داؤد ولوں "سوسن شہادت" دی دھن تے سر نوپ گوئیے لئی۔ بچاؤ لئی جد اوس ارام ؔ نہرام تے ارام ؔ صوبے تے چڑھائی کیتی۔تے یوآب ؔ نے پرت کے شور ؔ دی وادی وچ بارہ ہزار ادومیاں ؔ نُوں ماریا۔ ¹ ۱۔ یا رَبا تُوں سانوں نند دِتا اے ۔ساڈیاں صفاں نُوں نکھیڑ دِتا اے۔تُوں غُصے وچ آگیا ایں ۔سانوں فیر بحال کر۔ ² ۲۔ تُوں دھرتی نُوں ہلا دِت اے تے اوس نُوں پھآر دِتا اے۔ تُوں اوس دیاں تڑیراں بھر دے ۔کیوں جو اوہ ڈگمگائی اے ۔ ³ ۳۔ تُوں اپنی قوم نُوں سختیاں وکھائیاں نیں ۔ تُوں سانوں لڑکھڑان والا نشہ پیایا اے۔ ⁴ ۴۔ تُوں اپنے ڈرن والیاں لئی اِک جھنڈا گڈ یا اے۔ جتھے اوہ تیر اَگو بچ جا۔ ⁵ ۵۔ تاں جو تیرے پیارے رہائی پاؤن۔ تُوں اپنے سجے ہتھ نال حمایت کر ۔تے ساڈی سُن۔ ⁶ ۶۔ خُدا نے اپنے مُقدس وچ آکھیا اے ۔ میں خوشیاں مناؤندیاں ہویاں شکمؔ دی ونڈی پاواں گا۔ تے سکوتؔ دی وادی دا دورا کراں گا ۔ ⁷ ۷۔ جلعاد ؔ دا دیس میرا اے ۔منسی ؔ دا دیس وی میرا اے۔ تے افرائیمؔمیرے سَر دا خود اے ۔ یہودا ہ ؔ میرا کھونڈ اے ۔ ⁸ ۸۔ موآب ؔ میرے دھون دی چلمچی اے اے۔ ادومؔ نُوں میں اپنا چِھتر ماراں گا ۔ فلسطین ؔ تے میں جت دا نعرہ ماراں گا ۔ ⁹ ۹۔ مینوں سوہنے شہر وچ کو ن اپڑائے گا ۔ مینوں ادوم ؔ تیک کیہڑا لے جاوے گا ۔ ¹⁰ ۱۰۔ کیہ تُوں ای نئیں بھانویں تُوں سانوں نید چھڈیا اے ۔ کیہ تُوں ای نئیں اکھن توں ساڈے چتھیاں نال نئیں جاندا ۔ ¹¹ ۱۱۔ ویری دے مقابلے وچ ساڈی مدد کر ۔ کیوں جو بندیاں دی مدد جھوٹی اے۔ ¹² ۱۲۔ رَب دے سببو ں اسی دلیری کراں گے۔ تے اوہی ویریاں نُوں پیراں ھیٹ کر دیوے گا ۔