آگو گویّئے جوگی یونت ایلیم رخوقیم دے سُر اُتے داؤد دا مزمور۔ مکتام، اوس ویلے دا، جدوں فلستیاں نے اوہنوں جات وچ جا پھڑیا۔ ¹ ۱۔ ائے رب! میرے اُتے رحم کر کیوں جو بشر مینوں نگھاؤنا چاہؤندا اے اوہ سار دیہاڑی لڑ کے مینوں ستاؤندا اے ² ۲۔ ۔ میرے ویری ساری دیہاڑی مینوں نگھا لینا چاہؤندے نیں کیوں جو جہڑے گھمنڈ کر کے میرے نال لڑدے نیں، اوہ بتھیرے نیں ³ ۳۔ ۔ جیس ویلے مینوں ڈر لگے گا میں تیرے اُتے بھروسا کراں گا ⁴ ۴۔ ۔ میرا مان رب اُتے اتے اوہدے کلام اُتے اے میرا بھروسا رب اُتے اے۔ میں ڈرن والا نئیں بشر میرا کیہ وگاڑ سکدا اے؟ ⁵ ۵۔ اوہ سار دیہاڑی میریاں گلاں نوں مروڑدے رہندے نیں اوہناں دے خیال نِرے ایہو ای نیں پئی میرے نال بریائی کرن ⁶ ۶۔ اوہ کٹھے ہو کے لُک جاؤندے نیں اوہ میرے پیراں دے نشان بھالدے نیں کیوں جو اوہ میری جان دی چھئی وچ نیں ⁷ ۷۔ کیہ اوہ بریائی کر کے بچ جان گے؟ ائے ربا! قہر وچ آ اتے امتاں نوں ڈیگ دے ⁸ ۸۔ تون میری آوارہ گردی دا حساب رکھنا ایں میرے اتھرؤاں نوں آپنی مشک وچ سانبھ لے کیہ اوہ تیری کتاب وچ نئیں لکھے؟ ⁹ ۹۔ تد تاں جیس دیہاڑے میں فریاد کران گا، میرے ویری پچھاں نوں مُڑ جاؤن گے مینوں ایہہ معلوم اے پئی رب میرے ول اے ¹⁰ ۱۰۔ میرا مان رب اُتے اتے اوہدے کلام اُتے اے میرا مان خداوند اُتے اتے اوہدے کلام اُتے اے ¹¹ ۱۱۔ میرا بھروسا رب اُتے اے۔ میں ڈرن والا نئیں انسان میرا کیہ کر سکدا اے؟ ¹² ۱۲۔ اے رب! تیریاں منتاں میرے اُتے نیں میں تیرے حضور شکر گزاری دی قربانیاں کراں گا ¹³ ۱۳۔ کیوں جو توں میری جان نوں موت تھوں چھڈایا کیہ توں میرے پیراں نوں تِلکن تھوں نئیں بچایا تاں جو میں رب دے اگے جیوندے دے چانن وچ ٹُراں؟