میِر مُغنی دے لئی ۔ " جانو ناں مار " داؤدؔ وَلوں ۔ مِکتام ¹ ۱۔ اے راج کرن والیو! کیہِ تُسیں ٹھیِک نیاں کردے او۔ اے جَگت دے لوکو ۔ کیِہ تُسیں ٹھیِک نیاں کردے او ؟ ² ۲۔ سگوں تُسیں دِل ای دِل چہ بے نیائی کردے او دھرتی تےتُہاڈے ہَتھ بے نیائی وَنڈدے نیں ³ ۳۔ ماں دی کُکھ توں ای شریِر بندے پُٹھی راہ تے چل دے نیں کُکھ توں ای جھُوٹ بولن والے پُٹھی راہ تے چَل دے آئے نیں۔ ⁴ ۴۔ اوہناں دا ڈَنگ سَپ دا زِہر اے ۔ اوس بولے سَپ وانگوں جیہڑا کَن بند رکھ دا اے ⁵ ۵۔ تاں جو سپیریاں دی واج ۔ سگوں چوٹی دے جادو گِر دا جادوُ وی ناں سُنے ۔ ⁶ ۶۔ اَے خُدا! تُوں اوہناں دے دَند اوہناں دے مُونہہ چہ ای بھَن دے ۔ آَے خُداوند ا ! شیر ببراں دا دھاڑاں نُوں ٹوٹے ٹوٹے کَر ⁷ ۷۔ اوہ وَگدے پانی وانگوں چَلے جان جیِہدوں اوہ اَپنے تیِر چلاؤن ۔ تے اوہناں دے تیِر رک جان ۔ ⁸ ۸۔ اوہ پِگھرن والے گھونگے وانگوں گھَل جان گے سگوں زنانی دے ڈِگے ہوئے حمل وانگوں جیِہنے سوُرج نئیں ویکھیا ⁹ ۹۔ ایس توں پہلاں پئی تُہاڈیاں ہانڈیاں نُوں کنڈیاں دی اَگ لَگے ۔ جَد پئی ا وہ ہر ے ای ہون تے اوہناں نُوں ہوا دا بھُلا اُڈا لے جاوے ¹⁰ ۱۰۔ سچا بندہ بدلہ ویکھ کے خُوش ہووے گا اوہ اَپنے پیر رَت نال دھوئے گا ۔ ¹¹ ۱۱۔ تَد لوکی آکھن گے پئی بناں شَک سچے بندے لئی اَجر اے ۔ پکّ اے پئی خُدا ہیگا اے تے اوہ ای دھرتی تے نیاں کرے گا ۔