں پرانیاں ویلیاں توں کھلواریا اے۔اوس قبیلے نُوں جنہوں تُوں اپنی میراث ہون لئی چھڈالیا اے۔اوس صیہونؔ دے پہاڑ نُوں جنہوں تُوں اپنے رہن دی تھاں بنایا اے۔ ³ ۳۔ ہمیشاں دے کھنڈراں وَل اپنا پیر ودھا۔دُشمن نے گھر وچ تباہ کر چھڈیا اے۔ ⁴ ۴۔ تیرے مخالف تیرے اکٹھے ہوندی تھاںوچ گج دے نیں ۔اوہناں نے اپنے نشاناں نُوں فتح دا نشان بنایااے۔ ⁵ ۵۔ اوہ اوہناں بندیاں وانگر نیں جیہڑے گھنے رُکھاں تے کہواڑہ چلاؤندے نے۔ ⁶ ۶۔ فیر اوہدیاں بوہیاں نُوں کہواڑی تے ہتھوڑے نال توڑ سُٹدے نے۔ ⁷ ۷۔ اوہناں نے تیرے گھر نُوں اَگ نال ساڑ دِتا اے تے دھرتی نے تیرے ناں دے گھر نُوں ناپاک کر دِتا اے۔ ⁸ ۸۔ اوہناں نے اپنے دل وچ آکھیا پئی اسیں مِل کے اوہنوں تباہ کر دئیے۔تے ایس دیس وچ خُدا دیاں ساریاں عبادت گاہواں نُوں ساڑدیو۔ ⁹ ۹۔ ساڈے لئی کوئی عجیب کم نظر نئیں آؤندا ۔تے کوئی نبی نئیں ہندا ۔تے نہ ساڈے وچؤں کوئی اینج دا اے جیہڑا ایہہ جانے پئی کدوں تیک ۔ ¹⁰ ۱۰۔ اے خدا دشمن کد تیک ڈانٹ ڈپٹ کرے گا ۔کیہ مخالف سدا تیرے ناں دی بے عزتی کرے گا۔ ¹¹ ۱۱۔ تُوں اپنا ہتھ کیوں روکنا ایں۔اپنا سچیائی دا ہتھ اپنی کچھ وچ کیوں لُکائی رکھنا ایں۔ رَب تے شروع تَوں ای میرا بادشاہ اے۔ جیہڑا دھرتی اُتے نجات دا کام کر دا اے۔ ¹² ۱۲۔ رَب تے شروع تَوں ای میرا بادشاہ اے۔ جیہڑا دھرتی اُتے نجات دا کام کر دا اے۔ ¹³ ۱۳۔ تُوں اپنی قدرت نال دھرتی نُوں چیر دِتا ۔تُوں پانیاں وچ اژدہیاں دے سِر چکنا چور کر دِتے۔ ¹⁴ ۱۴۔ تُوں لویاتان ؔ دے سِر پَن دِتے۔ ¹⁵ ۱۵۔ تُوں چشمے تے ہڑھ وگائے۔ تے بھرے دریاواں نُوں خُشک کر دِتا ۔ ¹⁶ ۱۶۔ دِن تیرا اے تے رات وی تیری او ای اے۔ سورج تے چَن نُوں تُوں ای بنایا اے۔ ¹⁷ ۱۷۔ تُوں ای دھرتی دیاں ساریایاں حداں ٹھہرائیاں نیں ۔ گرمی تے ٹھنڈ تُوں ای بنائے نیں ۔ ¹⁸ ۱۸۔ ایہہ یاد رکھ یا رَبا پئی دُشمن نیں تینوں ملامت کیتی اے۔ تے اِک جاہل قوم نیں تیرے ناں دی بے عزتی کیتی۔ ¹⁹ ۱۹۔ اپنی فاختہ نُوں باز دے حوالہ نہ کر۔ اپنے مسکیناں دی جان ہمیشاں لئی بھُل نہ جا۔ ²⁰ ۲۰۔ اپنے وعدیاں وَل دھیان کر۔ کیوں جو دھرتی تے میدان دیاں کمیناں ظلم نال بھریاں نیں۔ ²¹ ۲۱۔ مظلوم شرمندہ ہو کے نئیں پرتے۔ غریب تے مسکین تیرے نان دی وڈیائی کرن۔ ²² ۲۲۔ اُٹھ یا رَبا ۔تُوں آپ ای اپنی وکالت کر۔ یاد کر پئی جاہل ہر روز تینوں ملامت کر دا اے۔ ²³ ۲۳۔ اپنے مخالفاں دی آواز نُوں نہ بھُل ۔ تیتھوں باغیاں دا ہنگامہ اُچا ہوندا رہندا اے۔