داؤد وَلوں شجایون جیہڑا اوہنے بنیامینی کوش دیاں گلاں دے سببوں خداوند دے حُضور گایا ¹ ۱۔ یا ربا میرے خدا میں تیری پناہ لینداواں میرے کُل ستاں والیاں توں مینوں بچا تے مینوں چُھڑا ² ۲۔ اینج نہ ہووے پئی کوئی مینوں شیراں وانگ پاڑے تے ایہنوں چیر دیوے تے کوئی چُھڈاوا نہ ہووے ³ ۳۔ یا ربا ! میرے ربا! جے میں اینج کیتا ہووے جے میرے ہتھوں پاپ ہویا ہووے۔ ⁴ ۴۔ جے میں اہنے بیلی نال بدی کیتی ہووے سگوں میں تے اوہناں نوں وی بچایا جیہڑے میرے نہکے ویری سن ⁵ ۵۔ جے ویری میری جان دے مگر پین تے آگپھن اوہ میری جندڑی دھرتی توں مُکا دیوے میری عزت دھوڑ وچ رَلا دیوے ⁶ ۶۔ یا ربا اپنے غصے وچ اُٹھ میرے تنگ کرن والیاں دے غُصے دے مقابلے لئی کھلو جا تے میرے لئی اوس نیاں لئی کھلو جاجیہدا توں حکم کیتا اے ⁷ ۷۔ تیرے دوالے قوماں دا اکٹھ ہووے تے توں تے توں اہدے تے اُتلے جہان وچ بہہ جا ⁸ ۸۔ (خداوند قوماں دا قاضی اے) اے خداوند میری راستی دے مطابق تے بدوسی دے مطابق جیہڑی میرے وچ اے میرا نیاں کر ⁹ ۹۔ شریراں دی بدی مُک جائے پر سچے نوں قیام بخش کیوں جو نیاں دے رَب تُوں دِلاں تے گُردیاں نوں پرکھناں ایں ¹⁰ ۱۰۔ رَب میری ڈھال اے اوہ راست دلاں نوں بچاندا اے ¹¹ ۱۱۔ خدا نیائیں اے سگوں اجیہا خداے جیہڑا روز دھمکاندا اے ¹² ۱۲۔ جے او نہ مُڑے تے اوہ اپنی تلوار لاوے گا اوہ اپنے کمان چاڑکے پھیرےگا ¹³ ۱۳۔ اوہ اہناں لئی ڈاھڈے ہتھیار تیار کرے گا تے اپنے تِیراں نوں بالی رکھے گا ¹⁴ ۱۴۔ ویکھو اوہنو بُرائی دیاں پیڑاں لگیاں نیں اوہ شرارت نال گھبن ہویا اے تے اوہدے توں جھوٹ جمیا اے ¹⁵ ۱۵۔ اوہے ٹایا پوٹ کے ڈوہنگا کیتا تے جیہڑا ٹویا ااوہنے پُٹیا اوہدے وچ آپ ای ڈیگ پیندا اے ¹⁶ ۱۶۔ اوہدی شرارت اوہدے سِر تے پووے گی تے اوہدا ظلم اوہدی کھوپڑی تے آپووے گاْ ¹⁷ ۱۷۔ پر میں اوہدی سچائی دے مطابق خداوند دی وڈیائی کراں گا تے رَب سوہنے دے ناں دے گُن گاواں گا