میر مُغنی دے لئی ۔ " جانو ناں مار" داؤدؔ وَلوں ۔ مِکتام ۔ جِس ویلے اوہ ساؤلؔ دے اَگوں نِس کے غار چہ جاوَڑیا ! ¹ ۱۔ میرے اُتے رحم کَر ۔ اَے ربّا۔ میرے اُتے رحم کَر ۔ کیوں جو میری جان تیرے وَس وِچ اے ۔ تے میں تیرے پراں دے پرچھاوے چہ لُک جانا آں جیہدوں تیِکر مُصیبت ٹَل ناں جاوے ² ۲۔ میں خُدا تعالیٰ نُوں سدھنا واں ۔ ربؔ نُوں جیہڑا میرے تے مہربان اے ³ ۳۔ خُدا کرے ۔ پئی اوہ سمان توں گَل کے مینوں بچاوے۔ اوہ اوہناں نُوں بے عزت کرے جیہڑے مینوں ستاندے نیں ۔ (سلاہ) رَبّ اَپنی مہر تے سچیائی نُوں گھلے ۔ ⁴ ۴۔ میں شیر ببراں دے وِچکار لما پے جانا آں ۔ جیہڑے اِنساناں نُوںطمعے نال پاڑ کھاندے نیں اوہناں دے دَند برچھیاں تے تیِر نیں ⁵ ۵۔ تے اوہناں دی جیِبھ تیز تلوار اے ۔ اے ربّا ! تُوں سماناں تے اُچا ہو ساری دُنیا تے تیرا جلا ل ہووے ⁶ ۶۔ اوہناں نے میرے پیراں دے لئی پھندے لائی نیں اوہناں نے میر جان نُوں ذلیل کیِتا اے خُد کرے ! اوہ آپے ای اوہدے دِگ پین۔ ⁷ ۷۔ میرا دِل قائم اے ۔ اَے ربّا! میرا دِل قائم اے میں گاواں گا تے حمد کراں گا ⁸ ۸۔ جاگ اے میری جان۔ جاگو اے بربط تے ستار میں لَو دے تڑکے جاگاں گا ⁹ ۹۔ اے ربّا! میں قوماں چہ تیری واہ ۔واہ۔ کراں گا ۔ میں اُمتاں وِچ تیری تعریف گاواں گا ۔ ¹⁰ ۱۰۔ کیوں جو تیری مِہر اسمان تیِکر تے تیری سچیائی بَدلاں تیِکر وَڈی اے ۔ ¹¹ ۱۱۔ اے رباّ! اسماناں تے اُچا ہو ۔ ساری دُنیا تے تیرا جلا ل ہووے ۔