داؤد وَلوں ہالک نہ کر ۔سر کوپ گوئیے لئی مِکتام جد شاول نے داؤد دے گھر تے پیرا لایا تاں جو اوس نُوں مار دیوے۔ ¹ ۱۔ یا رَبا مینوں میرے ویریاں تَوں چھُڈا میرے خلاف اُٹھن والیاں دے مقابلے لئی میری حمایت کر ۔ ² ۲۔ بھیڑے کم کرن والیاں تَوں مینوں چھُڈا تے لہو پین والیاں تَوں مینوں بچا ۔ ³ ۳۔ کیوں جو ویکھ اوہ میری جان دی گھات وچ نیں تے تگڑے لوک میرے خلاف ایکا کر دے نیں ۔ یا رَبا میرے وچ ناں تے گناہ اے ناں میتھوں بھُل ہوئی اے۔ ⁴ ۴۔ اوہو نیں بے دوسے دے خلاف بھج بھج کے تیاری کر دے نیں ۔ جاگ تے میری مدد لئی آ تے ویکھ ۔ ⁵ ۵۔ کیوں جو رَبا فوجاں دے رَب تُوں اسرائیل ؔ دا خُدا ایں اُٹھ کُل قوماں تَوں حساب لئی ۔تُوں غدار تے ترس نہ کھا ۔ ⁶ ۶۔ اوہنوں شام ویلے موڑ تے کُتیا وانگ کُر گاؤندے نیں ۔ تے شہر دیاں کلیاں کھیچ دے نیں ۔ ⁷ ۷۔ ویکھ اوہ ڈکار مار دے نیں تے اوہناں دے مونہاں وچ نفرت دیاں گلاں نے ۔کیہڑا اے جیہڑا سُنے۔ ⁸ ۸۔ پر تُوں اے خُداوند اوہناں تے ہسدا ایں ۔ تُوں کُل قوماں تے ٹھٹھے مار داایں ۔ ⁹ ۹۔ یا رَبا مینوں قبر دی آس ہووے گی کیوں جو خدا میرا اُچا بُرج اے۔ ¹⁰ ۱۰۔ میرے رَب میرے شفیق۔میری مدد لئی آوے ۔تے مینوں میرے ویریاں تے خوشی منان دیوے ۔ ¹¹ ۱۱۔ یا رَبا ایہناں نُوں مار مُکا تاں نہ ہوئے پئی ایہہ میری قوم نُوں کراہے پا دین۔ اپنی قدرت نال ایہناں نُوں بے چینی وچ پا تے نیواں کر دے ۔ ¹² ۱۲۔ اوہنآں دے منہ دا گناہ اوہناں دے ہونٹا ں دیاں گلاں نیں۔ اوہ اپنی وڈھو تے لعن طعن تے جھوٹ دے سببوں پھرے جان ۔ ¹³ ۱۳۔ غصے نال اوہناں نُوں اینج فنا کر پئی ملیا میٹ ہو جان ۔تاں جو دُھما پے جان پئی خدا یعقوبؔ تے سگوں دھرتی دیاں حداں تیک حاکم اے۔ ¹⁴ ۱۴۔ اوہو شام ویلے کنیاں وانگ گُر گاؤندے نیں ۔ تے شہر دیاں گلیاں کھیچ دے نیں ۔ ¹⁵ ۱۵۔ اوہو روٹی لبھن لئی آوارہ پھر دےنیں ۔ تے جدؤں رجھدے نئیں اوہدوں روندے نیں ۔ ¹⁶ ۱۶۔ پر میں تیری قدرت دا گیت گاواں گا ۔ تے سرگی ویلے تیری رحمت دی وڈیائی کراں گا ۔ کیوں جو تُوں میرا اُچا بُرج ایں ۔ سگوں میری مصیبت دے دِن لئی میری پناہ دی تھاں ایں۔ ¹⁷ ۱۷۔ اے میرے زور میں تیری وڈیائی گاواں گا ۔ کیوں جو اے خدا تُوں میرا اُچا بُرج ایں۔ میرا رَب میرا شفیق۔