تاردار سازاں نال ¹ ۱۔ اے خداوند مینوں اپنے غصے وچ نہ جھڑک تے غصے نال مینوں نہ ڈانٹ ² ۲۔ یا ربا میرے تے رحم کر کیوں جو میں ماڑاہاں مینوں شفا دے کیوں جو میریاں ہڈیاں کمنب دیاں نیں ³ ۳۔ تے میری جان وی بڑی دُکھی ہو گئی اے ہاں توں اے خداوند کدوں تیک ⁴ ۴۔ یا ربا فیر آتے میری جیند چُھڑا امنی رحمت لئی مینوں بچا لے ⁵ ۵۔ کیوں جو کوئی نئیں جیہڑا تینوں موت دی حالت وچ یاد کرے کون ایہہ جیہڑا قبر وچ تینوں بھلا آکھے ⁶ ۶۔ میں کُرلاندا کُرلانداتھک گیا میں ہر رات رورو کے اپنی منجی پیونا واں میں اپنا بسترا ہنجو ڈول ڈول کےپیوں دیناواں ⁷ ۷۔ دُکھ دے مارے میریاں اکھاں انیاں ہو گئیاں نیں تے میرے ویریاں دے سببوں دھندلا گئیاں نیں ⁸ ۸۔ کُل بھیڑ کرن والیو میتھوں دور ٹور جاؤ کیوں جو رَب نیں میرا رونا سُن لیا اے ⁹ ۹۔ رَب نے میری فریاد سُن لئی اے خداوند نیں میری دُعا قبول لئی اے ¹⁰ ۱۰۔ میرے سبھے ویری شرمندے ہون تے زور زور دی کمبن لاگ پین اوہ پیشاں ہون تے خجل ہون